Jesucristo ʼcorujuoächinö oʼcaʼa Churutä esetätö jȩtti̧nö̧ taʼanö, jitä pä̧nä̧ u̧mä̧tö̧ tta̧ʼcua̧ ttu̧huȩnä̧rö̧ jähuänä ʼquiyönä kä̧tö̧rö̧ oʼö ku̧nä̧tö̧ Dios umöhuäyotörö ottipa päʼö (Hechos 20:28). Pitömä Dios I̧huȩnȩ jähuä huo̧ju̧nä̧ jȩpä̧tö̧, korotö Dios umöhuäyotörö ‘suronä pättocaʼa, Diosrö pä̧huä̧ rö̧jo̧mȩnä̧ adiunä eseunu tta̧ʼä̧rä̧tö̧. Ja̧ʼhua̧ta̧nö̧ pärätä ttamöcuädocaʼa adiu tta̧ʼä̧rä̧tö̧. Adiunä aditätö ttaditähuä pö̧nä̧ʼ (1 Pedro 5:1-3). Ja̧ʼhua̧nö̧ ja̧ʼa̧ttö̧ pi̧yȩ ttaditähuä ttaditömä ttimitoco̧u̧. Pitömä, ¿däje jȩtta̧ʼa̧ttö̧ ujuturu ppättäda päʼömä?

Ujuturu ttu̧ȩcuä̧nä̧ tta̧ʼä̧rä̧tö̧. Oicuä ttö̧ja̧mä̧ congregaciónnä kä̧tö̧rö̧ tta̧ʼcua̧ ttu̧huȩnä̧rö̧ jähuä ttu̧ȩcuä̧nä̧ tta̧ʼä̧rä̧tö̧, ja̧ʼhua̧ta̧nö̧ pitörö huo̧ju̧nä̧ oʼipätö. Jeohuatä ja̧ʼa̧ ujuturu taditähuä päiʼönä iyinö päʼö huo̧juä̧tö̧, ja̧ʼhua̧nö̧ ja̧ʼa̧ttö̧ abo ʼcuäoiʼönäʼinä, ttamönä ttamöcuädöʼinä hueʼocotö jȩta̧ päʼö. Pärocuaʼacu, adiunätä eseunu tö̧ja̧ päʼö ppäʼädätö (2 Corintios 1:24). Ya̧tȩ o̧huȩja̧tö̧ tta̧huä̧rä̧cuä̧huä̧ i̧sa̧ ä̧ji̧mö̧rö̧ ya̧tȩ pö̧nä̧rö̧ ttu̧ȩcuä̧nä̧ tta̧huä̧rö̧ taʼanö, oicuä ttö̧ja̧mä̧ oʼca toiʼönä congregaciónnä ka̧cuä̧tö̧ ya̧cu̧ pö̧nä̧rö̧ ttu̧huo̧jua̧ päʼö juruhuächätö (Juan 10:3, 4).

Diosrö pä̧huä̧ rö̧jö̧ jȩtö̧nä̧ huo̧juȩtä̧tö̧. Oicuä ttö̧ja̧mä̧, semana jö̧ taʼanö tö̧ca̧ca̧cuä̧ro̧mȩ ujuturu oʼipätö. Pi̧yȩ jȩtto̧mȩnä̧ ta̧ʼcua̧ tu̧huȩnä̧rö̧ jähuänä ji̧nä̧ isocu böo juoächa päʼö ppädönä jȩpä̧tö̧ (Hechos 15:32). Pitömä Dios I̧huȩnȩ jiʼäu cuetächomenäʼinä ujuturu oʼipätö, ujutucu jiʼähuätö, ja̧ʼhua̧ta̧nö̧ korotörö adiunä jitähua päʼöʼinä, tu̧huo̧juȩta̧ päʼöʼinä ujuturu huo̧juȩtä̧tö̧.

Ta̧ʼcua̧ adihuächiʼönä ppä̧ʼä̧dä̧rä̧tö̧. Oicuä ttö̧ja̧mä̧ juhuaʼa yabocu ya̧cu̧ pö̧nä̧rö̧ Jeohuacu todeunä tö̧ja̧ päʼö ppä̧ʼä̧dä̧rä̧tö̧. Tojusodera̧ʼa̧ʼi̧nä̧ doʼächö ichätö, Dios Uruhuo Huo̧jui̧cuode jacuättöʼinä ujutucu ucuocuätö, ja̧ʼhua̧ta̧nö̧ Dios I̧huȩnȩ Isäʼtä baʼepö ta̧ʼcua̧ tȩmö̧nä̧ ppättäda päʼö repeʼönö ucuocuätö (Santiago 5:14, 15).

Pitö oicuä ttö̧ja̧mä̧ congregacionnätämä aditocotö, pitöttö recuätömä ttamönä ttaditähuä ku̧nä̧rä̧tö̧ ttamönä ttahuaruhuärö recuä rö̧jö̧ ȩmö̧ ttiya päʼö. Rö̧ȩnä̧ toppo rö̧jö̧nä̧ ttaditaʼattö jahuätörö ucuotäcuähuä ti̧jȩpa̧ päʼö ja̧ʼa̧ (1 Tesalonicenses 5:12, 13).

• Congregaciónnä oicuä ttö̧ja̧mä̧, ¿däje ttaditähuä ttu̧ju̧nä̧ra̧ʼa̧ttö̧?

• Oicuä ttö̧ja̧mä̧, ¿tocu jö̧nä̧ tti̧jȩpa̧ʼa̧ttö̧ ujutu ya̧cu̧ pö̧nä̧rö̧ a̧mö̧cuä̧rä̧tö̧ päʼömä?