“Ucumä Cristojä” (Mateo 16:16).

¿Tta̧ʼa̧nö̧ päʼö tu̧huo̧jua̧ʼa̧ttö̧ Jesúsmä Cristo ja̧ʼa̧ päʼömä?

• Mateo 3:16, 17; Juan 1:32-34

  Jeohuamä päʼinö Jesúsmä Chutä I̧tti̧ päʼö.

• Juan 7:42; Mateo 2:1, 3-9

  Oʼca juiyö Cristorö ʼcuäopä̧cuȩ huȩnȩ tti̧huȩyu̧ti̧nö̧mä̧ Jesúsnä ʼcuäopinaʼa.

“Mo̧ro̧jä̧ra̧ʼa̧ttö̧ ... ichinösä” (Juan 6:38).

¿Däje jȩi̧na̧ʼa̧ttö̧ Jesúsmä pi̧jä̧ rȩjȩra̧ʼa̧ ichäcuaʼa äʼcanämä?

• Juan 1:3, 10

  Jeohuamä äcuomenäji Jesúsru uhuäbeʼinö. Ja̧u̧nu̧ oʼcaʼa Jesúsmä ppäʼädinö Jäʼorö koro oʼca juiyönä aditaʼanä. Rö̧ȩnä̧ recuo a̧ʼȩ jo̧mȩnä̧ Jesúsmä Jäʼo jȩö̧ topö rö̧ȩnä̧ huo̧jui̧pi̧nö̧.

• Lucas 1:30-35

  Jeohuamä Jesúsru hueʼinö pi̧jä̧ rȩjȩra̧ʼa̧.

“Ppo̧ʼä̧tö̧ huäinä ichätö ttörö. Ja̧ʼa̧tä̧ topätucui”(Marcos 10:14).

Jesús ö̧ji̧nö̧ jähuättömä, ¿däje cujöʼcaʼattö?

• Marcos 10:13-16

  Jesúsmä ttö̧ja̧rö̧ repeʼinö, pitöʼinä Ja̧u̧cu̧ ttucuocua päʼinätö.

• Juan 4:9, 27

  Jesúsmä nä̧tö̧rö̧ ucuotönö topö surojönä ucuocuocö pi̧nö̧.

• Juan 13:2-5, 12-17

  Jesúsmä korotöttöʼinä abonänö adihuä i̧sa̧sä̧ päʼö i̧jȩpo̧cö̧ pi̧nö̧.

• Mateo 9:35, 36; Marcos 1:40-42

  Jesúsmä ttö̧ja̧rö̧ ppäda päʼö pä̧huä̧ rö̧ji̧nä̧cu̧.

“Jȩcha̧ päʼö huecuhuinömä cäʼädösä jitämä” (Juan 17:4).

Jesús jȩi̧nö̧ huȩnȩmä̧, ¿tta̧ʼa̧nö̧ ppädaʼattö Diosrö esetö tö̧ja̧ päʼömä?

• Mateo 4:1-11

  Jesúsmä Dios hueö taʼanö jȩpi̧nö̧ ähuettä ka̧cuä̧mö̧ toaʼanäʼinä.

• Marcos 3:21

  Jesúsmä Dios hueö ʼcuäopönä jȩpi̧nö̧ chutä amönä ahuaruhuä ya̧ttä̧huä̧ʼcha̧ʼa̧nä̧ʼi̧nä̧.

• 1 Pedro 2:21-23

  Jesúsmä aboiyotö suronä jȩtta̧ʼa̧nä̧ʼi̧nä̧ micuä päiʼönä suronä jȩpo̧cö̧ pi̧nö̧.

• 1 Timoteo 2:6

  Jesúsmä ʼcorujuoächome jubö Dios päö taʼanö jȩpi̧nö̧do.

• Hebreos 10:12, 13; 1 Corintios 15:44

  Jeohuamä Jesúsru ttoʼädinö isoppa hua̧ jö̧nä̧.