Diosrömä, ¿däje pä̧huä̧ rö̧ja̧ʼa̧ttö̧?
Pä̧huä̧ rö̧jä̧cu̧ surojö huȩnȩ juiyönä pi̧jä̧ a̧ʼcua̧cuo̧mȩ eseunu tö̧ja̧cua̧ päʼö ʼcuäopönä.
¿Tocu jö̧nä̧ ʼcuäopöʼa̧nö̧ ja̧ʼa̧ttö̧ pi̧yȩmä̧? Dios I̧huȩnȩ Isäʼtänä huäjunä jiähuaʼa pi̧yȩ ʼcuäopa päʼö Dios Uruhuotä jȩä̧cuȩmä̧ päʼö. Pi̧jä̧ Uhuäbeäcuähuä I̧sa̧ pä̧huä̧ rö̧jä̧cu̧ oʼca toiʼönä ttö̧ja̧ Chutä Uruhuo huȩnȩʼi̧nä̧, pi̧jä̧ rȩjȩnä̧ jȩä̧cuȩ huȩnȩʼi̧nä̧ ttu̧huo̧juä̧cha̧ päʼö (Salmo 37:11, 29; Apocalipsis 11:15).
Pä̧huä̧ rö̧jä̧cu̧ adiu tö̧ja̧cua̧ päʼö.
Ya̧tȩ ttäʼo adihuä i̧sa̧ i̧tti̧mö̧rö̧ repeö taʼanö, Täʼo mo̧ro̧jä̧ra̧ʼa̧ kö̧mä̧ pä̧huä̧ rö̧jä̧cu̧ eseunu ʼcuäopönä tö̧ja̧ päʼö (Isaías 48:17, 18). I̧huȩnȩ Isäʼtä päaʼa: “Diosrö pä̧huä̧ rö̧jö̧ jȩpä̧tö̧mä̧ ʼcuäopönä ttö̧ja̧cuä̧cuo̧tö̧” (1 Juan 2:17).
Pä̧huä̧ rö̧jä̧cu̧ Chutä u̧mä̧nä̧nä̧ ti̧ʼcha̧ päʼö.
Dios I̧huȩnȩ Isäʼtä päaʼa pi̧jä̧ Uhuäbeäcuähuä I̧sa̧mä̧ pä̧huä̧ rö̧jä̧cu̧ ujuturu u̧huo̧juȩta̧ päʼö, Chutä u̧mä̧nä̧nä̧ ti̧ʼcha̧ päʼö (Juan 6:45). Chutä jo̧mȩnö̧ jȩpö̧ ku̧ni̧nö̧ “umöhuäyotörö i̧mi̧nä̧ ottäcuähua päʼö”, pi̧jä̧ pa̧ja̧cu̧nä̧ Churutä pä̧huä̧ rö̧jö̧ ttö̧ja̧ ttu̧huo̧jua̧ päʼö (Hechos 15:14, TNM).
Pä̧huä̧ rö̧jä̧cu̧ ji̧nä̧ yo̧mȩtȩ ucuo tetähuarö päʼö.
Iso päiʼönä Diosrö esetäcuähuämä korotö korotönörö repeʼäcuäunu ji̧nä̧ yo̧mȩtȩ tö̧ja̧ päʼö ppädaʼa (Juan 13:35). U̧mä̧tö̧rö̧ʼi̧nä̧, nä̧tö̧rö̧ʼi̧nä̧ tti̧rȩjä̧ pö̧nä̧ ji̧nä̧ yo̧mȩtȩ Diosrö ucuo tettähua päʼö huo̧juȩtä̧tö̧mä̧, ¿titö ja̧ʼa̧ttö̧? Pi̧yȩ ädätäcuähuä piʼtänä cu̧ʼo̧cui̧ʼä̧cua̧jä̧.
www.pr418.com/pid
Puede que también le interese
UJUTU TÖTÖ’CÖ JÄHUÄ
¿Däje ’cuäopa’attö Dios I̧huȩnȩ Isä’tä tu̧huo̧juȩto̧mȩnä̧mä̧?
Pi̧jä̧ pa̧ja̧cu̧nä̧, Testigo Jeohuamä ttu̧huo̧juä̧u̧ Dios I̧huȩnȩ Isä’tättö micuä juiyönä ttu̧huo̧juȩtö̧nä̧. Topi ttaditähuä.
UJUTU TÖTÖ’CÖ JÄHUÄ
¿Tta̧’a̧nö̧ pä’ö tu̧huo̧jui̧’a̧ pä’ö ja̧’a̧ttö̧ Dios I̧huȩnȩ Isä’tämä?
Dios I̧huȩnȩ Isä’tämä pi̧jä̧ pa̧ja̧cu̧nä̧ rö̧ȩnä̧ recuätö ttö̧ja̧rö̧ ppäda’a. Pi̧jä̧nä̧ kä̧nö̧ juiyo jättecu, ädätäcuähuä ttö̧’o̧cui̧’a̧ pä’ö ppäda’a. ¿Ucu’inä cu̧’o̧cui̧’a̧ päcuhua?
