Jitä pä̧nä̧ Jeohuarö pä̧huä̧ rö̧jö̧ jȩpä̧tö̧mä̧, ¿titö ja̧ʼa̧ttö̧?
Pi̧jä̧ pa̧ja̧cu̧nä̧ Jeohua ötöʼcö jähuä jiʼähuätö tihueye pö̧nä̧ huotöjä, ti̧huȩnȩ pö̧nä̧ i̧mi̧cu̧nä̧ ucuocuätöjä. Ujutu ji̧nä̧ yo̧mȩtȩ tö̧ja̧cua̧ päʼömä, ¿däje ppädäʼijaʼattö?
Diosrömä, ¿däje pä̧huä̧ rö̧ja̧ʼa̧ttö̧?
Dios pä̧huä̧ rö̧jä̧cu̧ Churutä pä̧huä̧ rö̧jö̧ ttö̧ja̧ ttu̧huo̧jua̧ päʼö. Ja̧ʼhua̧nö̧ ja̧ʼa̧ttö̧, ¿ti̧yȩ ja̧ʼa̧ttö̧ ja̧u̧ru̧ pä̧huä̧ rö̧jö̧mä̧? Pi̧yȩmä̧, ¿titö ttu̧huo̧juȩtö̧ʼa̧nö̧ ja̧ʼa̧ttö̧?
LECCIÓN 1
Jeohua ötöʼcö jähuä jiʼähuätömä, ¿tocu huotö taʼattö?
¿Tta̧ʼa̧nö̧ recuätö Jeohua ötöʼcö jähuä jiʼähuätörö cu̧huo̧jua̧ʼa̧ttö̧? Iso päiʼönä ujutu tötöʼcö jähuä, ¿däje cu̧huo̧jua̧ʼa̧ttö̧?
LECCIÓN 2
Jeohua ötöʼcö jähuä jiʼähuätö päʼömä, ¿tocu päʼö otäcuähuinaʼattö?
Huäbodäcuä jo̧mȩnä̧ ka̧ʼa̧ pa̧ʼa̧nö̧ otäcuähua päʼömä. Pojänä topi.
LECCIÓN 3
Iso päiʼönä huȩnȩ, ¿tocu jö̧nä̧ päʼäji taʼanö tö̧ʼo̧cui̧ʼi̧na̧ʼa̧ttö̧?
¿tocu jö̧nä̧ tu̧huo̧ju̧ʼa̧nö̧ ja̧ʼa̧ttö̧ Dios I̧huȩnȩ Isäʼtänä ka̧cu̧ jueönä huo̧juä̧chä̧tö̧jä̧ päʼömä?
LECCIÓN 4
Dios I̧huȩnȩ Isäʼtä Traducción del Nuevo Mundo päʼö micuäʼtämä, ¿tta̧ʼa̧nö̧ päʼö rätepinaʼattö?
Piʼtä huȩyu̧tu̧ räʼepö ticuinäʼtämä, ¿tta̧ʼa̧nö̧ päʼö koro oʼtättöʼinä abonänö ppädaʼattö?
LECCIÓN 5
Tö̧ca̧ca̧cuä̧ro̧mȩra̧ʼa̧ cuichomenä, ¿däje cu̧ʼo̧cui̧ʼä̧cua̧ʼa̧ttö̧?
Huȩyu̧cuä̧ Huȩnȩ tu̧huo̧jui̧ʼa̧ päʼöʼinä, ta̧ʼcua̧ tu̧huȩnä̧rö̧ jähuänä ppätädäcuähua päʼöʼinä ca̧ca̧cuä̧rä̧tö̧jä̧. Ujuturu doʼächö cuichöttömä, adihua cuichaʼa päʼö tesehuä̧cua̧jä̧.
LECCIÓN 6
Tö̧jä̧hua̧tö̧ Jesúsru esetätöcu ji̧nä̧ yo̧mȩtȩ tö̧jo̧mȩnä̧, ¿tocu ppädaʼattö ujuturumä?
Dios I̧huȩnȩ Isäʼtämä jiʼähuaʼa Jesúsru esetätö ji̧nä̧ yo̧mȩtȩ ttö̧ja̧cu̧nä̧. Pi̧yȩ jȩcu̧ʼo̧mȩnä̧, ¿tocu ppädöʼa̧nö̧ ja̧ʼa̧ttö̧ ucurumä?
LECCIÓN 7
Tö̧ca̧ca̧cuä̧ro̧mȩttö̧mä̧, ¿däje jȩta̧ʼa̧ttö̧?
¿Tö̧ca̧ca̧cuä̧ro̧mȩttö̧ tu̧huo̧jui̧ʼö̧ jähuä cu̧huo̧jua̧ päcuhuaʼa? Tö̧ca̧ca̧cuä̧ro̧mȩra̧ʼa̧ cuichomenä iso päiʼönä Dios I̧huȩnȩ Isäʼtä päö taʼanö ttu̧huo̧juȩta̧ʼa̧ huo̧juä̧chi̧ʼö̧ cuȩsȩhuä̧cua̧jä̧.
LECCIÓN 8
¿Tta̧ʼa̧nö̧ päʼö tö̧ca̧ca̧cuä̧ro̧mȩra̧ʼa̧ a̧ʼcua̧cui̧ʼö̧ ti̧ʼcha̧ʼa̧ttö̧?
Tö̧ʼca̧tä̧huo̧mȩnä̧, ¿tta̧ʼa̧nö̧ toaʼattö Diosmä? Topi tocu jö̧nä̧ Dios I̧huȩnȩ Isäʼtä oipaʼattö adiu tö̧ʼca̧tä̧hua̧ päʼö?
LECCIÓN 9
Tö̧ca̧ca̧cuä̧ro̧mȩra̧ʼa̧ cui̧ʼchä̧cua̧ʼa̧ äʼcanä, ¿tocu jö̧nä̧ jo̧mȩnö̧ adiunä jȩpö̧ cu̧ju̧nu̧ʼa̧nö̧ ja̧ʼa̧ttö̧?
Tö̧ca̧ca̧cuä̧ro̧mȩra̧ʼa̧ cui̧ʼchä̧cua̧ʼa̧ äʼcanä jo̧mȩnö̧ jȩpö̧ cu̧ju̧nu̧ttu̧mä̧ abonänö ppädäcuaʼa ucuru.
LECCIÓN 10
Tamönä tahuaruhuäcu Jeohuarö ucuo teäcuähuämä, ¿tocu jö̧nä̧ ppädaʼattö?
Topi tocu jö̧nä̧ Dios I̧huȩnȩ Isäʼtä cuamönä cuahuaruhuäcu ji̧nä̧ yo̧mȩtȩ cu̧huo̧jui̧ʼo̧mȩnä̧ ppädaʼattö Diosrö cutöʼcöhuächa päʼöʼinä, jahuätöcu eseunu todeunä cu̧ja̧ päʼöʼinämä.
LECCIÓN 11
Jeohua ötöʼcö jähuä Jiʼähuätömä, ¿tta̧ʼa̧nö̧ päʼö recuätö ji̧nä̧ yo̧mȩtȩ asamblea jȩpö̧ tö̧ca̧ca̧cui̧ʼa̧ʼa̧ttö̧?
A̧ʼȩ jö̧ taʼanö huäbodäcuänä jo̧mȩnä̧ recuätö ji̧nä̧ yo̧mȩtȩ ca̧ca̧cuä̧rä̧tö̧jä̧. Asamblea jȩto̧mȩnä̧ cuichöttömä, ¿tocu jö̧nä̧ ppädöʼa̧nö̧ ja̧ʼa̧ttö̧ ucurumä?
LECCIÓN 12
Dios I̧huȩnȩ jitäumä, ¿tocu jo̧mȩnö̧ jȩpö̧ ku̧nä̧hua̧ʼa̧ttö̧?
Dios I̧huȩnȩ jiʼäu cuetächomenä, Jesús pi̧jä̧ rȩjȩnä̧ kä̧nö̧ jȩi̧nö̧ taʼanö jȩpä̧tö̧jä̧. Ja̧u̧mä̧, ¿ti̧yȩ pö̧nä̧ jiähuinaʼattö?
LECCIÓN 13
Mä̧nä̧ baecuä i̧sa̧mä̧, ¿däje jȩa̧ʼa̧ttö̧?
Yotöcunä Jeohua ötöʼcö jähuä jiʼähuätömä kä̧hua̧ jö̧ taʼanö 30 horas jo̧mȩnä̧cö̧, 50 horas jo̧mȩnä̧cö̧, pi̧yȩ abonänö jo̧mȩnä̧cö̧ Dios Uruhuo huȩnȩ jiʼähuätö. ¿Tocu päʼö ja̧ʼhua̧nö̧ jȩtta̧ʼa̧ttö̧?
LECCIÓN 14
Dios aditähuänä ʼcuäopönä aditätö adiunä ttadita päʼömä, ¿däje ttu̧huo̧jui̧ʼa̧ʼa̧ttö̧?
Dios aditähuänä ʼcuäopönä aditätö adiunä ttadita päʼömä, ¿däje ttu̧huo̧jui̧ʼa̧ʼa̧ttö̧? Pi̧yȩ ädätäcuähuä usi.
LECCIÓN 15
Congregaciónnä oicuä ttö̧ja̧mä̧, ¿däje ttaditähuä ttu̧ju̧nä̧ra̧ʼa̧ttö̧?
Oicuä ttö̧ja̧mä̧ Dios I̧huȩnȩ jähuä huo̧ju̧nä̧ jȩpä̧tö̧, congregaciónnä ka̧cuä̧tö̧rö̧ adiunä oʼipätö, eseunu tta̧ʼä̧rä̧tö̧. ¿Däje jȩtta̧ʼa̧ttö̧ ujuturu ppättäda päʼömä?
LECCIÓN 16
Oicuä ttö̧ja̧rö̧ ppä̧ʼä̧dä̧rä̧tö̧ ttaditähuämä, ¿ti̧yȩ ja̧ʼa̧ttö̧?
Ppä̧dä̧rä̧cuä̧huä̧ ttö̧ja̧mä̧ congregación jähuäʼinä, tö̧ca̧ca̧cuä̧rode jähuäʼinä jo̧mȩnö̧ ka̧ päʼö ppäʼädätö, ttaditähuä oʼca toiʼönä podera̧ʼa̧ ichätörö ppädaʼa topi.
LECCIÓN 17
Circuito To̧pä̧rä̧tö̧mä̧, ¿tocu jö̧nä̧ ujuturu ppättädaʼattö?
Circuito To̧pä̧rä̧tö̧mä̧, Jeohua ötöʼcö jähuä jiʼähuätö congregaciónnä kä̧tö̧rö̧, ¿tocu päʼö doʼächö tti̧ʼcha̧ʼa̧ttö̧? Jahuätö doʼächö ttichomenä, ucurumä, ¿tocu ppädöʼa̧nö̧ ja̧ʼa̧ttö̧?
LECCIÓN 18
¿Tocu ppätädaʼattö tö̧jä̧hua̧tö̧ usurä ȩmä̧huä̧tö̧rö̧mä̧?
Surojö ʼcuäopö rȩjȩ rö̧ȩnä̧ surojuächomenä, yotäcu ʼquiyome päteö ʼcuäopätörö recuä rö̧jö̧ iyöʼinä, Dios I̧huȩnȩttö̧ ȩmö̧ tta̧ʼcua̧ ttȩmö̧nä̧ʼi̧nä̧ jȩpö̧ ppäʼädätöjä. ¿Tocu jö̧nä̧?
LECCIÓN 19
Ttu̧ʼȩpä̧rö̧nö̧ Adiunä Adicuä I̧sa̧mä̧, ¿di ja̧ʼa̧ttö̧?
Jesúsmä päʼinödo röji pä̧nä̧ päiʼomenä ya̧tȩ u̧mö̧huä̧ya̧ adicuä i̧sa̧rö̧ ȩmä̧cua̧ adita päʼö, korotö umöhuäyotö tta̧ʼcua̧ ttu̧huȩnä̧rö̧ jähuänä ttu̧cuȩ jä̧ʼi̧nö̧ʼa̧nö̧ jö̧ jo̧mȩnö̧ jȩpö̧ ku̧nu̧ iyäʼcha päʼö. Pi̧yȩmä̧, ¿tocu ʼcuäopaʼattö?
LECCIÓN 20
Ujuturu Oʼipö Juȩʼȩpä̧rä̧tö̧mä̧, ¿tocu jö̧nä̧ ttaditähuä ttaditaʼattö?
Jesús ʼcorujuoächinö oʼcaʼa a̧ʼu̧cu̧nä̧tä̧ huotö Jesús Hueʼähuotöʼinä, korotö oicuä ttö̧ja̧ʼi̧nä̧ congregaciónnä ka̧tö̧rö̧ oʼipö juȩʼȩpä̧ri̧nä̧tö̧mä̧. Jitä pä̧nä̧mä̧, ¿tocu jö̧nä̧ jȩtta̧ʼa̧ttö̧?
LECCIÓN 21
Betel päʼömä, ¿däje päʼö pätaʼattö?
Betelttö ttaditömä rö̧ȩnä̧ micuähuaʼa. Porö aditätö jȩttö̧ topi.
LECCIÓN 22
Ti̧rȩjä̧ttö̧ Isode Juȩttȩpä̧rode jacuättömä, ¿däje jȩtta̧ʼa̧ttö̧?
Juȩttȩpä̧rode jacuättö ttaditö tocuʼa päcuttumä, ya̧tȩ oipaʼanä tocuʼa päʼö cuichöʼa̧nö̧ ja̧ʼa̧. ¿Cuicha päcuhuaʼa?
LECCIÓN 23
Cuyäru rätepömä, ¿tocu jö̧nä̧ tti̧huȩnȩ pö̧nä̧ rätepaʼattö?
950nö jo̧mȩ abonänö tti̧huȩnȩ pö̧nä̧ cuyäru oʼtä räʼepätöjä. ¿Tocu päʼö pi̧yȩ jȩpö̧ tujuruhuächaʼattö?
LECCIÓN 24
Pi̧jä̧ pa̧ja̧cu̧nä̧ Dios aditähuänä taditö timita päʼömä, ¿tocu jö̧nä̧ tö̧ʼo̧cui̧ʼa̧ʼa̧ttö̧?
Pärätä jähuänä, koro Diosrö esetäcuähuättöʼinä, ¿däjenä i̧mi̧cu̧nä̧ jȩta̧ʼa̧ttö̧ Jeohua umöhuäyotö huotömä?
LECCIÓN 25
Dios Uruhuo Huo̧jui̧cuä̧ Odehuiyä, ¿tocu jö̧nä̧ taditaʼattö? ¿Tocu päʼö?
Tö̧ca̧ca̧cuä̧ro̧mȩmä̧, ¿tocu päʼö Dios Uruhuo Huo̧jui̧cuode päʼö otaʼattö? Pi̧yȩ odemä, ¿tocu jö̧nä̧ ppädaʼattö congregación pö̧nä̧mä̧? Pojänä topi.
LECCIÓN 26
Dios Uruhuo Huo̧jui̧cuode adiu teönä ka̧ päʼömä, ¿tocu jö̧nä̧ ppätädöʼa̧nö̧ ja̧ʼa̧ttö̧?
Dios Uruhuo Huo̧jui̧cuode adiu teönäʼinä, surojuoächö juiyönäʼinä ko̧mȩnä̧, Ja̧u̧ru̧ korotö adiu ttucuotönä ppädaʼa. Pode ja̧ʼhua̧nö̧ ka̧ päʼömä, ¿däje adicuä jȩta̧ʼa̧ttö̧?
LECCIÓN 27
Dios Uruhuo Huo̧jui̧cuode jacuättö cuyäru oʼtä ku̧nä̧huo̧mȩ, ¿tocu ppädöʼa̧nö̧ ja̧ʼa̧ttö̧ ucurumä?
¿Dios I̧huȩnȩ Isäʼtä jähuä juhuaʼa yabocu cu̧huo̧jua̧ päcuhuaʼa? Dios Uruhuo Huo̧jui̧cuode jacuättö cuyäru oʼtä ku̧nä̧huo̧mȩ täi.
LECCIÓN 28
¿Däje cu̧ʼo̧cui̧ʼö̧ʼa̧nö̧ ja̧ʼa̧ttö̧ töäre internet isojänämä?
jw.org/pid päome, iso päiʼönä töäre internet isojä ja̧ʼa̧. Jeohua ötöʼcö jahuä jiʼähuätö tesetöʼinä, taditähuäʼinä jiähuomemä.
