“Ucu curuhuo ichäcuaʼa̧nö̧. Ucuru pä̧huä̧ rö̧jö̧ pi̧jä̧nä̧ jȩttä̧cua̧ʼa̧nö̧, mo̧ro̧jä̧nä̧ jȩttö̧ taʼanö” (Mateo 6:9-13, TNM).

¿Däjettö Dios Uruhuomä?

• Apocalipsis 11:15

  Dios Uruhuomä mo̧ro̧jä̧ra̧ʼa̧ttö̧ pi̧jä̧ rȩjȩra̧ʼa̧ hueäcuaʼa.

• Juan 3:35

  Jesúsmä, Dios Uruhuonä Ru̧hua̧ päiʼönä kö̧.

• Apocalipsis 14:1, 4

  Jesúscumä mo̧ro̧jä̧ra̧ʼa̧ttö̧ 144.000nö huotö ttö̧ja̧ ruhuo huettäcuotö.

• Hebreos 4:15; 5:8

  Jesúscu 144.000nö huotö ttö̧ja̧mä̧ tamöcuädöʼinä, usurä tȩmä̧u̧ʼi̧nä̧ huo̧juä̧chi̧ʼö̧nö̧ topätö.

“Usurä isotörö adiutä jȩpö̧ jueönä huȩä̧cua̧” (Isaías 11:4).

¿Tocu päʼö Jesúsmä pi̧jä̧nä̧ hueʼätöttöʼinä abonänö adiunä huȩä̧cua̧ pätaʼattö?

• Romanos 6:9

  Pi̧jä̧ttö̧ ruhuo hueʼätömä ʼcorujuoʼächätö. Pärocuaʼacu Jesúsmä yoröiso ʼcorujuoächi̧yä̧cua̧. Ja̧ʼhua̧nö̧ ja̧ʼa̧ttö̧ Jesús adihuä juäi ujuturu iyöʼinä yoröiso beipächiyäcuaʼa.

• Apocalipsis 6:2; 1 Juan 2:1, 2

  Jesúsmä rö̧ȩnä̧ adihuä juäi ujutunä jȩö̧ʼa̧nö̧ hua̧, pi̧jä̧ ruhuotöttöʼinä abonänö. Ja̧ʼhua̧ta̧nö̧ pi̧jä̧ pa̧ja̧cu̧nä̧ ruhuo hueʼätö ttujuruttuʼinä abonänö ju̧ru̧hua̧. Ja̧u̧mä̧ adiunätä jȩpö̧, re rö̧jö̧nä̧ topö.

“Dios mo̧ro̧jä̧ra̧’a̧ kö̧mä̧, ya’ate ruhuo u̧ju̧nä̧cua̧, pi̧yȩ ruhuomä yoröiso beipächiyäcua’a” (Daniel 2:44)

Dios Uruhuomä jitä pä̧nä̧mä̧, ¿däje jȩa̧ʼa̧ttö̧?, yodojinänömä, ¿däje jȩä̧cua̧ʼa̧ttö̧?

• Apocalipsis 12:7-12

  1914 a̧ʼȩnä̧ Jesús Ru̧hua̧ päiʼönä ö̧huä̧mä̧dä̧ji̧ oʼca’a, ähuettärö pi̧jä̧ rȩjȩra̧ʼa̧cu̧ doʼopö icuinödo.

• 1 Corintios 15:24; Apocalipsis 16:16

  Armagedón curä ʼcuäopomenä, Dios Uruhuomä pi̧jä̧nä̧ ruhuo hueʼätörö siʼepö icuäcuaʼa.

• 2 Tesalonicenses 1:8, 9

  Diosmä oʼca toiʼönä suronä jȩttö̧ cäʼädiʼocotörö siʼepö i̧cuä̧cua̧.

• Apocalipsis 22:1-3

  Dios Uruhuo mo̧ro̧jä̧ra̧ʼa̧ttö̧ pi̧jä̧ rȩjȩra̧ʼa̧ hueomenä, na̧huä̧chä̧cuä̧huä̧ juiyönä ʼcuäopönätä ttö̧ja̧cuä̧cuo̧tö̧, Dios i̧mi̧ʼi̧nä̧ ttucuotäcuotö.