15. Diosrö pä̧huä̧ rö̧jo̧mȩnä̧ ucuo teähuäcuähuä huȩnȩ
1 ISO PÄIʼÖNÄ DIOSRÖ ESETÄCUÄHUÄMÄ YAʼATETÄ KA̧ʼA̧
“Kä̧cuä̧huä̧ iʼco rȩbȩä̧cuä̧huä̧mä̧ mä̧nä̧ʼi̧nä̧, äpateʼinä ji̧ʼqui̧cha̧ja̧ʼa̧do. Ju̧huä̧mä̧ a̧ʼu̧cu̧nä̧tä̧ po̧cui̧pä̧tö̧do” (Mateo 7:14).
Diosmä, Churutä esetäcuähuä oʼca juiyönämä adihuocaʼa päʼö. ¿Tta̧ʼa̧nö̧ tu̧huo̧jua̧ʼa̧ttö̧?
-
Diosmä, Churutä esetäcuähuä päö taʼanö jȩtto̧co̧mȩnä̧ öjöʼcö juiyönä topö.
-
Iso päiʼönä Diosrö esetäcuähuämä kä̧cuä̧huä̧ iʼco ka̧ʼa̧cu̧ oipaʼa. Yapare Diosrö esetäcuähuämä yaʼatecutä toeäcuähuä ka̧ʼa̧cu̧ oipaʼa.
-
Diosrö pä̧huä̧ rö̧jö̧ jȩpä̧tö̧rö̧ tu̧huo̧juä̧cuo̧tö̧jä̧ jȩttö̧ttö̧ topö. Diosrö esetäcuähuä oʼca juiyönä ka̧cu̧mä̧ cu̧huo̧jui̧ʼa̧ päʼömä jo̧ca̧ʼa̧, Dios I̧huȩnȩ Isäʼtänä päötä cu̧huo̧jui̧ʼo̧mȩnä̧ cu̧huo̧juä̧cua̧jä̧.
2 YAʼATETÄ KA̧ʼA̧ DIOSRÖ PÄ̧HUÄ̧ RÖ̧JO̧MȨNÄ̧ UCUO TETÄHUA PÄʼÖ
1 Tesalonicenses 2:13; 2 Timoteo 3:16, 17
Dios I̧huȩnȩ Isäʼtänä päötä esetö huo̧juȩti̧.
-
Jeohuarö ucuo teʼähui. Chutä i̧mi̧nä̧ oʼirö.
-
Korotö Diosrö pä̧huä̧ rö̧jö̧ jȩpä̧tö̧rö̧ʼi̧nä̧ repeʼi.
-
Jesús päö taʼanö jȩpi̧. Diosmä Jesúsnä tö̧ji̧pa̧ päʼö jȩpö̧.
-
Política jähuänä docuhuächäʼ.
-
Korotörö huo̧juȩti̧ Dios Uruhuotä ja̧ʼa̧ surojö huȩnȩ ka̧cu̧ aditö icuäcuaʼamä päʼö.
3 DIOS PÄÖ TAʼANÖ JȨTA̧ PÄʼÖ JA̧ʼA̧
¿Däje jȩcu̧ʼa̧ päʼö ja̧ʼa̧ttö̧ Diosrö ucuo tecuhuäu Chutä öjöʼcönä toa päʼömä?
-
Diosrö esetötä teseta päʼömä jo̧ca̧ʼa̧. Jeohua Chutä I̧huȩnȩ Isäʼtänä päö taʼanö jȩta̧ päʼö ja̧ʼa̧.
2 Corintios 6:17; Apocalipsis 17:5
Diosrö yapare esetäcuähuämä, “Babilonia ötahuiya rö̧ome” päʼö ottömä, ttö̧ja̧rö̧ huo̧juȩta̧ʼa̧ Jäʼo Dios, I̧tti̧ Dios, a̧ʼcua̧ru̧hua̧ Dios ya̧tȩtä̧ huotö päʼöʼinä, ta̧ʼcua̧ru̧hua̧ ʼcorujuoʼächocörö jacuänä ku̧nä̧rä̧tö̧jä̧ päʼöʼinä, ttö̧ja̧rö̧ ocurä beipocaränä Dios ro̧ʼȩpö̧ päʼöʼinä. Pi̧yȩ yapare huȩnȩnä̧ Dios öjöʼcocomenä Churutä ucuo tettähuarö päʼö huo̧juȩtä̧tö̧.
-
Jeohuamä Churutä yapare esetäcuähuä oʼca juiyönä ka̧cu̧ yodojinänö siʼepö i̧cuä̧cua̧, ja̧ʼhua̧nö̧ ja̧ʼa̧ttö̧ pi̧yȩttö̧ ʼquȩʼi̧pä̧chi̧.
-
Ucuru Jeohua päö taʼanö jȩcu̧ʼo̧mȩnä̧ korotö ttöjöʼquiyäcuotö. Ja̧ʼhua̧nö̧ ja̧ʼa̧nä̧ Jeohuamä jaroʼi̧yä̧cua̧ ucuru.
