Huo̧jui̧cuä̧ 16
Oicuä ttö̧ja̧rö̧ ppä̧ʼä̧dä̧rä̧tö̧ ttaditähuämä, ¿ti̧yȩ ja̧ʼa̧ttö̧?
Myanmarra̧ʼa̧ttö̧
U̧huo̧juȩto̧mȩnä̧
Rättopäcuaʼa äʼcanä jiʼäu
Dios Uruhuo Huo̧jui̧cuode surojuoächö juiyönä aditä̧rö̧
Dios I̧huȩnȩ Isäʼtä ucuocuaʼa yotöcunä u̧mä̧tö̧ congregación jähuä aditätö ttötöʼcö jähuä. Jeohua ötöʼcö jähuä jiʼähuätömä pitörö oʼätöjä “oicuä ttö̧ja̧” päʼöʼinä, “ppä̧dä̧rä̧cuä̧huä̧ ttö̧ja̧” * päʼöʼinä (Filipenses 1:1, TNM). Congregación pö̧nä̧ recuätö tö̧jä̧hua̧tö̧ pi̧yȩ adicuä jȩpä̧tö̧. Oicuä ttö̧ja̧rö̧ ppä̧ʼä̧dä̧rä̧tö̧mä̧ ujuturu ppättäda päʼömä, ¿däje jȩtta̧ʼa̧ttö̧?
Congregaciónnä ppäʼädätö. Pitömä tta̧ʼcua̧ ttu̧huȩnä̧rö̧ jähuänä ʼquiyönä kä̧tö̧, jahuätörö huettö ttu̧ȩcuä̧nä̧ aditätö, huo̧ju̧nä̧ kä̧tö̧, pitöttö yotöcunämä möäyotö, korotömä böäcuächätöʼinä ja̧ʼa̧. Congregación jähuäʼinä, tö̧ca̧ca̧cuä̧rode jähuäʼinä jo̧mȩnö̧ ka̧ päʼö semana jö̧ taʼanö ppäʼädö aditä̧rä̧tö̧. Pitömä oicuä ttö̧ja̧ päiʼönä ttaditocaʼanä, ttaditähuä rö̧ȩnä̧ micuähuaʼa. Ja̧ʼhua̧nö̧ jȩpö̧ ppäʼädätö oicuä ttö̧ja̧ congregaciónnä kä̧tö̧rö̧ ttu̧huo̧juȩta̧ päʼöʼinä, ttu̧ȩcuä̧nä̧ tta̧ttä̧ra̧ päʼöʼinä.
Congregaciónttö recuä rö̧jö̧ ppä̧ʼä̧dä̧rä̧tö̧. Pitöttö yotöcunämä tö̧ca̧ca̧cuä̧ro̧mȩ ichätörö dottächomenä eseunu teʼähuätö, ttö̧ʼä̧mä̧da̧ päʼö oʼipätö. Korotömä micrófono todecuome adiunä rä̧mi̧pa̧ päʼö aditätö, cuyäru oʼtä jȩpö̧ ku̧nä̧huo̧mȩʼi̧nä̧ ttiya päʼö aditä̧rä̧tö̧, pärätä jähuä pa̧ja̧tä̧tö̧, congregaciónnä kä̧tö̧rö̧ jiʼäu cuettächöʼa̧nö̧ jo̧mȩ jiʼähuätö. Ja̧ʼhua̧ta̧nö̧ Dios Uruhuo Huo̧jui̧cuode surojuoächö juiyönä tta̧ʼä̧rä̧tö̧, tö̧jä̧hua̧tö̧ böäcuächätörö eseunu ppäʼädätö, oicuä ttö̧ja̧ huettö taʼanö. Jahuätörö oʼca juiyönä huettö eseunu jȩtta̧ʼa̧ttö̧, congregaciónnä kä̧tö̧ʼi̧nä̧ ttucuotä̧u̧ (1 Timoteo 3:13).
Cristorö esetätö jȩttö̧ʼa̧nö̧ i̧jȩpä̧tö̧. Pi̧yȩ jȩtta̧ʼa̧ttö̧ ppä̧dä̧rä̧cuä̧huä̧ ttö̧ja̧ päiʼönä ttöʼojopä̧u̧. Tö̧ca̧ca̧cuä̧ro̧mȩttö̧ ttu̧huo̧juȩto̧mȩnä̧ ta̧ʼcua̧ tu̧huȩnä̧rö̧ jähuä tujuruʼunä ppäʼädätö. Dios I̧huȩnȩ jiʼäu eseunu rättopomenä, ujutuʼinä eseunu rätopönä ppäʼädätö. Ja̧ʼhua̧ta̧nö̧ eseunu ttaditaʼattö oʼca toiʼönä ji̧nä̧ yo̧mȩtȩ tö̧ja̧cu̧nä̧ ppäʼädätö (Efesios 4:16). Jahuätöʼinä koronö oicuä ttö̧ja̧ juottöʼa̧nö̧ ja̧ʼa̧.
-
Oicuä ttö̧ja̧rö̧ ppä̧ʼä̧dä̧rä̧tö̧mä̧, ¿tocu jö̧nä̧ ttaʼattö?
-
Congregación jähuäʼinä, tö̧ca̧ca̧cuä̧rode jähuäʼinä jo̧mȩnö̧ ka̧ päʼömä, ¿tocu jö̧nä̧ ppättädaʼattö ppä̧dä̧rä̧cuä̧huä̧ ttö̧ja̧mä̧?
[Huȩyu̧cuä̧ beönä räopö]
^ par. 3 Tä̧do̧ Ä̧cua̧ I̧huȩnȩ päʼö micuäʼtänä “Diácono” räopaʼa. Pi̧yȩ huȩyu̧cuä̧ “Diácono”, griego tti̧huȩnȩttö̧ ichaʼa “di·á·ko·nos”. Pi̧yȩ päʼömä pähuächaʼa “korotö mitö huettäcu adita päʼö”.
