“Chihueʼquiyunä kä̧mä̧dö̧ ucuocusä [...] Dios äʼca jo̧mȩttö̧. Chutä tti̧mi̧ hueinä̧u̧do oʼca toiʼönärö, mo̧ro̧jä̧ra̧ʼa̧ ka̧cuä̧tö̧rö̧ʼi̧nä̧, pi̧jä̧ra̧ʼa̧ ka̧cuä̧tö̧rö̧ʼi̧nä̧” (Efesios 3:14, 15).

¿Tocu jö̧nä̧ jȩtö̧ʼa̧nö̧ ja̧ʼa̧ttö̧ tahuaruhuäcu eseu tö̧ja̧ päʼömä?

• Marcos 10:6

  Jeohuamä äcuomenä ttö̧ja̧ i̧sa̧rö̧ʼi̧nä̧, ttö̧ja̧ isajuruʼinä aditinö irecua päiʼönä, kirecuo päiʼönä ttö̧ja̧ päʼö.

• Efesios 5:1, 2

  Tahuaruhuäcu eseu tö̧ja̧ päʼömä, Jeohuaʼinä, Jesúsʼinä jȩttö̧ taʼanö jȩta̧ päʼö ja̧ʼa̧.

“Cui̧rȩcua̧mö̧rö̧ʼi̧nä̧ eseunu repeʼätucui [...]. Isajuʼinä ucuotönö kö̧jä̧cua̧ʼa̧nö̧ kirecuorö” (Efesios 5:33).

Irecua ku̧nä̧rö̧ʼi̧nä̧, kirecuo ku̧nä̧rä̧ju̧ʼi̧nä̧, ¿däje jȩtta̧ päʼö ja̧ʼa̧ttö̧ pitömä?

• Efesios 5:22-29

  Irecua’inä, i̧tti̧mö̧’i̧nä̧ ttu̧ru̧hua̧ päi’önä kö̧ ubomä, irecuarö repea päʼö ja̧ʼa̧. Ja̧ʼhua̧ta̧nö̧ irecuamä pide jȩa̧ päömä ucuotönö ppäjäda päʼö ja̧ʼa̧.

• Colosenses 3:19; 1 Pedro 3:4

  Ta̧ju̧cuäyotö ppäʼädäcuäu repettäcuähua päʼö ja̧ʼa̧.

• 1 Pedro 3:1, 2, 7

  Ta̧ju̧cuäyotö ttucuotäcuähua päʼö ja̧ʼa̧.

• 1 Timoteo 5:8; Tito 2:4, 5

  Ubomä, ojusodera̧ʼa̧ ka̧cuä̧tö̧ ahuaruhuärö ucuäjea päʼö ja̧ʼa̧. Irecuamä kojusodettö adicuä adiunä kadita päʼö ja̧ʼa̧.

“Cui̧tti̧mö̧ ttami surächiʼönämä jȩcu̧ʼä̧tu̧cuä̧ʼ. Adiunätä jiʼäu huo̧juȩtä̧tu̧cui̧ cui̧tti̧mö̧rö̧, Tu̧ru̧hua̧rö̧ eseunu ttesetäcuaʼa̧nö̧” (Efesios 6:4)

¿Däje jȩtta̧ päʼö ja̧ʼa̧ttö̧ ttä̧ʼo̧tö̧ huotömä?

• Deuteronomio 6:4-9;2 Timoteo 1:5; 3:15

  Cui̧tti̧mö̧rö̧ cu̧ju̧nä̧rö̧ttö̧mä̧ Jeohua ötöʼcö jähuä ʼcuäopönätä cu̧huo̧juȩta̧ päʼö ja̧ʼa̧ tta̧ʼu̧cuä̧i̧tä̧ päiʼönä kä̧mä̧dö̧, Jeohua ahuaruhuä pättiʼa päʼö.

• 1 Pedro 5:8

  Cui̧tti̧mö̧ ppo̧ʼä̧tö̧rö̧ huo̧juȩti̧, katä ttö̧jo̧mȩnä̧ adiunä tta̧ttä̧rä̧cuä̧hua̧ päʼö, korotö tä̧mö̧ suronä jȩtti̧yä̧cua̧ʼa̧nö̧.

• Jeremías 30:11; Hebreos 12:9-11

  Cui̧tti̧mö̧rö̧ ro̧ʼȩpi̧. Ja̧ʼhua̧nö̧ ja̧ʼa̧nä̧ rö̧ȩnä̧ cuami surächiʼomenämä cui̧tti̧mö̧rö̧ pä̧i̧cu̧nä̧ cuäcuhuäʼ.

“Ppo̧ʼä̧tö̧ [...] cuäʼo hueö eseunu jȩpä̧tu̧cui̧” (Efesios 6:1).

¿Tta̧ʼa̧nö̧ päʼö cuä̧ʼo̧tö̧ huettö jȩcu̧ʼa̧ päʼö ja̧ʼa̧ttö̧?

• Proverbios 23:22-25; Colosenses 3:20

  Ja̧ʼhua̧nö̧ jȩcu̧ʼo̧mȩnä̧ Jeohuaʼinä, cuä̧ʼo̧tö̧ʼi̧nä̧ rö̧ȩnä̧ esehuätö.

• 1 Corintios 15:33

  Jeohuarö repeʼätöcutä cueʼächi. Jeohua päö taʼanö jȩcu̧ʼa̧ päʼömä ʼquiyö juiyäcuaʼa.