Esther 10:1-3
-
Mordecai hem important man (1-3)
10 King Ahasuerus forcem pipol wea stap lo datfala land and olketa island lo sea for kamap slave blo hem.
2 And evri nambawan samting wea hem duim witim paoa and strong blo hem, and story abaotem hao king givim hae position lo Mordecai, evri samting hia olketa raetem insaed buk blo history blo olketa king lo Media and Persia!
3 Mordecai, datfala Jew, hem second ruler lo King Ahasuerus. Hem wanfala important man blo olketa Jew and olketa Jew barava respectim hem. Hem duim samting for helpem pipol blo hem, and hem duim samting for future genereson blo olketa stap gud.*
Olketa footnote
^ Heb., “and hem storyim peace for olketa.”