Bernabéröʼinä, Jesús huȩʼä̧hua̧ Pabloröʼinä Dios I̧huȩnȩ Isäʼtä pitö ttötöʼcö ucuocuaʼa. Pitömä to̧ä̧rä̧cuä̧huä̧ ttö̧ja̧ päiʼönä ji̧yȩnö̧ pä̧nä̧ congregación pö̧nä̧ kä̧tö̧rö̧ doʼächö ʼchä̧ʼi̧nä̧tö̧. ¿Tocu päʼö ja̧ʼhua̧nö̧ jȩttä̧ʼi̧na̧ʼa̧ttö̧? Jahuätörö repeʼö ppättäda pättinaʼattö. Pablomä ʼcuäopönä a̧mö̧cuä̧ri̧nö̧ ö̧jä̧hua̧tö̧rö̧ päʼäji taʼanö topö i̧ʼcha̧ päʼö, oto ja̧ʼa̧nä̧ʼi̧nä̧, tta̧ʼcua̧ jähuänä ʼquiyönä ttö̧jö̧nä̧ ppäda päʼö (Hechos 15:36). Jitä pä̧nä̧ʼi̧nä̧ circuito to̧pä̧rä̧tö̧mä̧ yoräteunä amöcuädö jȩpä̧tö̧.

Ta̧ʼcua̧ jähuänä ʼquiyönä tö̧jö̧nä̧ ppäʼädö ichätö. Pitömä a̧ʼȩ jö̧ taʼanö 20nö congregación abonänöcö̧, pabonänöcö̧ doʼächö ichätö, yaʼate a̧ʼȩttö̧ congregaciónnä todärenä jo̧mȩnä̧ pi̧yȩ jȩpä̧tö̧. Doʼächö ttichomenä yaʼate semana kä̧tö̧. Pi̧yȩ aditä̧rä̧tö̧ttö̧ yotöcunämä ttirecua ku̧nä̧rä̧tö̧ʼi̧nä̧, ttirecua toʼätöʼinä ja̧ʼa̧. Jahuätöttö rö̧ȩnä̧ tu̧huo̧jui̧ʼö̧ʼa̧nö̧ ja̧ʼa̧. Pitömä möäyotöröʼinä, böäcuächätöröʼinä ttu̧huo̧juä̧cha̧ päʼätö, ja̧ʼhua̧ta̧nö̧ ujutucu Dios I̧huȩnȩ jiʼäu cueʼächöʼinä, tu̧huo̧juȩtä̧u̧ru̧ huo̧juȩtö̧ʼi̧nä̧ tti̧ʼcha̧ päʼätö. Oicuä ttö̧ja̧cu̧ congregaciónnä kä̧tö̧rö̧ doʼächö ichätö ttijuiyuhuächiʼö juiyönä ttö̧ja̧cu̧nä̧ ppättäda päʼö. Ja̧ʼhua̧ta̧nö̧ tö̧ca̧ca̧cuä̧ro̧mȩnä̧, ta̧ʼcua̧ jähuänä tujuruʼunäʼinä ppättäda päʼö jiʼähuätö (Hechos 15:35).

Oʼca toiʼönärö ppättäda päʼätö. Circuito to̧ä̧rä̧cuä̧huä̧ i̧sa̧, congregaciónnä kä̧tö̧rö̧ tta̧ʼcua̧ ttu̧huȩnä̧rö̧ jähuänä ppäda päʼö juiyo a̧mö̧cuä̧rö̧. Doʼächö ichomenä, oicuä ttö̧ja̧cu̧ʼi̧nä̧, pitörö ppä̧ʼä̧dä̧rä̧tö̧cu̧ʼi̧nä̧ ca̧ca̧cui̧pö̧ congregación jacuättö ttaditä̧rö̧ toa päʼö, ja̧ʼhua̧ta̧nö̧ pitö ttaditähuä juhuaʼa yabocu adiunä ttaditönä ppäda päʼöʼinä. Jiʼäu mä̧nä̧ baecuä ttö̧ja̧rö̧ʼi̧nä̧ ppäʼädö ttaditähuä adiunä ttadita päʼö, ja̧ʼhua̧ta̧nö̧ congregaciónttö päʼötä ca̧ca̧cuä̧rä̧tö̧ tta̧ʼcua̧ ttu̧huȩnä̧rö̧ jähuänä böo juottächaʼa tomenä eseu. Pidemä eseunu iyäu ujuturu ppäda päʼö (2 Corintios 8:23). Circuito to̧pä̧rä̧tö̧ ttö̧jö̧ʼa̧nö̧, ttesetöʼa̧nö̧ jȩtä̧tu̧cua̧ (Hebreos 13:7).

• Circuito To̧pä̧rä̧tö̧mä̧, ¿tocu päʼö congregación pö̧nä̧ doʼächö tti̧ʼcha̧ʼa̧ttö̧?

• Jahuätö doʼächö ttichomenä, ucurumä, ¿tocu ppädöʼa̧nö̧ ja̧ʼa̧ttö̧?