Waswe, Olketa Jehovah’s Witness Biliv Long Jesus?
Ia. Mifala biliv long Jesus, wea hem sei: “Mi nao road, mi nao truth, and mi nao laef. Mi nomoa road for man go long Dadi long heven.” (John 14:6) Mifala biliv Jesus lusim heven for kam long earth and hem givim perfect laef bilong hem olsem sakrifaes, wea datwan hem price for sevem pipol. (Matthew 20:28) From hem dae and laef bak, datwan mekem chance for olketa wea showimaot faith long hem savve kasem laef olowe. (John 3:16) Mifala bilivim tu, Jesus hem King wea rul insaed Kingdom bilong God long heven, wea klosap nao Kingdom hia bae mekem full earth for garem peace. (Revelation 11:15) Nomata olsem, mifala bilivim toktok bilong Jesus taem hem sei: “Dadi long heven hem winim mi.” (John 14:28) So mifala no worshipim Jesus, bikos mifala no biliv Jesus hem Olmaeti God.
Iu Laek Lukim Nara Samting?
OLKETA KWESTIN WEA STAKA PIPOL ASKEM
Waswe, Olketa Jehovah’s Witness Christian?
Ting raonem olketa reason why mifala olketa tru Christian, and hao mifala difren from olketa nara religion wea olketa sei olketa tu Christian.
ESSENTIAL BIBLE TEACHINGS
Why Nao Jesus Hem Dae?
Maet iu herem dat hem dae for olketa sin blo iumi. Bat waswe, staka million pipol savve kasem gud samting from sakrifaes blo wanfala man?
ABAOTEM MIFALA
Askem Samwan for Visit
Discussim wanfala Bible kwestin, or lanem moa samting abaotem Olketa Jehovah’s Witness.