Recuätö ttö̧ja̧ Dios I̧huȩnȩ ttä̧ju̧cua̧ päʼö äʼcoji ttö̧ca̧ca̧cuä̧ri̧no̧mȩ jaropiʼäʼijätö juiyo jättecu ttädätocaʼattö, tta̧ʼcua̧ ttȩmö̧nä̧ ppättädocaʼattö. Ja̧ʼhua̧nö̧ ja̧ʼa̧ttö̧ Jeohua ötöʼcö jähuä jiʼähuätö tö̧ca̧ca̧cuä̧ro̧mȩ, ¿tta̧ʼa̧nö̧ päʼö cuicha päʼö ja̧ʼa̧ttö̧? Porömä, ¿däje cu̧ʼo̧cui̧ʼä̧cua̧ʼa̧ttö̧?

Ttö̧ja̧rö̧ repeʼätöcuʼinä, adiu jȩpä̧tö̧cu̧ʼi̧nä̧ kä̧nö̧ cuȩsȩhuä̧cua̧jä̧. Jesús hueʼähuotö ttö̧ji̧nö̧ pä̧nä̧, Jesúsru esetätömä congregación pö̧nä̧ adihuomenä jȩpö̧ ku̧nä̧hui̧na̧ʼa̧ ji̧nä̧ yo̧mȩtȩ Diosrö ucuo tettähua päʼöʼinä, Huȩyu̧cuä̧ Huȩnȩ ttu̧huo̧jui̧ʼa̧ päʼöʼinä, ppättädäcuähua päʼöʼinä (Hebreos 10:24, 25). Repeäcuäu kä̧nö̧ korotö korotönörö ttamönä ttahuaruhuä jä̧ʼi̧nö̧ʼa̧nö̧ topäcuähuinätö (2 Tesalonicenses 1:3; 3 Juan 14). Ujutuʼinä pitö jȩtti̧nö̧ taʼanö jȩpä̧tö̧jä̧.

Dios I̧huȩnȩ Isäʼtänä räopö iso päiʼönä huȩnȩ oipö cu̧huo̧jui̧ʼä̧cua̧jä̧. Äʼcoji ka̧cui̧nä̧tö̧ jȩtti̧nö̧ taʼanö u̧mä̧tö̧ʼi̧nä̧, nä̧tö̧ʼi̧nä̧, ppo̧ʼä̧tö̧ʼi̧nä̧ ca̧ca̧cuä̧rä̧tö̧jä̧ huo̧juȩtä̧tö̧ jittäu tä̧ju̧cua̧ päʼö, pitömä ppäʼädätö Dios I̧huȩnȩ Isäʼtänä räopö iso päiʼönä huȩnȩ oipö tu̧huo̧juä̧chö̧nä̧ʼi̧nä̧, mo̧ro̧ji̧nö̧ a̧ʼu̧cuä̧ pi̧yȩ huȩnȩ päö taʼanö jȩta̧ päʼöʼinä (Deuteronomio 31:12; Nehemías 8:8). Oʼca toiʼönä ichätömä oicuä i̧sa̧ jäepomenä ttu̧mö̧ cäʼepö ttädätöʼa̧nö̧ ja̧ʼa̧, ra̧to̧mȩnä̧ʼi̧nä̧ ra̧huä̧huä̧ ra̧ttö̧ʼa̧nö̧ ja̧ʼa̧. Pi̧yȩnä̧ katä pö̧nä̧ Diosrö ta̧ʼcua̧ tu̧huȩnä̧rö̧ i̧jȩpä̧tö̧jä̧ (Hebreos 10:23).

Diosrö cua̧ʼcua̧ cu̧huȩnä̧rö̧nä̧ juhuaʼa yabocu ʼquiyönä cu̧jä̧cua̧jä̧. Pablomä, ö̧jä̧hua̧tö̧ Roma ötahuiyänä ka̧cuä̧tö̧rö̧ huȩyu̧tu̧ päʼinö: “Ttö pä̧huä̧ rö̧jä̧cu̧sä̧ tocha päʼö ucuturu ppädäda päʼö [...] adiu cuami ʼquiʼächiʼö cu̧ja̧cuä̧tu̧cua̧ päʼö [...]. Ucutuʼinä, ttöʼinä ji̧nä̧ ji̧yȩtȩ esetätöjä” (Romanos 1:11, 12). Tö̧ca̧ca̧cuä̧ro̧mȩ ʼcuäopönä i̧chi̧pä̧rö̧ tö̧jä̧hua̧tö̧cu̧ tö̧jo̧mȩnä̧ ppädaʼa ta̧ʼcua̧ tu̧huȩnä̧rö̧ ʼquiyönä kö̧nä̧ʼi̧nä̧, Cristo ö̧ji̧nö̧ taʼanö tö̧ja̧cu̧nä̧ʼi̧nä̧.

Ucutä pi̧yȩ tocuʼa päʼömä, tö̧ca̧ca̧cuä̧ro̧mȩ cuicha päʼö tä̧tȩpä̧cu̧jä̧. Micuä juiyönä doächäcuähuaʼa, pärätä jäʼepocotöjä. Pȩnȩ cuichöttömä adihua cuichaʼa päʼö tesehuä̧cua̧jä̧.

• Tö̧ca̧ca̧cuä̧ro̧mȩttö̧, mo täbocö jȩtti̧nö̧ taʼanö, ¿tocu jö̧nä̧ jȩta̧ʼa̧ttö̧?

• Tö̧jä̧hua̧tö̧cu̧ tö̧ca̧ca̧cuä̧ro̧mȩnä̧, ¿tta̧ʼa̧nö̧ ppädaʼattö ujuturumä?