Hosea 4:1-19
4 Herem toktok blo Jehovah, O pipol blo Israel,Bikos Jehovah hem tekem pipol blo disfala land lo kot,Bikos no eni truth, or loyal love,* or knowledge abaotem God hem stap lo disfala land.
2 Wei for talem strong promis bat no keepim and laea and murderAnd steal and wei for duim adultery hem big tumas,And pipol gohed for killim dae olketa narawan.
3 Dastawe disfala land bae barava sorreAnd evriwan wea stap insaed bae finis.Olketa wild animal lo bush and olketa bird lo skae,And nomata olketa fish lo sea bae finis tu.
4 “Nomata olsem, no eniwan savve argue or stretem pipol blo iu,Bikos pipol blo iu olsem olketa wea argue witim wanfala priest.
5 So iu bae foldaon lo big daylaet olsem samwan wea foldaon lo naet,And profet bae foldaon witim iu tu.
And mi bae mekem mami blo iu stap kwaet.*
6 Mi bae mekem pipol blo mi stap kwaet,* bikos no eni knowledge hem stap.
From iu rejectim knowledge,Mi tu bae rejectim iu for no waka moa olsem priest blo mi.And bikos iu forgetim law* blo God blo iu,Mi tu bae forgetim olketa son blo iu.
7 Taem olketa kamap staka, olketa duim staka samting tu for sin againstim mi.
Mi bae changem glory blo olketa go lo shame.*
8 Olketa mekem olketa seleva kamap fat lo sin blo pipol blo mi,And olketa laekem* pipol for gohed duim sin.
9 Sem samting wea kasem pipol hia bae kasem olketa priest tu.Mi bae judgem olketa for olketa wei blo olketa,And mi bae mekem olketa kasem panis for olketa samting wea olketa duim.
10 Olketa bae kaikai bat olketa bae no satisfae.
Olketa bae jury,* bat olketa bae no garem eni pikinini,Bikos olketa nating respectim Jehovah.
11 Wei for prostitute* and wine and niu wineHem mekem olketa no laek for duim samting wea stret.*
12 Pipol blo mi askem help from olketa wooden idol blo olketa,Olketa duim samting wea walking stik blo olketa* talem lo olketa.Bikos feeling blo olketa for laekem tumas dirty samting* hem mekem olketa go difren,And bikos lo wei blo olketa for prostitute,* olketa les for stap anda lo God blo olketa.
13 Antap lo olketa maunten olketa offerim sakrifaes,And antap olketa hill olketa offerim olketa sakrifaes and mekem smoke blo olketa go ap,Andanit lo olketa oak tree and storax tree and evri big tree,Bikos shade blo olketa tree hia hem gud.
Dastawe olketa dota blo iufala olketa prostitute*And olketa dota-in-law blo iufala duim adultery.
14 Mi bae no panisim olketa dota blo iufala bikos olketa prostitute,*And olketa dota-in-law blo iufala bikos olketa duim adultery.
Bikos olketa man go witim olketa juryAnd olketa offerim sakrifaes witim olketa prostitute blo temple.Pipol olsem wea no garem wei for minim samting bae finis.
15 Nomata iu prostitute,* O Israel,No letem Judah kamap guilty.
No kam lo Gilgal or lo Beth-aven,And no tok olsem, ‘Mi promis front lo Jehovah wea laef!’
16 Olsem wanfala mere buluka wea bighed, Israel hem kamap bighed.
Hao, mi, Jehovah, bae lukaftarem olketa olsem shepherd wea lukaftarem wanfala young man sheepsheep lo ples wea garem gudfala grass?*
17 Ephraim hem worshipim olketa idol.
Leavim hem followim tingting blo hemseleva!
18 Taem beer* blo olketa hem finis,Olketa kamap jury.*
And olketa ruler* blo hem laekem tumas for duim olketa shameful samting.
19 Wind bae blowim hem go,And olketa bae shame lo olketa sakrifaes blo olketa.”
Olketa footnote
^ Lukim “Loyal Love” lo Dictionary.
^ Or, “distroem mami blo iu.”
^ Or, “distroe.”
^ Or, “instruction.”
^ Or maet, “Olketa no givim glory lo mi, bat olketa mekem mi kasem shame.”
^ Or, “soul blo olketa laekem tumas.” Lukim “Soul” lo Dictionary.
^ Or, “olobaot. Prostitute.”
^ Or, “olobaot. Jury.”
^ Heb., “Hem aotem heart.”
^ Or, “stik blo man for duim spiritism.”
^ Or, “olobaot. Jury.”
^ Or, “for olobaot.”
^ Or, “olobaot. Jury.”
^ Or, “olobaot. Jury.”
^ Or, “olobaot. Jury.”
^ Heb., “open ples?”
^ Or, “wheat beer.”
^ Or, “olobaot. Prostitute.”
^ Heb., “shield.”
