“Ucuttutä tta̧ʼcua̧rö̧ ichaʼa” (Salmo 36:9).

¿Tta̧ʼa̧nö̧ ti̧jȩpö̧ʼa̧nö̧ ja̧ʼa̧ttö̧ ta̧ʼcua̧rö̧ ucuotätöjä päʼömä?

• Hechos 17:28; Apocalipsis 4:11

  Jeohuamä ta̧ʼcua̧rö̧ mippoönä iyö, ja̧ʼhua̧nö̧ ja̧ʼa̧ttö̧ ta̧ʼcua̧rö̧ tucuota päʼö ja̧ʼa̧.

• Éxodo 21:22, 23; Romanos 13:9

  Ka̧ra̧rö̧ cuäʼö tticua päʼöʼinä, ji̧ʼqui̧cha̧hua̧rö̧ ppöʼecu tticua päʼöʼinä Jeohuamä yoröiso köʼcocö.

• 1 Juan 3:11, 12, 15

  Ya̧tȩrö̧ʼi̧nä̧ yoröiso ta̧u̧ta̧ päʼömä jo̧ca̧ʼa̧.

• 2 Corintios 7:1

  Jäʼte juta päʼöʼinä, droga jȩta̧ päʼöʼinä jo̧ca̧ʼa̧.

• Mateo 26:52

  Video järeäcuähuä surojöʼinä, película surojöʼinä, järeö korotörö suronä jȩä̧cuä̧huä̧ʼi̧nä̧ totö juiya päʼö ja̧ʼa̧, ja̧ʼhua̧ta̧nö̧ jȩtö̧ juiyöʼa̧nö̧ ja̧ʼa̧.

“Ttidepä tta̧ʼcua̧rö̧cu̧ – pi̧yȩ päʼö päaʼa ttidepä ttucuojacu – cucuätucua päʼömä jo̧ca̧ʼa̧” (Génesis 9:4).

Tta̧ʼcua̧rö̧ʼi̧nä̧, ttucuojaʼinä, ¿däje amöcuädaʼattö Diosmä?

• Hebreos 12:24; Deuteronomio 12:23

  Ttucuojamä tta̧ʼcua̧rö̧ huȩnȩcuä̧cha̧ʼa̧.

• Génesis 9:3, 4

  I̧sa̧ idepä tucuʼa̧nö̧ ja̧ʼa̧, ucuojamä̧cö̧.

• Hechos 15:28, 29; 21:25

  Dios hueʼö ttucuoja tucu juiya päʼö. Ja̧ʼhua̧ta̧nö̧ ttucuoja ka̧ra̧rö̧ ttȩna̧ päʼöʼinä köʼcocö.

• Hebreos 11:6

  Jeohuacu todeunä tö̧jö̧mä̧ korottöʼinä abonänö ujuturu rö̧ȩnä̧ micuähuaʼa.

“Jesucristo ucuojanä oʼca juiyö suronä jȩtö̧ töcö icu” (1 Juan 1:7)

Jesús imitähuinaʼattömä, ¿däje tȩmö̧ʼa̧nö̧ ja̧ʼa̧ttö̧?

• Levítico 17:11

  Mo täbocö, Israel ttö̧ja̧mä̧ suronä jȩtto̧mȩnä̧mä̧, sacerdote huotörö iyinätödo deʼa i̧sa̧rö̧ ku icu ttiya päʼö Diosrö, ja̧u̧tä̧ ucuoja ku iyähuome huäme toʼö, suronä jȩttö̧ Dios jȩpö̧ icua päʼö.

• Mateo 20:28; Hebreos 9:11-14

  Jesús pi̧jä̧ rȩjȩra̧ʼa̧ ichomenä a̧ʼcua̧rö̧ iyö ucuoja huerächönä jȩpi̧nö̧do ujutu suronä jȩtö̧ jȩpö̧ icua päʼö. Chutä Jesús ʼcorujuoächomenä deʼa isotörö ku icu iyähuä huȩnȩ jä̧ʼi̧jö̧ beʼepäjipö icuinödo.

• Juan 3:16

  Jesús a̧ʼcua̧rö̧mä̧ rö̧ȩnä̧ micuähuinaʼa. Jeohua Ja̧u̧ru̧ ttoädäji oʼcaʼa, jȩpi̧nö̧ Jesúsru esetätörö kä̧cuä̧huä̧ iʼco ttu̧ju̧nä̧röʼa̧nö̧ huotö pättiʼa päʼö.