Adánʼinä, Evaʼinä tti̧tti̧mö̧rö̧ ku̧nä̧ri̧nä̧tö̧, pi̧jä̧nä̧ ttö̧ja̧ yeʼähuächinätö̧. Ja̧u̧nu̧ oʼcaʼa, korotö ángeles isotö jȩpi̧nä̧tö̧ Satanás jinö taʼanö ʼquȩʼi̧pä̧chi̧nä̧tö̧ Diosttö.

Mȩyȩhuinätö jahuätö mo̧ro̧jä̧ra̧ʼa̧ttö̧, pi̧jä̧ ttö̧ja̧ ttidepänä päiʼinätö, nä̧tö̧cu̧ ttirecua päiʼönä ttö̧ja̧ päʼö. Ku̧nä̧ri̧nä̧tö̧ tti̧tti̧mö̧rö̧ suropätö ju̧ru̧huä̧tö̧rö̧ korotöttöʼinä abonänö.

Ttö̧ja̧ suropätö recuächinätö pi̧jä̧nä̧. Dios I̧huȩnȩ Isäʼtä päaʼa pi̧jä̧ ttö̧ja̧ juiyo rö̧ȩnä̧ suronä jȩpi̧nä̧tö̧. Jahuätö oʼca juiyönä ttamöcuädömä surojötä amöcuadö ka̧cui̧nä̧tö̧ ʼcuäopönä.

Noémä adihuä i̧sa̧ pi̧nö̧. Jeohua päʼinö Noérö: “Beʼepäjipö chi̧cuä̧cua̧sä̧ ttö̧ja̧ suropätörö aje suhuädönä”.

Dios päinäcu adita päʼö huoiʼca rö̧äʼca. Ju̧huȩnȩ doächa päʼö ji̧na̧ʼa̧ ahuaruhuäcu. Ja̧ʼhua̧ta̧nö̧ koro juoʼotö deʼa isotö, juʼtoju isotörö, doäda päʼö ji̧na̧ʼa̧.

Noémä jiʼähuinö korotö ttö̧ja̧rö̧ rö̧ȩnä̧ aje suhuädäcua päʼö, ä̧ju̧cuo̧co̧tö̧ pi̧nä̧tö̧. Korotöpönä ya̧ʼä̧hui̧nä̧tö̧, korotömä ra̧huä̧ri̧nä̧tö̧.

Noémä aditäjiʼca doädinö deʼa isotörö, juʼtoju isotörö huoiʼcanä.