Dios I̧huȩnȩ Isäʼtänä mo täbocö tti̧huȩyu̧ti̧nö̧ jitä mo̧ro̧ topätöjä: ttäʼo hueö jȩpo̧co̧tö̧, pä̧i̧cua̧tö̧ rö̧ȩnä̧ rä̧huä̧rä̧tö̧, pärätänä rö̧ȩnä̧ amöcuädätö, pi̧jä̧ jähuä rö̧ȩnä̧ amöcuädätö.

Ja̧ʼhua̧ta̧nö̧ ka̧ʼa̧ rö̧ȩnä̧ rȩjȩ ttö̧ȩpö̧, rö̧ȩnä̧ curä ka̧ʼa̧, rö̧ȩnä̧ ppä̧i̧ ttuätö, recuätö na̧ʼä̧chä̧tö̧. Iso päiʼönä jitä mo̧ro̧ pi̧yȩ ʼcuäopaʼa.

Jesús päʼinö taʼanö Dios Uruhuo adiu huȩnȩ jiähuätö pi̧jä̧ oʼca juiyönä jitä mo̧ro̧ (Mateo 24:14).

Jeohuamä yodojinänö suropätö ttö̧ja̧ oʼca toiʼönärö beʼepäjipö i̧cuä̧cua̧.

Satanás ähuettä, umöhuäyotöcu beʼepäjipö tticuäcuotö.

Diosrö esetätömä ttö̧ja̧cua̧cuo̧tö̧ pi̧jä̧ rȩjȩ rö̧ȩnä̧ adiu ka̧cuo̧mȩ. Ja̧u̧nu̧ mo̧ro̧, ka̧cua̧ repeäcuähuä, eseäcuähuä, oʼca toiʼönä yoräteunä adiunä ttö̧ja̧cua̧cuo̧tö̧. Oʼca toiʼönä ttesetäcuotö ka̧ra̧ ka̧ra̧cu̧, ja̧ʼhua̧nö̧ ja̧ʼa̧ttö̧, ya̧tȩʼi̧nä̧ yeʼecuiyä̧cua.