Betel päʼömä hebreo ttö̧ja̧ tti̧huȩnȩnä̧ “Dios ojusode” päʼö pähuächaʼa (Génesis 28:17, 19, isojä beipome räopö topi). Jeohua ötöʼcö jähuä jiʼähuätömä pi̧jä̧ pa̧ja̧cu̧nä̧ pi̧yȩ odehuiyä juʼtojucu otoʼö ode tu̧ju̧nä̧rö̧ ode pa̧ʼa̧nö̧ oʼätöjä, ja̧ʼhua̧ta̧nö̧ porömä Dios I̧huȩnȩ jiʼäu adicuä oʼipö juȩʼȩpä̧rä̧tö̧. Nueva York rȩjȩra̧ʼa̧ (Estados Unidos) kodenä kä̧tö̧ ujuturu Oʼipö Juȩʼȩpä̧rä̧tö̧mä̧, pottö tti̧rȩjä̧ pö̧nä̧ Isode Juȩttȩpä̧rode jacuättö ttaditö oʼipätö. Tö̧jä̧hua̧tö̧ pȩnȩ aditätörömä otä̧u̧ Dios ojusodenä kä̧nö̧ ttamönä ttahuaruhuäcu ttö̧ja̧ʼa̧ jä̧ʼi̧nö̧ʼa̧nö̧ kä̧tö̧ päʼö. Ja̧ʼhua̧nö̧ ja̧ʼa̧ttö̧ ji̧nä̧ yo̧mȩtȩ kä̧tö̧, cuätö, aditätö, Dios I̧huȩnȩ Isäʼtä huo̧jui̧pä̧tö̧ (Salmo 133:1).

Porömä ttaditähuä adiunä ttadita päʼö eseunu ttujuruhuächome. Betel odehuiyä pö̧nä̧ u̧mä̧tö̧ʼi̧nä̧, nä̧tö̧ʼi̧nä̧ aditätö, pitömä Dios I̧huȩnȩ jähuänä huo̧ju̧nä̧ kä̧tö̧, Dios aditähuänätä ʼcuäopönä aditätö, ja̧ʼhua̧ta̧nö̧ Dios Uruhuo jähuä ppättäda päʼö aditä̧rä̧tö̧ (Mateo 6:33). Porö ttaditömä yoröiso ttimitoco̧u̧, pärocuaʼacutä ttäomeʼinä, ttu̧cuȩʼi̧nä̧, jahuätörö recuä rö̧jö̧ ttȩma̧ päʼö ji̧ʼqui̧cha̧nö̧ pärätäʼinä ttiyä̧u̧. Ttaditähuä pö̧nä̧ ʼquȩʼȩpö̧ ttiyä̧u̧: yotöcunämä computadoranä aditätö, korotömä daʼätö, korotömä ttu̧cuȩ ttucuome aditä̧rä̧tö̧, ja̧ʼhua̧ta̧nö̧ korotömä cuyäru oʼtä rättepome aditätö; korotömä ttäʼo̧ca̧ ʼca̧ʼä̧tö̧, korotömä i̧sä̧ti̧yu̧ nöcätö, korotömä surojuoächö juiyönä tta̧ʼä̧rö̧ aditä̧rä̧tö̧, koroʼinä rö̧ȩnä̧ ka̧ʼa̧.

Dios Uruhuo jiäcuähuä ppäda päʼö rö̧ȩnä̧ adicuä ko̧mȩ. Pi̧yȩ Betel odehuiyättömä oʼca toiʼönä aditö juruhuächätö iso päiʼönä huȩnȩ ttö̧ja̧rö̧ rȩbȩu̧nä̧ ppättäda päʼö. Huȩnȩtö̧ pätöʼa̧nö̧ ja̧ʼa̧ piʼtä cuyäruʼtänä. Ujuturu Oʼipö Juȩʼȩpä̧rä̧tö̧ ottipaʼanä piʼtänä ka̧cu̧ aditinätö, pi̧jä̧ pa̧ja̧cu̧nä̧ tö̧jä̧hua̧tö̧rö̧ correonä hueʼinätö tti̧huȩnȩ pö̧nä̧ huȩyu̧tu̧ räʼepö tticua päʼö, ja̧u̧nu̧ oʼcomenä ji̧yȩcu̧nä̧ tti̧rȩjä̧ pö̧nä̧ imprimi pätta päʼö räepäcänä iyinätö jurunä räopa päʼö, pi̧yȩ oʼcaʼa hueʼinätö 119.000 abonänö congregación pö̧nä̧ ttiyäʼcha päʼö. Pi̧yȩ oʼca juiyö ttaditomenä podenä kä̧tö̧ taditähuä adiunä räopa päʼö ppä̧ʼä̧dä̧rä̧tö̧, adihuä huȩnȩ adiu jitähua päʼö (Marcos 13:10).

• Betel odehuiyänä, ¿titö ttaditöʼa̧nö̧ ja̧ʼa̧ttö̧? Porömä, pitörömä, ¿däje ttiyaʼattö?

• Pode jacuättö ttaditömä, ujuturumä, ¿tocu jö̧nä̧ ppädaʼattö?