“ ʼCorujuoʼächinätömä ji̧ʼqui̧cha̧nö̧ʼi̧nä̧ yoröiso ttu̧ʼȩpä̧ro̧co̧tö̧” (Eclesiastés 9:5).

¿Däje ʼcuäopaʼattö ʼcorujuotächö oʼcaʼamä?

• Salmo 146:3, 4; Eclesiastés 9:6, 10

  ʼCorujuotächomenämä, topöʼinä topocotöjä, ä̧ju̧cu̧ʼi̧nä̧ ä̧ju̧cuo̧co̧tö̧jä̧, amöcuädöʼinä amöcuädocotöjä.

• Juan 11:11-14

  Jesúsmä, ʼcorujuoächäcuähuämä äʼähuäcu todetö jiʼähuinödo.

“Jite dauttu adiuʼinä, surojöʼinä huo̧juä̧huä̧ dauttumä cucua päʼömä jo̧ca̧ʼa̧. Ja̧u̧ dauttu cucu mo̧ro̧mä̧ iso päiʼönä huaʼö cui̧cuä̧cua̧jä̧” (Génesis 2:17).

¿Tta̧ʼa̧nö̧ päʼö ʼcorujuotächaʼattö?

• Génesis 3:1-6

  Ähuettämä, Dios hueinöttö i̧mi̧cu̧nä̧ ucuocu Evarö yapare jiʼähuinödo, huaʼö icuocojujä päinäcuado. Adánʼinä, Evaʼinä Diosrö ttöʼarodiʼomenä surojö jȩpi̧nä̧tö̧do, recuo oʼcaʼa ʼcorujuoʼächinätödo.

• Génesis 3:19

  Adán ʼcorujuoächomenämä, ju̧huȩnȩ jubötä beʼichinödo.

• Romanos 5:12

  Tä̧do̧tö̧ mi̧nä̧ Adánʼinä, Evaʼinä jarodeʼö suronä jȩtti̧nö̧mä̧ märichei rö̧ȩnä̧ juruʼu jä̧ʼi̧nö̧ʼa̧nö̧ jö̧. Ja̧ʼhua̧nö̧ ja̧ʼa̧ttö̧ surojöcu uhuäpächö ʼcorujuoʼächätöjä.

• 1 Corintios 15:26

  Dios I̧huȩnȩ Isäʼtä päaʼa ʼcorupäiʼäcuähuämä ta̧bo̧i̧ya̧ jä̧ʼi̧nö̧ʼa̧nö̧ ja̧ʼa̧.

“Ya̧tȩ ttö̧ja̧ i̧sa̧ [...] ʼcorujuoächöttömä, ¿päʼäji taʼanö ö̧jö̧ʼa̧nö̧ ja̧ʼa̧di̧?” (Job 14:14).

ʼCorujuoächäcuähuä huȩnȩ tu̧huo̧juo̧mȩnä̧mä̧, ¿tta̧ʼa̧nö̧ ejädö icuaʼattö yapare huȩnȩttö̧mä̧?

• 1 Juan 4:8

  Ocuränä ttö̧ja̧rö̧ ku icuähuä huȩnȩmä̧ Jeohuamä ami suronä topö. Ja̧u̧mä̧ ubara ttuta päʼö yoröiso jȩpo̧cö̧.

• Apocalipsis 4:11

  Recuätö ttö̧ja̧mä̧ ʼcorujuoʼächinätörö yeʼecuätö, ja̧ʼhua̧nö̧ ja̧ʼa̧ttö̧ yotöcunämä jahuätörö ucuo teʼähuätö. Jeohuatä ja̧ʼa̧ ya̧tȩtä̧ iso päiʼönä Tö̧ä̧nä̧hua̧mä̧, Ja̧u̧ru̧tä̧ ucuo tetähua päʼö ja̧ʼa̧.