Jesús ʼcorupäiʼäcuaʼa äʼcanä pa̧ja̧cuä̧nö̧ huotö u̧huo̧juȩtä̧u̧cu̧ korotö ttö̧ja̧ tomettö Pedrocu, Santiagocu, Juancu, Andréscu ucuocuinödo. Chutä röji pä̧nä̧ ö̧jä̧cuȩ huȩnȩ jiähuomenä jäʼepinödo: “¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, [pätecuächomenä jo̧mȩnö̧ ku̧nu̧, TNM] ojusode ruhuärö ttu̧cuȩ iya päʼö” (Mateo 24:3, 45; Marcos 13:3, 4). Pa̧ʼa̧nö̧ päomenä, Chutä Jesús ttu̧ru̧hua̧ päiʼönä kä̧nö̧, ucuocuinö röji pä̧nä̧ päiʼomenä Chutä yotöcunä ȩmä̧u̧ru̧ jȩpö̧ u̧ju̧nä̧cuȩ ttadita päʼö, korotö umöhuäyotö tta̧ʼcua̧ ttu̧huȩnä̧rö̧ jähuänä ttu̧cuȩ jä̧ʼi̧nö̧ʼa̧nö̧ jö̧ jo̧mȩnö̧ jȩpö̧ ku̧nu̧ ttiyäʼcha päʼö. Ja̧u̧ adicuä i̧sa̧mä̧, ¿di ja̧ʼa̧ttö̧?

Jesúsru esetätö Jeohua ujurunä pi̧jä̧ttö̧ ȩmi̧nä̧u̧ a̧ʼu̧cu̧nä̧tä̧ huotö. Ja̧u̧ “adicuä i̧sa̧mä̧”, Jeohua ötöʼcö jähuä Jiʼähuätörö Oʼipö Juȩʼȩpä̧rä̧tö̧ ja̧ʼa̧. Pitömä Jeohuarö ucuo teʼähuätörö tta̧ʼcua̧ ttu̧huȩnä̧rö̧ jähuänä ʼcuäopönä ttu̧cuȩ jä̧ʼi̧nö̧ʼa̧nö̧ jö̧ jo̧mȩnö̧ jȩpö̧ ku̧nu̧ iyätö. Pidetä ja̧ʼa̧ pi̧yȩ cuäcuähuä jä̧ʼi̧nö̧ʼa̧nö̧ jö̧ ujuturu recuä rö̧jö̧ taʼanö mö̧nä̧u̧ iyömä (Lucas 12:42).

Dios pi̧jä̧ttö̧ u̧ju̧nä̧rö̧ juȩʼȩpä̧rö̧ (1 Timoteo 3:15). Jesúsmä adicuä i̧sa̧ jä̧ʼi̧nö̧ʼa̧nö̧ huotörö hueʼipinö pi̧jä̧ rȩjȩttö̧ Jeohua u̧ju̧nä̧rö̧ oʼca juiyönä huo̧ju̧nä̧ juȩttȩpä̧ra̧ päʼö, Jeohuarö ucuo tetäu odehuiyäʼinä, pode jacuä ka̧cu̧ tta̧ʼä̧rö̧ʼi̧nä̧, Dios I̧huȩnȩ jitäu oʼipöʼinä, congregaciónnä tö̧ca̧ca̧cuä̧ro̧mȩttö̧ tu̧huo̧juä̧chö̧ jo̧mȩnö̧ jȩpö̧ ku̧nu̧ʼi̧nä̧. Ja̧ʼhua̧nö̧ ja̧ʼa̧ttö̧ oʼca juiyö ujuturu recuä rö̧jö̧ ʼcuäopönä Ttu̧ʼȩpä̧rö̧nö̧ Adiunä Adicuä I̧sa̧mä̧ ta̧ʼcua̧ tu̧huȩnä̧rö̧ jähuänä tu̧cuȩ jä̧ʼi̧nö̧ʼa̧nö̧ jö̧ cäʼädiʼocaʼa aditö iya päʼö, cuyäru oʼtänäʼinä, ojiyänäʼinä, videonäʼinä, töäre internet isojänäʼinä. Pi̧yȩ iyö semana jö̧ taʼanö tö̧ca̧ca̧cuä̧ro̧mȩttö̧ tu̧huo̧jui̧ʼa̧ päʼöʼinä, asamblea jȩto̧mȩnä̧ tu̧huo̧jui̧ʼa̧ päʼöʼinä, ja̧ʼhua̧ta̧nö̧ Dios aditähuänä tadita päʼöʼinä.

Pide “adicuä i̧sa̧mä̧” Dios I̧huȩnȩ Isäʼtänä iso päiʼönä huȩnȩ päö taʼanötä jueönä huo̧juȩtö̧, ja̧ʼhua̧ta̧nö̧ adihuä huȩnȩ jiähua päʼö hueipinö taʼanötä jȩpö̧, ja̧ʼhua̧nö̧ ja̧ʼa̧ttö̧ pide adiunä aditö päʼätöjä. Ja̧ʼhua̧ta̧nö̧ pi̧jä̧ rȩjȩttö̧ Cristo u̧ju̧nä̧rö̧ oʼca juiyönä huo̧ju̧nä̧ juȩpä̧ra̧ʼa̧ttö̧ ttu̧ʼȩpä̧rö̧nö̧ aditö päʼätöjä (Hechos 10:42). Jeohua umöhuäyotö huotö tirecuächaʼa totäcuähuomenäʼinä, ja̧ʼhua̧ta̧nö̧ ta̧ʼcua̧ tu̧huȩnä̧rö̧ jähuänä tu̧cuȩ jä̧ʼi̧nö̧ʼa̧nö̧ jö̧ rö̧ä̧cha̧ʼa̧ totomenäʼinä huo̧juä̧tö̧jä̧ iso päiʼönä pide aditähuänä Jeohua oʼipö päʼö (Isaías 60:22; 65:13).

• Jesúsmä, umöhuäyotö tta̧ʼcua̧ ttu̧huȩnä̧rö̧ jähuänä ttu̧cuȩ jä̧ʼi̧nö̧ʼa̧nö̧ jö̧, ¿dirö hueipinaʼattö iyäʼcha päʼömä?

• Pide “adicuä i̧sa̧mä̧”, ¿tocu päʼö pätaʼattö adiunäʼinä, ttu̧ʼȩpä̧rö̧nö̧ʼi̧nä̧ aditö päʼömä?