18. ¿Diosrö cha̧ʼcua̧rö̧ chiya päʼö ja̧ʼa̧di̧? ¿Ajiyanä pötächiʼäcuähuänä chi̧jȩpa̧ päʼö ja̧ʼa̧di̧?
1 AJIYANÄ PÖTÄCHIʼÄCUÄHUÄMÄ RECUÄ RÖ̧JA̧ʼA̧
“Pȩnȩ isoʼu ra̧ʼa̧. Ttö bautizado pädiʼa pä̧huä̧ rö̧jä̧cu̧sä̧” (Hechos 8:36).
¿Tta̧ʼa̧nö̧ päʼö ajiyanä tuʼutächiʼa päʼö ja̧ʼa̧ttö̧?
Ajiyanä tuʼutächiʼomenä i̧jȩpä̧tö̧jä̧ äʼcoji tö̧ji̧nö̧ʼa̧nö̧mä̧ täcö ko̧co̧tö̧jä̧ päʼö, jitämä Diosrö pä̧huä̧ rö̧jö̧ jȩpö̧ kä̧tö̧jä̧ päʼö.
-
Ajiyanä tuʼutächiʼa päʼö ja̧ʼa̧ Jeohuarö pä̧huä̧ rö̧jö̧ jȩta̧ päʼö.
-
Ajiyanä tuʼutächiʼomenä korotörö i̧jȩpä̧tö̧jä̧ Diosrö pä̧huä̧ rö̧jö̧ jȩpö̧ tö̧ja̧ päʼätöjä päʼö.
-
Ya̧tȩ ajiyanä uʼutächiʼomenä, chutä jä̧ttä̧pä̧ya̧ uʼutächiʼa päʼö ja̧ʼa̧, Jesús jȩi̧nö̧ taʼanö ajiyanä uʼutächiʼomenä.
2 JEOHUAMÄ UJUTURU JUIYO ʼQUIYÖMÄ JÄʼEPOCÖ
“Dios hueinö taʼanö jȩto̧menä̧, Diosrö repeʼätöjä. Dios i̧huȩnȩ päöʼa̧nö̧ jȩä̧cuä̧huä̧mä̧ ʼquiyocaʼa” (1 Juan 5:3).
Jeohuarö ta̧ʼcua̧rö̧ tiya päʼömä, ¿tta̧ʼa̧nö̧ päʼö yetecu juiya päʼö ja̧ʼa̧ttö̧?
Salmo 103:14; Hebreos 13:5b, 6
Tami ʼcuätö tu̧ju̧nä̧ra̧ʼa̧nä̧ Jeohuarö ta̧ʼcua̧rö̧ tiyöʼa̧nö̧ ja̧ʼa̧. Chutä ppä̧dä̧cua̧ oʼca juiyö adiu jȩta̧ päʼö.
-
Jeohuarö repetöttömä tami ʼcuätönä ma̧tä̧chä̧cua̧ʼa̧ päʼö tamöcuädiyäcuotöjä.
3 AJIYANÄ TUʼUTÄCHIʼÄCUAʼA ÄʼCANÄ JȨTA̧ PÄʼÖ JÖ̧
“Chö̧ä̧nä̧hua̧, ucuru pä̧huä̧ rö̧jö̧ jȩcho̧mȩnä̧ cheseunä jä̧cu̧sä̧, ucuttu hueähuä huȩnȩ ttö chidepä jacuänä ka̧ʼa̧” (Salmo 40:8).
Ajiyanä tuʼutächiʼäcuaʼa äʼcanä, ¿däje jȩta̧ päʼö ja̧ʼa̧ttö̧?
-
DIOS I̧HUȨNȨ ISÄʼTÄ HUO̧JUI̧PÖ̧
Jeohuaʼinä, Jesúsʼinä ttötöʼcö jähuä tu̧huo̧jua̧ päʼö ja̧ʼa̧. Pitö ttötöʼcö jähuä juhuaʼa yabocu tu̧huo̧juä̧cho̧mȩnä̧ rö̧ȩnä̧ repetäcuotö.
-
TA̧ʼCUA̧ HUȨNÄ̧RÖ̧
Dios jȩä̧cuȩnä̧ rö̧ȩnä̧ ta̧ʼcua̧ tu̧huȩnä̧ra̧ päʼö ja̧ʼa̧. Ja̧ʼhua̧ta̧nö̧, suronä jȩtö̧nä̧ʼi̧nä̧, huaʼarenäʼinä Jesús ujutunä imitähuinönä ta̧ʼcua̧ tu̧huȩnä̧ra̧ päʼö ja̧ʼa̧.
-
PÄROCUA’ACUTÄ TAMÖCUÄDA PÄʼÖ JA̧ʼA̧
Äʼcoji suronä jȩti̧nö̧ttö̧ juiyo ta̧ʼcua̧ tta̧tȩcua̧ päʼö ja̧ʼa̧.
JȨTÄ̧ʼI̧JÖ̧ PÄROTÖ TICUA PÄʼÖ JA̧ʼA̧
Suronä jȩtö̧ cätädiʼächa päʼö ja̧ʼa̧. Pärocuaʼacu, adiu jȩpö̧ tö̧jä̧mä̧da̧ päʼö ja̧ʼa̧.
-
TA̧ʼCUA̧RÖ̧ DIOSRÖ IYÖ
Jeohuarö ta̧ʼcua̧rö̧ tiya päʼömä, Churutä ucuocu jiʼähuätöjä Churutä ucuo tetähuäcuotöjä, korottöʼinä abonänö Churutä pä̧huä̧ rö̧jö̧ jȩtä̧cuo̧tö̧jä̧ päʼö.
