Oʼca juiyö Jeohua ötöʼcö jähuä Jiʼähuätö ttö̧ca̧ca̧cuä̧rö̧ odehuiyämä Ja̧u̧ru̧ ucuo tettäu ode ja̧ʼa̧. Ja̧ʼhua̧nö̧ ja̧ʼa̧ttö̧ pode adiu teönä ka̧ päʼö eseunu ppätäda päʼätöjä. Jeohuarö ucuo teʼäu taditö jö̧ taʼanö, pi̧yȩʼi̧nä̧ rö̧ȩnä̧ micuähuaʼa. Oʼca toiʼönä pi̧yȩ pätecuächomenä ppätädöʼa̧nö̧ ja̧ʼa̧.

Tö̧ca̧ca̧cuä̧rä̧ji̧ oʼcaʼa ʼca̧ʼu̧ ppätädöʼa̧nö̧ ja̧ʼa̧. Ca̧ca̧cuä̧rö̧ cätädiʼö oʼcaʼa, oʼca toiʼönä congregaciónnä kä̧tö̧ tö̧ca̧ca̧cuä̧rode ʼca̧ta̧ʼa̧nä̧ recuo ʼca̧ʼo̧co̧tö̧jä̧, pärocuaʼacu semana jö̧ taʼanö yaʼute mo̧ro̧ täcunä ʼca̧ʼä̧tö̧jä̧. Ya̧tȩ congregaciónttö oicuä i̧sa̧cö̧, ppä̧dä̧rä̧cuä̧huä̧ i̧sa̧cö̧ pi̧yȩ adicuä oʼipö tadita päʼö, jȩttä̧cuȩ äʼcoji huȩyu̧tu̧ ku̧nä̧huä̧ topö: jacuäʼinä, u̧mi̧ʼi̧nä̧ juatö, cemetohuäʼinä, dȩä̧qui̧yä̧ʼi̧nä̧, ttitecuomeʼinä, ttacuepomeʼinä, ventanaʼinä, ttöʼä toäcuähuodäʼinä teönä ʼca̧ʼu̧ ttu̧ju̧na̧ päʼö. Ja̧ʼhua̧ta̧nö̧ surojö doʼopö icuähuäʼinä doʼopö icuätöjä. A̧ʼȩ jö̧ taʼanö yaʼute mo̧ro̧ ʼquȩʼȩpö̧ ku̧nä̧tö̧jä̧ jacuä dȩa̧ʼa̧nä̧ ʼca̧ta̧ päʼö. Pȩnȩ ʼca̧to̧mȩnä̧ ppo̧ʼä̧tö̧rö̧ʼi̧nä̧ ttaditähuä ttiyomenä ppädaʼa Diosrö ucuo teäcuähuode ucuotönö totta päʼö (Lucas 2:46).

Surojuoächode aditö tticuomenä ppätädöʼa̧nö̧ ja̧ʼa̧. A̧ʼȩ jö̧ taʼanö tö̧ca̧ca̧cuä̧rode jacuäʼinä, u̧mi̧ʼi̧nä̧ ttu̧ȩcuä̧nä̧ ttu̧ʼȩpä̧rö̧nö̧ usätö surojuoächinö po̧cui̧pö̧ aditö tticua päʼö, yodojinänö abo ʼcuäoiʼönä surojuoächö juiya päʼö. Pi̧yȩ jȩto̧mȩnä̧ ppädäcuaʼa pärätä rö̧ȩnä̧ betecu juiya päʼö (2 Crónicas 24:13; 34:10). Dios Uruhuo Huo̧jui̧cuode adiu teönä ko̧mȩnä̧ Ja̧u̧ru̧ adiunä ucuo tetähua päʼö ppädaʼa. Ja̧ʼhua̧nö̧ ja̧ʼa̧ttö̧ pode surojuoächö juiyönäʼinä, teönäʼinä ka̧ päʼö ppätädomenä i̧jȩpä̧tö̧jä̧ Jeohuarö iso päiʼönä repeʼätöjä päʼö (Salmo 122:1).Pi̧yȩmä̧ Tö̧ä̧nä̧hua̧rö̧ korotö adiu ttucuotönä ppädaʼa (2 Corintios 6:3).

• Tö̧ca̧ca̧cuä̧rode surojuoächö juiyönäʼinä, teönäʼinä ka̧ päʼömä, ¿tocu päʼö adiunä tta̧tä̧ra̧ päʼö ja̧ʼa̧ttö̧?

• Dios Uruhuo Huo̧jui̧cuode adiu teönä ka̧ päʼömä, ¿däje adicuä jȩtö̧ʼa̧nö̧ ja̧ʼa̧ttö̧?