Jesús ʼcorujuoächinö oʼcaʼa, a̧ʼu̧cu̧nä̧tä̧ huotö Jerusalén ötahuiyättö Chutä hueʼähuotö, korotö oicuä ttö̧ja̧cu̧ ca̧ca̧cuä̧rä̧ʼi̧nä̧tö̧ ji̧nä̧ yo̧mȩtȩ amöcuädö adiunä ottipa päʼö Jesúsru esetätörö (Hechos 15:2). Dios I̧huȩnȩ Isäʼtänä usu huo̧jui̧pö̧ Dios ujuru aditä̧ra̧ʼa̧nä̧ jaropäcuähuäʼinätö ji̧nä̧ yo̧mȩtȩ amöcuädö jo̧mȩnö̧ jȩpö̧ ttu̧ju̧na̧ päʼö (Hechos 15:25). Mo täbocö jȩtti̧nö̧ taʼanö, ujuturu Oʼipö Juȩʼȩpä̧rä̧tö̧ päʼö otä̧u̧mä̧ jitä pä̧nä̧ʼi̧nä̧ yoräteunä jȩpä̧tö̧.

Diosrö pä̧huä̧ rö̧jo̧mȩnä̧ räopa päʼö aditätö. Ujuturu Oʼipö Juȩʼȩpä̧rä̧tö̧ pi̧jä̧ttö̧ ȩmä̧huotömä Dios I̧huȩnȩ Isäʼtä täcunä ttu̧huo̧juä̧cha̧ʼa̧ttö̧, Dios aditähuänä tadita päʼö jö̧ huo̧ju̧nä̧ jȩpö̧ ku̧nä̧tö̧, pi̧yȩ ʼcuäopönä ttaditä̧rä̧ʼi̧ja̧ʼa̧ttö̧ huo̧ju̧nä̧ juȩʼȩpä̧rä̧tö̧. Semana jö̧ taʼanö ca̧ca̧cui̧pä̧tö̧ tö̧jä̧hua̧tö̧ pi̧jä̧ pa̧ja̧cu̧nä̧ ka̧cuä̧tö̧rö̧ recuä rö̧jö̧ ttucuocua päʼö. Jesús ʼcorujuoächinö oʼcaʼa jȩtti̧nö̧ taʼanö, jitä pä̧nä̧ʼi̧nä̧ Dios I̧huȩnȩ Isäʼtättö ȩmö̧ jȩta̧ päʼö jö̧ hueʼätö cuyäru isojänä huȩyu̧tu̧ʼi̧nä̧, circuito to̧ä̧rä̧cuä̧huä̧ ttö̧ja̧nä̧ʼi̧nä̧, korotö tö̧jä̧hua̧tö̧nä̧ʼi̧nä̧. Ja̧ʼhua̧nö̧ jȩpö̧ oʼca toiʼönä Dios umöhuäyotö huotö ji̧nä̧ yo̧mȩtȩ tamöcuädönäʼinä, jȩtö̧nä̧ʼi̧nä̧ ppäʼädätö (Hechos 16:4, 5). Pitömä ta̧ʼcua̧ tu̧huȩnä̧rö̧ jähuänä tu̧cuȩ jä̧ʼi̧nö̧ʼa̧nö̧ jö̧ jo̧mȩnö̧ jȩpö̧ ku̧nä̧tö̧, Dios Uruhuo huȩnȩ adiunä jitähua päʼöʼinä oʼipätö, ja̧ʼhua̧ta̧nö̧ Dios aditähuänä ttadita päʼö u̧mä̧tö̧ oʼö ku̧nä̧huotörö pojopö ttu̧ju̧na̧ päʼö oʼipätö.

Dios ujuru oipaʼanä aditä̧rä̧tö̧. Ujuturu Oʼipö Juȩʼȩpä̧rä̧tö̧mä̧, Oʼca juiyö Hueöʼa̧nö̧ Hua̧, Jeohua päʼö mi̧cua̧rö̧ʼi̧nä̧, congregaciónnä kä̧tö̧ Ttu päiʼönä kö̧, Jesús päʼö mi̧cua̧rö̧ʼi̧nä̧ pitö ottipatö päʼö jäʼepätö (1 Corintios 11:3; Efesios 5:23). Oʼipö Juȩʼȩpä̧rä̧tö̧mä̧ korotö Dios umöhuäyotö tturuhuotö päiʼönä topäcuähuocotö. Pitömä, korotö pi̧jä̧ttö̧ ȩmä̧huotö jȩttö̧ taʼanö, “Chutä Cordero [Jesús] i̧ʼcho̧mȩnä̧tä̧ ʼchä̧tö̧” (Apocalipsis 14:4). Ujuturu Oʼipö Juȩʼȩpä̧rä̧tö̧mä̧ rö̧ȩnä̧ esehuätö Diosrö ucuocu jätepomenä jahuätörö ppäda päʼö.

• Jesús ʼcorujuoächinö oʼcaʼa, ¿titö ji̧na̧ʼa̧ttö̧ Jesúsru esetätörö oʼipö juȩʼȩpä̧ri̧nä̧tö̧mä̧?

• Jitä pä̧nä̧mä̧, ujuturu Oʼipö Juȩʼȩpä̧rä̧tö̧mä̧, ¿tocu jö̧nä̧ jȩtta̧ʼa̧ttö̧ Dios oipatö päʼömä?