3. Ttö̧ja̧ jȩtta̧ päʼö Dios amöcuädinö huȩnȩ
1 DIOS ADIU TÖ̧JA̧ PÄʼÖ ADITINÄ̧U̧JÄ̧
“Dios hueö taʼanö jȩpä̧tö̧mä̧ pi̧jä̧ rȩjȩnä̧ ttö̧ja̧cuä̧cuo̧tö̧, pitömä pi̧jä̧ rȩjȩnä̧ ʼcuäopönä ttö̧ja̧cuä̧cuo̧tö̧” (Salmo 37:29).
¿Däje pä̧huä̧ rö̧ja̧ʼa̧ttö̧ Diosrömä ttö̧ja̧ jȩtta̧ päʼömä?
-
Diosmä pä̧huä̧ rö̧jä̧cu̧ ttö̧ja̧ pi̧jä̧ rȩjȩ oʼca juiyönä tta̧ʼcua̧ta̧ päʼö, ja̧ʼhua̧ta̧nö̧ deʼa isotöröʼinä, juʼtoju isotöröʼinä, aje isotöröʼinä tta̧ttä̧ra̧ päʼö.
Hebreos 6:17, 18; Isaías 55:11
Dios jȩa̧ päʼö amöcuädinömä jȩä̧cua̧, Diosrömä ʼquiyocaʼa, oʼcajuiyönätä jȩä̧cua̧.
2 DIOSMÄ PI̧JÄ̧NÄ̧ KA̧CUÄ̧TÖ̧RÖ̧ HUEʼOCÖ
“Korotö pi̧jä̧ jähuänä ka̧cuä̧tö̧rö̧ hueʼö ähuettämä.” (1 Juan 5:19).
¿Di hueaʼattö pi̧jä̧nä̧mä̧?
-
Jesúsmä ähuettärö pi̧jä̧nä̧ hueʼö päʼö oinäcudo.
-
Ähuettämä pä̧huä̧ rö̧ji̧nä̧cu̧ Churutä katärötä ucuo tettähuarö päʼö, Diosrömä̧cö̧.
-
Ähuettämä Evarö yapare jiʼähuinö. Adánʼinä, Evaʼinä Diosrö esetocotö pi̧nä̧tö̧do. Ja̧u̧nu̧ oʼcaʼa ʼcorujuoʼächinätödo.
-
ʼCorujuoʼächätöjä Adán ujuturu surojö iyipinaʼattö.
-
Ähuettämä ttö̧ja̧rö̧ yapare jiʼäu.
3 SUROJÖ HUȨNȨMÄ̧ DIOS URUHUOTÄ ADITÖ ICUÄCUAʼA
“Ucu curuhuo ichäcuaʼa̧nö̧. Ucuru pä̧huä̧ rö̧jö̧ pi̧jä̧nä̧ jȩttä̧cua̧ʼa̧nö̧” (Mateo 6:10, TNM).
Pi̧yȩ jȩa̧ päʼömä, ¿däje jȩä̧cua̧ʼa̧ttö̧ Jeohuamä?
-
Dios Uruhuomä, pi̧jä̧nä̧ ruhuo ka̧cu̧ oʼca juiyönä siʼepö icu oʼcaʼa, Dios Uruhuotä ki̧ʼä̧cua̧ʼa̧.
-
Diosmä pi̧jä̧nä̧ surojö ka̧cu̧ oʼca juiyönä siʼepö i̧cuä̧cua̧ curä Armagedónnä.
-
Jeohuamä Jesúsru ku̧ni̧nö̧do Chutä Uruhuonä Ru̧hua̧ päiʼönä ö̧ja̧ päʼö. Jesúsmä pi̧jä̧ oʼca juiyö huȩä̧cua̧.
4 DIOS URUHUOMÄ PI̧JÄ̧ RȨJȨ A̧ʼCUA̧CU̧NÄ̧ JȨÄ̧CUA̧ʼA̧
“Cu̧mö̧ baʼepö oʼca toiʼönä ka̧cuä̧tö̧rö̧ pä̧huä̧ rö̧jö̧ iyöjä” (Salmo 145:16).
Dios Uruhuomä, ¿tta̧ʼa̧nö̧ ppädäcuaʼattö ujuturumä?
-
Curäʼinä, nä̧u̧cuä̧rä̧cuä̧huä̧ʼi̧nä̧, korotörö ra̧huä̧rö̧ suronä jȩä̧cuä̧huä̧ʼi̧nä̧ siähuächäcuaʼa.
-
Pi̧jä̧ rȩjȩ adihuächö oʼcaʼa oʼca toiʼönä huȩnȩ juiyönä tö̧ja̧cuä̧cuo̧tö̧jä̧, tojusode a̧ʼcua̧cu̧nä̧ tu̧ju̧nä̧rä̧cuo̧tö̧jä̧, oʼca juiyönä a̧ʼcua̧cuä̧cua̧ʼa̧.
-
Oʼca toiʼönä cuäcuähuä ttu̧ju̧nä̧rä̧cuo̧tö̧.
-
Deʼa isotöʼinä, aje isotöʼinä, juʼtoju isotöʼinä ttö̧ja̧rö̧ suronä jȩtti̧yä̧cuo̧tö̧.
Apocalipsis 21:4; Hechos 24:15
Ya̧tȩʼi̧nä̧ na̧huä̧chi̧yä̧cua̧, ʼcorujuoʼächinätömä ttottächäcuotö.
