Jesús ʼcorujuoächäcuaʼa äʼcanä päʼinödo: “Pi̧yȩ huȩnȩ, Dios Ttu̧ru̧hua̧ päiʼönä ö̧jä̧cuȩ huȩnȩ, [Dios Uruhuo huȩnȩ, TNM] ruhuäcuiyä pa̧ja̧cu̧nä̧ jittähuäcuotö, oʼca toiʼönä tteseta päʼö. Ja̧u̧nu̧ oʼcaʼa röji mo̧ro̧ päiʼäcuaʼa” (Mateo 24:14). Pi̧yȩ huȩnȩ pi̧jä̧ pa̧ja̧cu̧nä̧ jittähua päʼömä, ¿tocu jö̧nä̧ jȩttä̧cua̧ʼa̧ ji̧na̧ʼa̧ttö̧? Pi̧jä̧ rȩjȩnä̧ Jesús ö̧jo̧mȩnä̧ cueächinö taʼanö cueʼächö (Lucas 8:1).

Ttö̧ja̧rö̧ ttojusode pö̧nä̧ doʼächö ʼchä̧tö̧jä̧. Jesús u̧huo̧juȩtä̧u̧ru̧, adihuä huȩnȩ odehuiyä pö̧nä̧ jittähua päʼö huo̧juȩti̧nö̧ (Mateo 10:11-13; Hechos 5:42; 20:20). Pitörö jiʼähuinö tti̧rȩjä̧ ʼquȩʼȩpö̧ ku̧nä̧huo̧mȩtä̧ jittähua päʼö (Mateo 10:5, 6; 2 Corintios 10:13). Jitä pä̧nä̧ʼi̧nä̧ mo ji̧nö̧ taʼanö yoräteunä jȩpä̧tö̧jä̧, congregación pö̧nä̧ ʼquȩʼȩpö̧ ku̧nä̧huo̧mȩ ku̧nä̧rä̧tö̧jä̧ jitähua päʼö. Ja̧ʼhua̧nö̧ jȩpö̧, Jesús ttö̧ja̧rö̧ jittähua päʼö hueipinö taʼanö jȩpä̧tö̧jä̧ (Hechos 10:42).

Ttö̧ja̧ ttö̧ja̧cuo̧mȩcu̧ ti̧ʼcha̧ päʼö juruhuächätöjä. Jesús Chutä jȩpö̧ i̧jȩpi̧nö̧ jȩta̧ päʼö jö̧, Dios I̧huȩnȩ jähuä dubora jäyora kä̧nö̧ʼi̧nä̧, ajiya reju acuäjura̧ʼa̧ huäʼö ichätöröʼinä, ttö̧ja̧ ttäʼca jo̧mȩttö̧ʼi̧nä̧ jiähuomenä (Marcos 4:1; Juan 4:5-15). Ja̧ʼhua̧nö̧ ja̧ʼa̧ttö̧ ujutuʼinä yoräteunä ttö̧ja̧ ttö̧ja̧cuo̧mȩcu̧ ʼchä̧nö̧ Dios I̧huȩnȩ jähuä jahuätöcu ucuocuätöjä: mä̧nä̧nä̧ʼi̧nä̧, micuänä ttiyomeʼinä, ötahuiyä pö̧nä̧ ʼchä̧nö̧ʼi̧nä̧, teléfononäʼinä. Ja̧ʼhua̧ta̧nö̧, tojusode ppeyä kä̧tö̧rö̧ʼi̧nä̧, ujutucu aditätöröʼinä, ujutucu huo̧jui̧pä̧tö̧rö̧ʼi̧nä̧, tamönä tahuaruhuäröʼinä töʼätecuächomenä tesetö jähuä jiʼähuätöjä. Pi̧yȩmä̧ ppädaʼa recuätö ttö̧ja̧ pi̧jä̧ pa̧ja̧cu̧nä̧ kä̧tö̧ ki̧ʼi̧cuä̧ huȩnȩ ttä̧ju̧cu̧nä̧ (Efesios 1:13).

Pi̧yȩ Dios Uruhuo huȩnȩ, ¿cuahuaruhuärö jicuhuähua päcuhuaʼa? Ja̧u̧ huȩnȩ jahuätörö rö̧ȩnä̧ ppädöʼa̧nö̧ ja̧ʼa̧. Ja̧ʼhua̧nö̧ ja̧ʼa̧ttö̧, cuä̧ju̧cuä̧ji̧mä̧ ucutä katätä cu̧huo̧jua̧ päʼömä jo̧ca̧ʼa̧. Pärocuaʼacu korotörö jicuhuähua päʼö pätecuächomenä jiʼähui.

• ¿Däje adihuä huȩnȩ jitähua päʼö ja̧ʼa̧ttö̧?

• Jeohua ötöʼcö jähuä jiʼähuätömä, Jesús jiähuinö taʼanö, ¿tocu jö̧nä̧ jitähuaʼattö?