“Tu̧ru̧hua̧ päʼö: Jahuätöttö räʼopächö, i̧mi̧cu̧nä̧ ʼquȩʼi̧pä̧chä̧tu̧cui̧. Surojömä mȩcu̧huä̧tu̧cuä̧ʼ” (2 Corintios 6:17).

¿Tta̧ʼa̧nö̧ päʼö ttu̧mö̧nä̧ adicuäʼinä, ttä̧do̧tö̧ mi̧nä̧ huotöröʼinä ucuo tettähuomenä surojö ja̧ʼa̧ttö̧?

• Éxodo 20:4, 5; 1 Corintios 10:14

  Jeohuamä köʼcocö ttu̧mö̧nä̧ adicuänä ucuo tetähuarö päʼö.

• Deuteronomio 18:10-12; Gálatas 5:20

  ʼCorujuoʼächinätöcu ucuocuätömä, isoppa huotö suropätöcutä ucuocuätö.

“Tu̧ru̧hua̧rö̧ pä̧huä̧ rö̧jö̧ amöcuädö huo̧jui̧pä̧tu̧cui̧” (Efesios 5:17)

¿Tta̧ʼa̧nö̧ cu̧huo̧ju̧ʼa̧nö̧ ja̧ʼa̧ttö̧ yaʼate päʼcäri adihuaʼacö̧, surojaʼacö̧ päʼömä?

• Ezequiel 44:23; 2 Corintios 6:14, 15

  Äʼcoji huo̧jui̧pö̧ topi päʼcärimä mo täbocö yapare ttesetinöttö ichinaʼa ja̧ päʼö.

• Éxodo 32:2-10; Hechos 7:39-42

  Ji̧yȩcu̧nä̧ päʼcäri jȩpä̧tö̧mä̧ adihuaʼa päʼö ttamöcuädaʼanä, Diosmä öjöʼcö juiyönä topö.

• Daniel 3:1-27

  Ucuo ttö̧ja̧rö̧ʼi̧nä̧, ttö̧ja̧rö̧ juȩʼȩpä̧rö̧ aditätöröʼinä, tti̧rȩjä̧ttö̧ ucuo tettäuʼinä yotöcunämä päʼcäri jȩpä̧tö̧ pi̧yȩ ucuo tettähua päʼö. Pi̧yȩttö̧mä̧ ʼquȩʼi̧pä̧chi̧.

• 1 Timoteo 1:18, 19

  Jȩcu̧ʼä̧cua̧ʼa̧ äʼcanä, Jeohua amöcuädö taʼanö amöcuädi, huäjunä cu̧huo̧jua̧ päʼö Chutä jȩcu̧ʼa̧ʼa̧ topö huȩnȩ juiyönä esehuäcuaʼa̧nö̧.

“Cucuocuätucuomenä, ʼcorujuäinä ucuocuätucui huo̧ju̧nä̧, korotö ttö̧ra̧huä̧rö̧ juiyäcuaʼa̧nö̧. Ja̧ʼhua̧ta̧nö̧ ädätäcuähuänäʼinä huo̧ju̧nä̧ ädätätucui oʼca toiʼönärö” (Colosenses 4:6).

Cuesetö jähuämä, ¿tta̧ʼa̧nö̧ jicuhuähua päʼö ja̧ʼa̧ttö̧ korotörömä?

• Mateo 7:12

  Korotö amöcuädö jȩtta̧ pättö ucuotö ja̧ʼa̧tä̧ topi, ucu jȩcu̧ʼu̧ ucuotönö ja̧ʼa̧tä̧ tottäcuaʼa̧nö̧.

• 2 Timoteo 2:24

  Cuesetö jähuä cucuocuomenä ucuotönö ucuocui, korotörö surojönä päcuhuäʼchocaʼa.

• 1 Pedro 3:15

  Cuesetö jähuä jicuhuähuomenä ttu̧ȩcuä̧nä̧ ucuotönö jiʼähui.

• Hebreos 10:24, 25

  Tö̧ca̧ca̧cuä̧ro̧mȩ cui̧ʼcho̧mȩnä̧ cueseunä ppädäcuaʼa, ja̧ʼhua̧ta̧nö̧ cuesetö jähuä korotö jättepomenä cuädäta päʼö cu̧huo̧juä̧chä̧cua̧jä̧.