Ca̧ca̧cuä̧rö̧ jȩtö̧ ötö’cö jähuä juhua’a yabocu huo̧jui̧pi̧. Tö̧ca̧ca̧cuä̧ro̧mȩ po̧cui̧pi̧ ucu cu̧jo̧mȩ tö’cöttö.

Ujutu Testigo Jeohua huotömä ya’ate semananä todärenä jo̧mȩnä̧ ca̧ca̧cuä̧rä̧tö̧jä̧ Diosrö tesehua pä’ö (Hebreos 10:24, 25). Tö̧ca̧ca̧cuä̧ro̧mȩnä̧ o’ca toi’önä tti̧’cha̧ pä’ätömä ttichö’a̧nö̧ ja̧’a̧. Porömä, Dios I̧huȩnȩ Isä’tänä huo̧jui̧pä̧tö̧jä̧, ja̧’hua̧ta̧nö̧ pi’tänä päö ta’anö jȩta̧ pä’ö huo̧jui̧pä̧tö̧jä̧.

Tö̧ca̧ca̧cuä̧rö̧ ta’anö, tu̧huo̧jui̧’o̧mȩnä̧mä̧ ya̧tȩ jäepa’anä korotömä ädätätö. Ttädäta pä’ömä ttu̧mö̧ cä’epö ädätätö. Ja̧’hua̧ta̧nö̧ ra̧’ä̧tö̧jä̧, ya̧tȩ Diosrö ucuocu, pi̧yȩ jȩpä̧tö̧jä̧ kä̧mä̧do̧mȩnä̧’i̧nä̧, cä’ädomenä’inä.

Pine cristiano huotö tö̧ca̧ca̧cui̧’o̧mȩ, o’ca toi’önä tticha pä’ätömä ttichö’a̧nö̧ ja̧’a̧, Testigo Jeohua huocotö’inä. Micuä juiyönä doächäcuähua’a, yoröiso pärätä jä’epocotöjä.