Hosea 12:1-14
12 “Ephraim kaikaim wind.
Hem ran bihaenem east wind lo full day.
Hem mekem laea and wei for raf kamap big tumas.
Olketa mekem wanfala agreement witim Assyria and tekem oil go lo Egypt.
2 Jehovah tekem Judah lo kot.Hem bae panisim Jacob fitim olketa wei blo hem,And hem bae pei bak lo hem fitim olketa samting wea hem duim.
3 Insaed lo bele blo mami blo hem, hem holem foot blo brata blo hem,And witim full strong blo hem, hem faet witim God.
4 Hem gohed faet witim wanfala angel and hem win.
Hem krae and begim hem for blessim hem.”
Hem* meetim hem lo Bethel and lo there Hem story witim iumi,*
5 Jehovah, God wea hem komanda blo olketa army,Jehovah nao nem blo hem wea pipol bae rememberim.
6 “So go bak lo God blo iu,Gohed showim loyal love* and justice,And evritaem hope lo God blo iu.
7 Bat man wea duim trading* hem iusim olketa scale wea no stret.Hem laekem tumas for raverave.
8 Ephraim gohed tok olsem, ‘Tru nao, mi kamap rich.Mi faendem riches.
And lo evri samting wea mi waka hard lo hem, olketa bae no faendem eni rong or sin wea mi duim.’
9 Bat mi nao Jehovah, God blo iu, start lo taem wea iu stap yet lo Egypt.
Mi bae mekem iu for stap moa insaed olketa tentOlsem lo olketa day wea iu celebratem festival lo taem wea olketa markem.
10 Mi story witim olketa profet,Mi mekem olketa for lukim staka vision,And mi storyim olketa tokpiksa thru lo olketa profet.
11 Lo Gilead olketa laea* and talem samting wea no tru.
Lo Gilgal pipol sakrifaesim olketa buluka,And olketa altar blo olketa hem olsem olketa hip ston lo garden wea olketa houm finis.
12 Jacob ranawe go lo land lo Aram.*Israel waka lo there for wanfala waef,And hem lukaftarem olketa sheepsheep for wanfala waef.
13 Thru lo wanfala profet Jehovah tekem aot Israel from Egypt,And thru lo wanfala profet hem protectim hem.
14 Ephraim mekem God feel nogud tumas.Hem guilty for blood blo olketa wea hem killim dae.Lord blo hem bae pei bak lo hem bikos hem mek shame lo hem.”
Olketa footnote
^ Diswan hem God.
^ Luk olsem diswan hem olketa wea kam from laen blo Jacob.
^ Lukim “Loyal Love” lo Dictionary.
^ Or, “bisnisman.”
^ Maet diswan minim olketa samting wea join witim magic.
^ Or, “Syria.”
