Jeohua ötöʼcö jähuä jiʼähuätömä a̧ʼȩ jö̧ taʼanö, rö̧ȩnä̧ millones jo̧mȩnä̧ Dios I̧huȩnȩ oʼtäʼinä, koro Dios I̧huȩnȩ jähuäʼinä jo̧mȩnö̧ jȩpö̧ ku̧nu̧ räʼepö icu micuä juiyönä iyäʼchätöjä. Dios Uruhuo Huo̧jui̧cuä̧ odeʼinä, tti̧rȩjä̧ttö̧ isode juȩttȩpä̧rö̧ odehuiyäʼinä jareö ode aditätöjä, ja̧ʼhua̧ta̧nö̧ pi̧yȩ ode surojuoächö juiyönä teönä tta̧ʼä̧rä̧tö̧jä̧. Recuätö Betelra̧ʼa̧ aditätöröʼinä, ko̧ro̧jä̧ rȩjȩra̧ʼa̧ jittähua päʼö hueʼähuotöröʼinä recuä rö̧jö̧ ttȩma̧ päʼö iyätöjä. Tti̧rȩjä̧ttö̧ surojö ʼcuäopäjome, ʼquiyome päteʼö ʼcuäʼopätörö recuä rö̧jö̧ ppätäda päʼö hueʼätöjä. Pi̧yȩ oʼca juiyönä timita päʼömä, pärätämä, ¿torö rätepaʼattö?

Pärätä jäʼepocotöjä. Pi̧jä̧ pa̧ja̧cu̧nä̧ Dios I̧huȩnȩ jitähua päʼö rö̧ȩnä̧ pärätä recuä rö̧ja̧ʼa̧nä̧, korotö ttö̧ja̧rö̧ jä̧ʼȩpä̧ro̧co̧tö̧jä̧. To̧pä̧rö̧ Jiähuäʼtä agosto 1879 a̧ʼȩnä̧ jiähuinaʼa: “Ujutumä [Jeohua umöhuäyotömä] yoröiso pärätä ttiyatö päʼö jä̧tȩpä̧rö̧ juiyäcuotöjä, ja̧ʼhua̧ta̧nö̧ korotö ttö̧ja̧rö̧ ppättädatö päʼö yoröiso jätepö juiyäcuotöjä”. Iso päiʼönä pi̧yȩmä̧ jȩpo̧co̧tö̧jä̧ (Mateo 10:8).

Korotö huettocaʼanä tamönä amöcuädö pärätä iyätöjä. Dios I̧huȩnȩ tu̧huo̧juȩtö̧ korotömä ttöjöʼcönä tottaʼattö ttöäre pärätä eseunu iyätö ppättäda päʼö. Ujutu Jeohua umöhuäyotöʼinä tiempo ʼquȩʼȩpö̧ ku̧nu̧ʼi̧nä̧, tujuruʼinä, pärätä tu̧ju̧nä̧rö̧ʼi̧nä̧ eseunu iyätöjä pi̧jä̧ pa̧ja̧cu̧nä̧ Diosrö pä̧huä̧ rö̧jö̧ jȩta̧ päʼö (1 Crónicas 29:9). Dios Uruhuo Huo̧jui̧cuä̧ odehuiyänäʼinä, asamblea jȩto̧mȩttö̧ʼi̧nä̧ ka̧ʼa̧ i̧so̧ca̧ pärätä ȩnä̧huo̧ca̧, ttö̧ja̧ ttami isoʼquittö räopö amöcuädö ttiya päʼö. Ja̧ʼhua̧ta̧nö̧ töäre internet isojä jw.org päomettöʼinä pi̧yȩ jȩttö̧ʼa̧nö̧ ja̧ʼa̧. Yajute recua usurä isaju kaʼanäʼinä kami isoʼquittö räopö eseunu iyinäjudo, yaju jȩjö̧ topö Jesús esehuinö (Lucas 21:1-4). Jitä mo̧ro̧ʼi̧nä̧, recuätö iyätömä pärätä ruhuotö ttocaʼa ja̧ʼa̧nä̧ʼi̧nä̧, eseunu iyätö. Ja̧ʼhua̧nö̧ ja̧ʼa̧ttö̧, ya̧tȩ pö̧nä̧ pärätä tiyöʼa̧nö̧ jo̧mȩ ʼquȩʼȩpö̧ ku̧nä̧tö̧jä̧, tami isoʼquinä tiya päʼö amöcuädö tiyöʼa̧nö̧ jö̧ (1 Corintios 16:2; 2 Corintios 9:7).

Huo̧juä̧tö̧jä̧, Jeohuarö micuäu juäi ttu̧ju̧nä̧rö̧ ttiya päʼätö ttami isoʼquinä u̧ju̧nä̧cua̧, eseunu ttiya päʼö, Chutä Uruhuo adicuä ppättäda päʼö, ja̧ʼhua̧ta̧nö̧, Churutä pä̧huä̧ rö̧jo̧mȩnä̧ ʼcuäopäcuaʼa̧nö̧ (Proverbios 3:9).

• Koro Diosrö esetäcuähuättöʼinä, ¿däjenä i̧mi̧cu̧nä̧ jȩta̧ʼa̧ttö̧ Jeohua umöhuäyotö huotömä?

• Tamönä amöcuädö pärätä tiyäjinämä, ¿däje jȩtta̧ʼa̧ttö̧ ujuturu oʼipö juȩʼȩpä̧rä̧tö̧mä̧?