Mifala followim advaes long Bible for “respectim evri difren kaen man” nomata long wanem biliv nao olketa garem. (1 Peter 2:17) Long samfala kantri staka handred thousand Jehovah’s Witness stap. Bat mifala no trae forcem gavman long olketa kantri hia for tambuim waka wea olketa nara religion duim. And mifala no campaign for garem olketa law wea bae forcem pipol long community for mas garem sem standard and biliv wea mifala garem tu. Mifala respectim nara pipol, and tinghae long respect wea olketa showim long mifala.—Matthew 7:12.