Memorial lo dae blo Jesus
Saturday, April 12, 2025
Wan taem evri year, Olketa Jehovah’s Witness rememberim dae blo Jesus, for obeyim komand blo hem wea sei: “Gohed for duim diswan for showimaot iufala rememberim mi.”—Luke 22:19.
Mifala invaetem iu for kam attendim disfala program.
Olketa Kwestin wea Staka Pipol Askem
Hao long nao datfala program?
Hem bae gohed for samting olsem wan hour.
Datfala program bae happen lo wea?
Story witim eni Jehovah’s Witness for savve lo moa information.
Hao, iu need for peim fee bifor iu attend?
Nomoa.
Hao, bae olketa askem kolekson?
Nomoa.
Wat kaen kaleko nao for werem?
No eni rul stap for wat kaen kaleko nao man mas werem. Bat Olketa Jehovah’s Witness traem best for followim advaes from Bible for werem kaleko wea fitim and showim respect. (1 Timothy 2:9) Iu no need for werem kaleko wea expensive or mas official.
Wat nao bae happen lo taem blo Memorial?
Datfala meeting start and finis witim wanfala song, and tu wanfala minister blo Olketa Jehovah’s Witness bae talem wanfala prea. Main samting wea bae kamap lo datfala Memorial hem wanfala tok wea storyim why dae blo Jesus hem important and hao iumi savve kasem gud samting from wat God and Christ duim for iumi.
For savve lo moa information, lukim article “Why Nao Wei wea Olketa Jehovah’s Witness Duim Lord’s Supper Hem Difren From Olketa Nara Religion?”
Wat taem moa bae next Memorial?
2025: Saturday, April 12
2026: Thursday, April 2
Iu Laek Lukim Nara Samting?
MEMORIAL
Rememberim Dae Bilong Jesus
Mifala invaetem iu for kam rememberim disfala important samting witim mifala. Bae iu lanem hao Laef and dae bilong Jesus savve helpem iu.
ESSENTIAL BIBLE TEACHINGS
Why Nao Jesus Hem Dae?
Maet iu herem dat hem dae for olketa sin blo iumi. Bat waswe, staka million pipol savve kasem gud samting from sakrifaes blo wanfala man?