Dios i̧mi̧mä̧ Jeohua (Jehová), iso päiʼönä ya̧tȩtä̧ ja̧ʼa̧ (Salmo 83:18). Espíritu hua̧, topöʼinä̧ totococu. Ujuturumä rö̧ȩnä̧ repeʼö. Pä̧huä̧ rö̧jä̧cu̧ ujutuʼinä repetarö päʼö. Ja̧ʼhua̧ta̧nö̧, pä̧huä̧ rö̧jä̧cu̧ repetiyarö päʼö korotö ttö̧ja̧rö̧ (Salmo 31:23; Mateo 22:39). Ja̧u̧ttu̧ʼinä abonänö hua̧mä̧ toaʼa, oʼca juiyönä ja̧u̧tä̧ aditinötä ja̧ʼa̧.

Ä̧cuo̧mȩnä̧ji̧ aditinö ya̧tȩ ángel i̧sa̧rö̧, rö̧ȩnä̧ ju̧ru̧hua̧rö̧. Jitä mo̧ro̧mä̧ tu̧huo̧juä̧cu̧ Jesucristo päʼö. Ja̧u̧nu̧ oʼcaʼa, Jeohua aditinö korotö ángeles huotörö.

 Jeohuamä aditinö mo̧ro̧jä̧nä̧ ka̧cu̧ʼi̧nä̧, pi̧jä̧nä̧ ka̧cu̧ʼi̧nä̧ oʼca juiyönätä (Apocalipsis 10:6).

Aditinö ä̧cuo̧mȩnä̧ ttö̧ja̧ i̧sa̧rö̧ redäʼca i̧sa̧ppȩttö̧, i̧mi̧mä̧ mi̧cua̧ Adán (1 Corintios 15:47).