A̧DI̧TÄ̧RÖ̧ KÄ̧TÖ̧. A̧di̧tä̧rö̧ kä̧tö̧mä̧ ppättädacu päʼö ttu̧ju̧nä̧u̧. Carucä, moto ku̧nä̧huo̧mȩ jähuäʼinä, cuettächäcuome jähuäʼinä, ttö̧ʼä̧cuo̧mȩ ʼquȩʼȩcuä̧ jähuäʼinä, koro jähuäʼinä jiʼäu huettö taʼanö jȩpi̧.

AJIYANÄ PÖTÄCHIʼÖ I̧JȨCUÄ̧. Jittähuomettö pätecuänö äcuomenä i̧sä̧mä̧mä̧ ʼquȩʼȩpö̧ ku̧nä̧huä̧cua̧ʼa̧ ajiyanä pötächiʼö tti̧jȩpä̧cuo̧tö̧ ttö̧ʼa̧ päʼö. Ja̧ʼhua̧nö̧ jo̧ca̧ʼa̧ jö̧ttö̧mä̧, korome ttö̧ʼä̧mä̧da̧ päʼö jittähuäcuotö. Ajiyanä pötächiʼö tti̧jȩpä̧cuo̧tö̧ ttö̧ʼa̧ päʼö jo̧mȩ ajiyanä pötächiʼö i̧jȩcuä̧ttö̧ jiäcuähuä kä̧mä̧dä̧cua̧ʼa̧ äʼcanä ttö̧ʼä̧mä̧da̧ päʼö ja̧ʼa̧. Oʼca toiʼönä pa̧yö̧ʼcuaʼinä, ttä̧ta̧ʼi̧nä̧, ttö̧ʼca̧tä̧huä̧ta̧ poönä jä̧ta̧ʼi̧nä̧ ttiʼcächa päʼö ja̧ʼa̧.

KOROTÖ HUETTOCAʼANÄ PÄRÄTÄ IYÄHUÄ. Adiu pä̧mä̧dä̧cuä̧huo̧mȩ, adiu ttä̧ju̧cua̧ päʼö, videoʼinä adiu totta päʼö jȩpö̧ ku̧nä̧huä̧, koro recuä rö̧jö̧ʼi̧nä̧ ttȩma̧ päʼö rö̧ȩnä̧ pärätä ttimitäjaʼa. Pi̧yȩ ppädäcuaʼa asambleanä tesehua päʼöʼinä, Jeohuarö tötöʼcöhuächa päʼöʼinä. Ucutu cuamönä amöcuädö pärätä cuiyätucumä pi̧yȩ ttaditö adiu räopa päʼö rö̧ȩnä̧ ppädaʼa. Asamblea jȩtto̧mȩ o̧ca̧hui̧yä̧ adiu huäjunä i̧jȩcuä̧chö̧nä̧ ka̧ʼa̧ pärätä ttiya päʼätömä ttȩna̧ päʼö. Ja̧ʼhua̧nö̧ ja̧ʼa̧nä̧, donate.pr418.com internet isojänäʼinä docuhuächöʼa̧nö̧ ja̧ʼa̧ cuamönä amöcuädö pärätä cuiya päʼö. Cuiyätucunä päiʼäjimä rö̧ȩnä̧ ppädaʼattö eseu adihuaʼa päʼätöjä. Ujuturu Oʼipö Juȩʼȩpä̧rä̧tö̧mä̧ juiyo adihuaʼa päʼätö eseu adihuaʼa päʼö cuiyätucumä Dios Uruhuo adicuä jähuänä rö̧ȩnä̧ ppädäcuaʼattö.

HUȨNȨ PÄIʼOMENÄ YOTÄCU PPÄDÄCUÄHUÄ. Huȩnȩ päiʼomenätä ʼchä̧cuä̧huo̧mȩ ja̧ʼa̧.

TTÖÄRE TOEIʼÄCHÖ. Ji̧yȩtȩ cuäre jo̧cö̧ cu̧ʼo̧cui̧ʼö̧ttö̧mä̧ Ttöäre Toeiʼächö jȩpö̧ ku̧nu̧ Ttaditome cuȩpa̧ päʼö ja̧ʼa̧. Ucutä cuäre toeiʼächaʼa jö̧ttö̧mä̧ ju̧huȩnȩ ʼchä̧nö̧ jäʼepäji. Ppo̧ʼä̧tö̧ reʼtehuächätöröʼinä ju̧huȩnȩ ttȩpa̧ päʼö ja̧ʼa̧. Ja̧ʼhua̧nö̧ ja̧ʼa̧nä̧ oʼca töiʼönä tta̧ʼcua̧ rottecunä ji̧yä̧cua̧ʼa̧nö̧, cui̧tti̧mö̧rö̧ ucucutä töʼcö ttö̧jö̧nä̧ to̧pä̧rö̧ tta̧ʼä̧ri̧.

PÄ̧MÄ̧DÄ̧CUÄ̧HUO̧MȨ. Korotöʼinä ttö̧ʼa̧ päʼö ttö̧ʼä̧cuo̧mȩ ki̧ʼö̧nä̧ jȩcu̧ʼo̧mȩnä̧ repeäcuähuä i̧jȩpö̧jä̧. Cuamönä cuahuaruhuä, ucucu carucänä ichätörö, cuojusodenä kä̧tö̧, Dios I̧huȩnȩ Isäʼtä cu̧huo̧juȩtä̧u̧ʼi̧nä̧ jö̧ttö̧tä̧ pojopö ku̧nu̧ iyitö. Ttö̧ʼä̧cuo̧mȩ jo̧ca̧ʼa̧ jö̧ttö̧mä̧ pojopö cu̧ju̧nä̧ʼ.

TTAMÖNÄ AMÖCUÄDÖ MICUÄ JUIYÖNÄ TTADITA PÄʼÄTÖ. Asamblea adicuänä cuamönä amöcuädö cuadita päcuttumä Ttu̧huo̧jua̧ päʼö jö̧ jiʼäuʼinä, Ttamönä amöcuädö Adicuä jȩtta̧ päʼö oʼipöʼinä Ttaditome täi.