Betel jacuä ttamönä ttahuaruhuäcu ttö̧ja̧ʼa̧ jä̧ʼi̧nö̧ʼa̧nö̧ kä̧tö̧mä̧, ttaditähuä pö̧nä̧ ku̧nä̧rä̧tö̧ Dios I̧huȩnȩ adicuänä ppättäda päʼö, ttamönä tti̧rȩjä̧nä̧ʼi̧nä̧, koronö pö̧nä̧ korotö tti̧rȩjä̧nä̧ʼi̧nä̧. Korotömä tti̧huȩnȩ pö̧nä̧ räʼepö icu aditätö, korotö imprimi päʼätö, korotö cuyäru oʼtä räopönä aditätö, korotö cuyäru oʼtä aditö ku̧nä̧tö̧, korotö ttä̧ju̧cua̧ päʼö ʼchuʼädö ku̧nä̧huä̧ʼi̧nä̧, videoʼinä räʼepätö, koro adicuäʼinä ka̧ʼa̧.

Pode jacuättö ttaditö oʼipätö. Ujuturu Oʼipö Juȩʼȩpä̧rä̧tö̧mä̧, jo̧mȩnö̧ huotö oicuä ttö̧ja̧ huämetucuäröcö̧, abonänö huotöröcö̧ pojopö ku̧nä̧tö̧ pode jacuättö ttaditö ottipa päʼö. Pitömä ttadita päʼö pätecuächome ʼcuäopöʼinä, surojö huȩnȩ ʼcuäopöʼa̧nö̧ jö̧ʼi̧nä̧ Oʼipö Juȩʼȩpä̧rä̧tö̧rö̧ jiʼähuätö. Pi̧yȩ ppädaʼa jahuätörö ttu̧huo̧jua̧ päʼö rättepa päʼö jö̧ jareö cuyäru oʼtänäʼinä, tö̧ca̧ca̧cuä̧ro̧mȩttö̧ʼi̧nä̧, asamblea jȩto̧mȩttö̧ʼi̧nä̧ ttucuocuä̧cuȩ. Koronö pö̧nä̧ Oʼipö Juȩʼȩpä̧rä̧tö̧mä̧ ya̧tȩrö̧ hueʼätö Ti̧rȩjä̧ttö̧ Isode Juȩttȩpä̧rodettö Oʼipätö ttaditähuä juhuaʼa yabocu adiu ttaditönä ppäda päʼö (Proverbios 11:14). Pide huȩʼä̧hua̧ ichomenä ca̧ca̧cuä̧rä̧tö̧jä̧ ja̧u̧ jiähua päʼö pätecuächä̧u̧ tä̧ju̧cua̧ päʼö, pi̧yȩmä̧ ta̧ʼcua̧ tu̧huȩnä̧rö̧ jähuänä ʼquiyönä tö̧ja̧ päʼö ppädaʼa.

Congregación jacuättö ttaditö juȩʼȩpä̧rö̧ ppäʼädätö. Juȩttȩpä̧rode jacuättö aditätömä jareö congregación räopomenä u̧cuo̧cuä̧rö̧ cuyäru isojänä huȩyu̧tu̧ rötätö räopa päʼö. Ja̧ʼhua̧ta̧nö̧ tti̧rȩjä̧ ttadita päʼö pätecuächä̧u̧ru̧, jiʼäu mä̧nä̧ baʼepätöröʼinä, ko̧ro̧jä̧ rȩjȩra̧ʼa̧ jittähua päʼö hueʼähuotöröʼinä, circuito to̧pä̧rä̧tö̧rö̧ʼi̧nä̧ ttadita päʼö oʼipätö. Asamblea kä̧cuȩ jo̧mȩnö̧ jȩpö̧ ku̧nä̧tö̧, Dios Uruhuo Huo̧jui̧cuä̧ odehuiyä ttaditomenä oʼipätö, ja̧ʼhua̧ta̧nö̧ cuyäru rättepö oʼtä congregación pö̧nä̧ iyäʼchätö. Pode jacuättö oʼca juiyö ttaditömä Dios I̧huȩnȩ adicuä adiunä tadita päʼö ppädaʼa (1 Corintios 14:33, 40).

• ◼ Ti̧rȩjä̧ttö̧ Isode Juȩttȩpä̧rodettö Oʼipätömä, ¿tocu jö̧nä̧ ppättädaʼattö ujuturu Oʼipö Juȩʼȩpä̧rä̧tö̧rö̧mä̧?

• ◼ Tti̧rȩjä̧ttö̧ Isode Juȩttȩpä̧rode jacuättömä, ¿däje adicuä jȩtta̧ʼa̧ttö̧?