“Ubo I̧tti̧mä̧ ... ichinödo recuätö suronä jȩttö̧ttö̧ ejädö icu ucuojanä mitäu” (Mateo 20:28).

¿Tta̧ʼa̧nö̧ päʼö recuä rö̧ja̧ʼa̧ttö̧ ya̧tȩ imitähua päʼömä?

• Génesis 3:17-19

  Adánmä Jeohuarö jarodeʼö ʼquȩʼi̧chi̧nö̧do, amöcuädönäʼinä, idepänäʼinä surojötä juoʼächinödo, Edén pättattöʼinä räʼepö icuinäcudo.

• Romanos 5:12

  Adánttö suronä jȩä̧cuä̧huä̧ʼi̧nä̧, huaʼareʼinä rȩbȩhui̧nä̧u̧jä̧.

• Efesios 1:7

  Jesús imitinönä Jeohuamä ejädö icuʼa̧nö̧ ja̧ʼa̧ ttö̧ja̧rö̧ surojöttöʼinä, huaʼarettöʼinä.

“Dios I̧tti̧ chu ä̧cua̧rö̧ hueʼinö pi̧jä̧ra̧ʼa̧, kä̧cuä̧huä̧ iʼco iʼcächö iyatö päʼö” (1 Juan 4:9).

¿Tocu jö̧nä̧ jȩi̧na̧ʼa̧ttö̧ Jeohuamä ya̧tȩnä̧ adiunä micuähuächa päʼömä?

• Salmo 49:7, 8

  Adán surojönä jȩi̧nö̧ micuämä ujutu timita päʼömä yoröiso ʼquiyaʼa.

• Lucas 1:35

  Jeohuamä I̧tti̧ rȩni̧ʼa̧rö̧ hueʼinö pi̧jä̧ rȩjȩra̧ʼa̧ ttö̧ja̧ i̧sa̧ jö̧nä̧ uhuäpächa päʼö surojö jui̧ʼa̧ ja̧ʼa̧nä̧.

• Romanos 3:23, 24; Hebreos 9:24

  Jesúsmä ttoächäji oʼcaʼa,mo̧ro̧jä̧ra̧ʼa̧ ppa̧ʼä̧chi̧nö̧. Dios äʼca jo̧mȩ rȩbȩu̧, ujutunä imitähua päʼö, Chutä a̧ʼcua̧rö̧ surojö juiyö Diosrö iyinödo.

“Ttajuähuomenä, Dios ttöʼäre ʼca̧huä̧cua̧. Täcö ʼcorupäiʼäcuähuäʼinä ... juiyäcuaʼa” (Apocalipsis 21:4).

Imitähuinö huȩnȩmä̧, ¿tta̧ʼa̧nö̧ ppädaʼattö ujuturumä?

• 1 Juan 1:8, 9

  Surojönä jȩtö̧ Diosmä jȩpö̧ icu unichiʼöʼa̧nö̧ ja̧ʼa̧.

• Hebreos 10:21, 22

  Tamöcuädö teönä tu̧ju̧nä̧rö̧ʼa̧nö̧ ja̧ʼa̧ Dios äʼca jo̧mȩttö̧.

• Romanos 6:23

  ʼCuäopönätä tö̧jö̧ʼa̧nö̧ ja̧ʼa̧.

• 2 Corintios 5:15

  Jesús jätepocaʼanä imitähuinömä i̧jȩpa̧ʼa̧ Jeohuaʼinä, Jesúsʼinä rö̧ȩnä̧ repettä̧u̧jä̧ päʼö.

“Dios ... I̧tti̧ ya̧tȩrö̧ä̧tä̧ ... hueʼinödo pi̧jä̧ra̧ʼa̧, ja̧u̧ru̧ esetätö ... kä̧cuä̧huä̧ iʼco ttu̧ju̧nä̧ra̧ päʼö” (Juan 3:16).

Dios mippoönä iyinönä, ¿tocu jö̧nä̧ ti̧jȩpö̧ʼa̧nö̧ ja̧ʼa̧ttö̧ esehuätöjä päʼömä?

• Juan 17:3

  Jeohuaʼinä, Jesúsʼinä ttötöʼcö jähuä huo̧juä̧chi̧ʼi̧, pitö jȩttö̧ʼa̧nö̧ jȩcu̧ʼa̧ päʼö.

• Lucas 22:19

  A̧ʼȩ jö̧ taʼanö Jesús ʼcorujuoächinö pätecuächö mo̧ro̧ amöcuädö jȩtto̧mȩ täi.

• Juan 3:36; 13:17

  Jesúsru täcö esetösä päʼötämä päcuhuäʼ. Pärocuaʼacu, Chutä u̧huo̧juȩti̧nö̧ taʼanö jȩpö̧ kä̧hui̧.