Ya̧tȩ jiʼäu mä̧nä̧ baecuä i̧sa̧ ʼcuättopocome mä̧nä̧ ʼcuättopa päʼö baʼepö jä̧ʼi̧nö̧ʼa̧nö̧ hua̧, chutä oʼcaʼanä ichätörö. Juhuaʼa jö̧ taʼanö Jesúsʼinä pi̧jä̧ rȩjȩra̧ʼa̧ baecuä i̧sa̧ päiʼönä huȩä̧ʼhua̧ pi̧nö̧do, ki̧ʼi̧cuä̧ mä̧nä̧ baʼepö korotö ttö̧ja̧ tta̧ʼcua̧ri̧ʼö̧nä̧ ppäda päʼö (Mateo 20:28). Jitä pä̧nä̧ʼi̧nä̧ Chutä jȩi̧nö̧ taʼanö korotö Dios umöhuäyotö pättiʼönä jȩpö̧ juruhuächätöjä, jahuätörö jiʼäuʼinä, huo̧juȩtö̧ʼi̧nä̧ (Mateo 28:19, 20). Ja̧ʼhua̧nö̧ ja̧ʼa̧ttö̧ yotöcunä tö̧jä̧hua̧tö̧ Dios I̧huȩnȩ jiʼäu mä̧nä̧ baecuä ttö̧ja̧ päiʼönä jȩpä̧cuä̧huä̧ʼi̧jä̧tö̧.

Dios aditähuänä ʼcuäopönä aditö. Oʼca toiʼönä Jeohua ötöʼcö jähuä jiʼähuätömä Dios Uruhuo huȩnȩ jiʼähuätöjä. Ja̧ʼhua̧nö̧ ja̧ʼa̧ttö̧ yotöcunä tö̧jä̧hua̧tö̧mä̧ jiʼäu mä̧nä̧ baecuä i̧sa̧ päiʼönä isojänä huȩyu̧cuä̧ʼi̧jä̧tö̧, kä̧hua̧ jö̧ taʼanö 70 horas jo̧mȩnä̧ ttadita päʼö. Oʼca juiyönä mo̧ro̧ ja̧u̧ jähuä aditocotö, ttamönä jähuä recuä rö̧jö̧ ttȩma̧ päʼö ttaditaʼattö. Korotömä recuä rö̧jo̧mȩ jittähua päʼö hueʼähuotö päiʼönä ttöʼojopä̧u̧, kä̧hua̧ jö̧ taʼanö 130 horas jo̧mȩnä̧ ttadita päʼö. Pitö oʼca toiʼönämä rö̧ȩnä̧ ttu̧ju̧nä̧ra̧ päʼö usocotö, juhuaʼa yabocutä Jeohuarö tta̧ʼcua̧ huȩnä̧rä̧tö̧ oʼca juiyö jahuätörö recuä rö̧jö̧ i̧yä̧cua̧ päʼö (Mateo 6:31-33; 1 Timoteo 6:6-8). Pitö ttaditö taʼanö ttadita pättaʼanä ttaditö juiyöʼa̧nö̧ huotömä, koronö pö̧nä̧tä̧ baecuä i̧sa̧ jö̧ taʼanö aditätö, kä̧hua̧ jö̧ taʼanö 30 horas jo̧mȩnä̧cö̧, 50 horas jo̧mȩnä̧cö̧ aditätö.

Diosröʼinä, korotö ttö̧ja̧rö̧ʼi̧nä̧ repeaʼattö ppäda päʼö aditö. Ujutumä topätöjä pi̧jä̧ ttö̧ja̧ tta̧ʼcua̧ ttu̧huȩnä̧rö̧ jähuänä oicuä recuä rö̧jä̧u̧ päʼö, Jesús toinö taʼanö (Marcos 6:34). Ja̧ʼhua̧nö̧ ja̧ʼa̧ttö̧ jahuätörö ujutu tu̧huo̧juȩtö̧ʼa̧nö̧ ja̧ʼa̧ jitä pä̧nä̧ adiu ttö̧ja̧cua̧ päʼöʼinä, ja̧ʼhua̧ta̧nö̧ ttäʼca ja̧ʼa̧cu̧ jähuä eseunu tta̧ttä̧ra̧ päʼöʼinä. Pi̧yȩ topö, jiʼäu mä̧nä̧ baecuä i̧sa̧mä̧ tiempo ʼquȩʼȩpö̧ ku̧nu̧, Dios jähuä ttu̧huo̧juä̧chö̧nä̧ korotörö ppäda päʼö (Mateo 22:39; 1 Tesalonicenses 2:8). Ja̧ʼhua̧nö̧ jȩo̧mȩnä̧ chutä amönä a̧ʼcua̧ u̧huȩnä̧rö̧ jähuänä ppädäcu, ja̧ʼhua̧ta̧nö̧ abonänö eseunu kö̧, juhuaʼa yabocu Dioscu todeunä ö̧ja̧ʼa̧ttö̧ (Hechos 20:35).

• Mä̧nä̧ baecuä i̧sa̧mä̧, ¿däje jȩa̧ʼa̧ttö̧?

• Yotöcunämä, ¿tocu päʼö Dios aditähuänä ʼcuäopönä ttadita pättaʼattö?