Parte 3
¿Tta̧ʼa̧nö̧ ji̧na̧ʼa̧ kä̧cuä̧huä̧ Edén pättanämä?
Adánrö, Evaröʼinä Diosmä iyinö rö̧ȩnä̧ adihuä juäi (Génesis 1:28; Hechos 17:25)
Jeohuamä aditinö yajute isajuru, ki̧mi̧mä̧ Eva, ä̧cuo̧mȩnä̧ ttö̧ja̧ isajuru. Adánrö iyinö irecua päiʼönä (Marcos 10:6, 7).
Jeohuamä aditinö Adánrö, Evaröʼinä. Ttamöcuädö, ttidepäʼinä surojö juiyönä.
Jahuätömä ka̧cui̧nä̧tö̧ Edén pättanä. Ajeʼinä ki̧na̧ʼa̧, dauhuiyaʼinä. Ja̧ʼhua̧ta̧nö̧, rȩjȩ isotöʼinä, juʼtoju isotöʼinä, aje isotöʼinä, deʼa isotöʼinä ka̧cui̧nä̧tö̧. Oʼca juiyö rö̧ȩnä̧ adihuinaʼa.
Jeohua ucuocuinö jahuätörö, huo̧juȩti̧nö̧. Ju̧huȩnȩ ttö̧ja̧ pä̧huä̧ rö̧jö̧ttö̧mä̧ ʼcuäopönä, Diosrö esetö, ttä̧ju̧cua̧ päʼö ji̧na̧ʼa̧.
Dios päʼinö: “Pi dauttumä cucuä” (Génesis 2:16, 17)
Ya̧tȩ ángel i̧sa̧ jarodäʼchö ʼqueʼichinö Diosttö. Su̧ro̧pa̧ pidemä ähuettä, Satanás pättäcu.
Jeohua jiʼähuinö Adánrö, Evaröʼinä: “Jite dauttumä pättanä käi, cucuätöcuttumä, ʼcorujocuachäcuotöjä”.
Satanás kuʼcocu pinö jahuätö ttesetä päʼö Jeohuarö. Satanás jepinö äca ucuocua a̧ʼcua̧rö̧nä̧. Päʼinödo Evarö: “Cucuttumä u̧huä̧ju̧ttu̧, ʼcorujocuächiyäcuojujä. Cuacuojujä Dios taʼanö”. ¡Yapare! (Génesis 3:1-5; 1 Timoteo 2:14)
