Why Nao Olketa Jehovah’s Witness No Iusim Cross Long Worship Bilong Olketa?
Long tingting bilong staka pipol, cross nao main saen bilong olketa Christian. Olketa Jehovah’s Witness Christian, bat mifala no iusim cross long worship bilong mifala. Why nao olsem?
Bible sei Jesus hem dae long wanfala post nomoa, no long wanfala cross. Bible talem strongfala warning long olketa Christian for mas stap klia long olketa idol. So hem no stret for iusim cross long worship.—1 Corinth 10:14; 1 John 5:21.
Jesus hem sei: “Sapos iufala lovem iufala evriwan, pipol bae savve iufala olketa disaepol bilong mi.” (John 13:34, 35) So love for narawan nao bae showimaot man hem wanfala follower bilong Jesus, no wanfala cross or image.
Iu Laek Lukim Nara Samting?
OLKETA IMPORTANT BIBLE TEACHING
Waswe, God Acceptim Wei for Iusim Image lo Worship?
Waswe bae datwan helpem iumi for feel klos lo God wea iumi no savve lukim?
ANSA FOR OLKETA BIBLE KWESTIN
Jesus Dae for Wanem?
Staka pipol savve long teaching wea sei Jesus dae mekem iumi kasem laef. Bat long wanem wei nao dae bilong Jesus hem mekem iumi kasem gud samting?
WANEM BIBLE TEACHIM
Traem Bible Course blo Mifala
Duim free Bible study course witim instructor wea bae helpem iu.