1 Chronicles 9:1-44
9 Nem blo evri Israelite hia olketa raetem daon followim famili tree blo olketa insaed Buk blo Olketa King blo Israel. And olketa tekem olketa blo Judah for kamap prisoner lo Babylon bikos olketa no faithful.
2 Olketa first wan for go bak lo land and olketa taon blo olketa hem samfala Israelite, olketa priest, olketa Levite, and olketa temple servant.*
3 And samfala lo laen blo Judah, Benjamin, Ephraim, and blo Manasseh, olketa setol lo Jerusalem.
4 Olketa nao hem Uthai wea hem son blo Ammihud, and Ammihud hem son blo Omri, and Omri hem son blo Imri, and Imri hem son blo Bani, wea olketa kam from laen blo Perez son blo Judah.
5 And olketa lo laen blo Shelah, hem Asaiah wea hem firstborn and olketa son blo hem.
6 And lo olketa son blo Zerah, hem Jeuel and 690 lo olketa brata blo olketa.
7 And olketa lo laen blo Benjamin, hem Sallu wea hem son blo Meshullam, Meshullam hem son blo Hodaviah, and Hodaviah hem son blo Hassenuah,
8 Ibneiah wea hem son blo Jeroham, Elah wea hem son blo Uzzi, Uzzi hem son blo Michri, and Meshullam wea hem son blo Shephatiah, Shephatiah hem son blo Reuel, and Reuel hem son blo Ibnijah.
9 And olketa brata blo olketa followim laen blo olketa hem 956 man. And evri man hia hem olketa hed lo olketa famili laen* blo olketa.
10 And lo olketa priest, hem Jedaiah, Jehoiarib, Jachin,
11 Azariah wea hem son blo Hilkiah, Hilkiah hem son blo Meshullam, Meshullam hem son blo Zadok, Zadok hem son blo Meraioth, Meraioth hem son blo Ahitub, wanfala leader lo haos* blo tru God,
12 Adaiah hem son blo Jeroham, Jeroham hem son blo Pashhur, Pashhur hem son blo Malchijah, Maasai hem son blo Adiel, Adiel hem son blo Jahzerah, Jahzerah hem son blo Meshullam, Meshullam hem son blo Meshillemith, Meshillemith hem son blo Immer,
13 and olketa brata blo olketa wea olketa hed lo olketa famili laen* blo olketa. Olketa evriwan hem 1,760 strongfala man, wea fit and redi for duim olketa waka lo haos blo tru God.
14 And lo olketa Levite, hem Shemaiah wea hem son blo Hasshub, Hasshub hem son blo Azrikam, Azrikam hem son blo Hashabiah wea kam from laen blo Merari.
15 And Bakbakkar, Heresh, Galal, Mattaniah wea hem son blo Mica, Mica hem son blo Zichri, Zichri hem son blo Asaph,
16 Obadiah hem son blo Shemaiah, Shemaiah hem son blo Galal, Galal hem son blo Jeduthun, and Berechiah hem son blo Asa, Asa hem son blo Elkanah, wea stap lo olketa vilij blo olketa Netophahite.
17 Olketa wea gaedem gate hem Shallum, Akkub, Talmon, Ahiman, and brata blo olketa Shallum hem nao hed,
18 and kam kasem datfala taem hem nao gaedem gate blo king lo east saed. Olketa hia gaedem gate lo olketa camp blo olketa Levite.
19 And Shallum hem son blo Kore, Kore hem son blo Ebiasaph, Ebiasaph hem son blo Korah. Hem and olketa brata blo hem lo famili laen blo olketa Korahite, olketa lukaftarem waka for gaedem door lo tent, and waka for gaedem door for go insaed lo camp blo Jehovah, hem waka wea olketa grandadi blo olketa bin duim bifor.
20 Lo bifor, Phinehas wea hem son blo Eleazar hem nao leader blo olketa, and Jehovah stap witim hem.
21 Zechariah wea hem son blo Meshelemiah hem bin duim security for gaedem door blo tent for meeting.
22 Evriwan wea olketa chusim for gaedem door for kam insaed hem 212 man. Olketa stap lo olketa vilij blo olketa followim famili tree blo olketa. David and Samuel wea hem seer* appointim olketa hia wea olketa trustim.
23 Olketa man hia and olketa son blo olketa lukaftarem waka for gaedem olketa gate lo haos blo Jehovah, wea hem tent.
24 Olketa wea security lo gate stap lo fofala saed, lo east, west, north, and south.
25 Samfala taem, olketa brata blo olketa savve kam from olketa vilij wea olketa stap for waka witim olketa for sevenfala day.
26 Fofala leader* wea olketa trustim, olketa nao gaedem olketa gate. Olketa hia olketa Levite, and olketa lukaftarem olketa rum,* and ples for keepim olketa riches lo haos blo tru God.
27 Lo naet, olketa savve security raonem haos blo tru God, bikos olketa lukaftarem waka for gaedem gate, and olketa lukaftarem key and olketa savve openem door lo haos evri morning.
28 Samfala lo olketa lukaftarem olketa holy samting wea olketa iusim lo worship. Olketa savve kaontem olketa samting hia taem olketa tekem kam, and olketa kaontem moa taem olketa tekem go aot.
29 Olketa markem samfala lo olketa for lukaftarem evri holy samting, and for lukaftarem best flour, wine, oil, frankincense,* and balsam* oil.
30 Samfala lo olketa son blo olketa priest, waka blo olketa hem for mixim balsam oil for mekem perfume oil.
31 And Mattithiah wanfala Levite, wea hem firstborn blo Shallum wea kam from laen blo Korah, olketa trustim hem for lukaftarem olketa samting for beikem bred.
32 Samfala lo olketa brata blo olketa lo laen blo Kohath, olketa lukaftarem layer bred,* for preparem lo evri sabbath.
33 Olketa man hia for singsing, olketa hed lo olketa famili laen* blo olketa Levite. Olketa stap lo olketa rum,* and no duim moa eni nara waka, bikos lo day and lo naet olketa stanbae nomoa for duim waka blo olketa.
34 Diswan hem olketa hed lo olketa famili laen* blo olketa Levite, followim laen wea olketa kamaot from. Olketa hia stap lo Jerusalem.
35 Jeiel hem dadi blo Gibeon, and hem stap lo datfala taon Gibeon. Nem blo waef blo hem Maacah.
36 And firstborn son blo hem Abdon, then Zur, Kish, Baal, Ner, Nadab,
37 Gedor, Ahio, Zechariah, and Mikloth.
38 Mikloth kamap dadi blo Shimeam. And olketa evriwan stap klosap lo olketa brata* blo olketa lo Jerusalem, witim olketa nara brata blo olketa.
39 Ner kamap dadi blo Kish, Kish kamap dadi blo Saul. Saul kamap dadi blo Jonathan, Malchi-shua, Abinadab, and Eshbaal.
40 And son blo Jonathan hem Merib-baal. Merib-baal kamap dadi blo Micah.
41 And olketa son blo Micah hem Pithon, Melech, Tahrea, and Ahaz.
42 Ahaz kamap dadi blo Jarah. Jarah kamap dadi blo Alemeth, Azmaveth, and Zimri. Zimri kamap dadi blo Moza.
43 Moza kamap dadi blo Binea, Binea son blo hem Rephaiah, and Rephaiah son blo hem Eleasah, and Eleasah son blo hem Azel.
44 Azel garem sixfala son, and nem blo olketa hem Azrikam, Bocheru, Ishmael, Sheariah, Obadiah, and Hanan. Olketa hia hem olketa son blo Azel.
Olketa footnote
^ Or, “olketa Nethinim.” Heb., “olketa man wea olketa givim.”
^ Or, “temple.”
^ Lukim “Seer” lo Dictionary.
^ Heb., “strongfala man.”
^ Or, “olketa dining rum.”
^ Lukim “Frankincense” lo Dictionary.
^ Lukim “Balsam” lo Dictionary.
^ Diswan hem showbred. Lukim “Showbred” lo Dictionary.
^ Or, “olketa dining rum.”
^ Wea minim olketa relative blo olketa lo tribe blo Benjamin.
