“Yoröiso tamöcuädö juiya päʼö ja̧ʼa̧ iso päiʼönä Tö̧ä̧nä̧hua̧mä̧ suronä jȩpö̧, Chutä Oʼca juiyönä Ju̧ru̧hua̧ jäyä jȩpö̧ päʼöʼinä” (Job 34:10).

¿Tta̧ʼa̧nö̧ päʼö rö̧ȩnä̧ usurä ȩmä̧huä̧cuä̧huä̧ ka̧ʼa̧ttö̧ pi̧jä̧nä̧mä̧?

• 1 Juan 5:19

  Ähuettä ja̧ʼa̧ pi̧jä̧nä̧ ruhuo hueʼömä.

• Hechos 7:34

  Yotöcunä korotö ubara ttuttunä jȩpä̧tö̧.

• Santiago 4:14

  Koronömä, ujuturu ʼcuäopä̧cuȩ jerupu surojö ʼcuäopome tö̧ja̧ʼa̧ttö̧, ubara ttuʼätöjä.

• 1 Pedro 5:7

  Jeohuamä ujuturu juiyo repeaʼattö, ubara ttutaʼa tomenä barahuäcu.

“Diosmä huo̧jua̧ ... cucuätucu mo̧ro̧ cuiʼäretucu bahuecuächäcuaʼa, Dios jö̧ taʼanö cuäcuotöjä, adiuʼinä, surojöʼinä cu̧huo̧juä̧chi̧ʼä̧cuo̧tö̧jä̧” (Génesis 3:5).

Jeohuamä, ¿tta̧ʼa̧nö̧ päʼö yotäcu ähuettärö siʼepö icuocaʼa ji̧na̧ʼa̧ttö̧?

• Génesis 3:2-5

  Ähuettä päʼinödo Jeohuamä adiunä hueö juiyönä hua̧. Ähuettä pä̧huä̧ rö̧ji̧nä̧cu̧ ttö̧ja̧ ttamöcuäda päʼö ujututä tamönä huetäuʼa̧nö̧ huotöjä päʼö, Diosmä̧cö̧.

• Mateo 18:10

  Ähuettämä recuätö isoppa huotö adihuä isotö ttäʼca jo̧mȩttö̧ Jeohuarö yapare suronä ucuocuinödo.

“Ttö̧ja̧ i̧sa̧ amönä oipäcuähua päʼömä ji̧ʼqui̧cha̧nö̧ʼi̧nä̧ jȩru̧pa̧” (Jeremías 10:23).

Ttö̧ja̧mä̧, ¿tta̧ʼa̧nö̧ päʼö recuo mo̧ro̧ usurä ttȩmä̧hua̧ʼa̧ttö̧?

• Romanos 11:33

  Pi̧jä̧ pa̧ja̧cu̧nä̧ ruhuo huetta päʼö huä̧mä̧dä̧ʼi̧jä̧tö̧mä̧, Dios ppädocaʼattö ya̧tȩʼi̧nä̧ toaʼa adiunä huea päʼö hua̧mä̧.

• 2 Pedro 3:9, 10

  Jeohuamä ami ʼquiʼächiʼö topö recuo mo̧ro̧ jaropö tu̧huo̧juä̧cha̧rö̧ päʼö, Tu̧ru̧hua̧ päiʼönä tȩma̧rö̧ päʼöʼinä.

• 1 Juan 3:8

  Jeohuamä, Jesúsnä oʼca juiyönä ähuettä suronä jȩi̧nö̧ aditö i̧cuä̧cua̧.

“Chi̧tti̧, huo̧ju̧nä̧ jȩpi̧ [...] ttörö ya̧ʼä̧u̧ päʼäʼchörö chädäta päʼö” (Proverbios 27:11).

¿Tta̧ʼa̧nö̧ päʼö Jeohua pä̧i̧cu̧nä̧ hueocaʼattö Chutä päö taʼanö jȩta̧ päʼömä?

• Proverbios 30:24

  Deʼa, aje, juʼtoju isotörö huo̧juä̧huä̧cu̧ aditinä̧u̧ Diosmä. Ujuturu Diosmä iyinö tamönä amöcuädö Churutä pä̧huä̧ rö̧jo̧mȩnä̧ jȩta̧ päʼö.

• Mateo 22:37, 38

  Jeohuamä pä̧huä̧ rö̧jä̧cu̧, Churutä repetaʼattö Churutä pä̧huä̧ rö̧jö̧ jȩta̧ päʼö.