Hosea 14:1-9
14 “Kam bak, O Israel, lo Jehovah, God blo iu,Bikos rong samting wea iu duim mekem iu stambol.
2 Kam bak lo Jehovah and sei lo hem,‘Plis forgivim rong samting wea mifala duim and acceptim gud samting wea mifala duim,And mifala bae iusim lips blo mifala for offerim praise lo iu olsem mifala sakrifaesim olketa young bull.*
3 Assyria bae no sevem mifala.
Mifala bae no raedem olketa horse,And mifala bae no sei moa lo olketa samting wea hand blo mifala wakem, “O God blo mifala!”Bikos iu nao showim mercy lo pikinini wea no garem dadi.’
4 Mi bae healim olketa and no enitaem moa bae olketa no faithful lo mi.
Mi bae lovem olketa bikos mi laek for duim datwan,Bikos kros blo mi tane finis from olketa.
5 Mi bae kamap olsem dew for Israel.Hem bae garem flaoa olsem lilyAnd olketa rut blo hem bae go daon olsem olketa tree lo Lebanon.
6 Olketa niu branch blo hem bae grow big,Lukluk blo hem bae olsem olive tree,And smel blo hem olsem olketa tree lo Lebanon.
7 Olketa bae stap moa lo shadow blo hem.
Olketa bae plantim grain and olketa bae garem niu sut olsem vine blo grape.
Olketa bae rememberim hem olsem wine blo Lebanon.
8 Ephraim bae sei, ‘Wat moa bae mi duim witim olketa idol?’
Mi bae ansarem hem and lukaftarem hem.
Mi bae olsem wanfala juniper tree wea grow gud.
Mi nao bae givim frut lo iu.”
9 Hu nao hem wise? Letem hem minim olketa samting hia.
Hu nao hem garem gudfala tingting? Letem hem savve lo olketa.
Bikos olketa road blo Jehovah hem stret,
And olketa wea raeteous bae wakabaot followim.
Bat olketa wea duim rong samting bae foldaon lo olketa road hia.
Olketa footnote
^ Heb., “sakrifaesim lo iu olketa young bull blo lips blo mifala.”
