Job 11:1-20
11 Then Zophar, datfala Naamathite, sei olsem:
2 “Hao, evri toktok hia bae no kasem ansa,Or hao, man wea toktok tumas hem nao talem stret samting?*
3 Hao, iusles toktok blo iu bae mekem pipol stap kwaet?
Hao, no eniwan bae stretem iu taem toktok blo iu spoelem narawan?
4 Bikos iu sei, ‘Toktok* blo mi hem stret,And mi klin lo eye blo God.’
5 Bat sapos God bae toktokAnd openem mouth blo hem lo iu!
6 Then hem bae showim iu olketa secret wea bae mekem iu wise,Bikos wisdom* hem garem staka saed.
Then iu bae luksavve dat God hem no laek for tingim samfala rong wea iu duim.
7 Hao, iu savve faendem deep wisdom blo God?Or iu savve minim evri samting abaotem* Olmaeti?
8 Hem hae winim heven. Wat nao bae iu duim?
Hem deep winim Grev.* Wat nao iu savve?
9 Hem long winim earthAnd waed winim sea.
10 Sapos hem go pas and hem arrestim samwan and tekem hem lo kot,Hu nao savve stopem hem?
11 Bikos hem savve taem olketa man laea.
Taem hem lukim samting wea wicked, hao, bae hem no luksavve lo datwan?
12 Bat wanfala karangge man bae hem minim samtingOnly taem wanfala wild donkey hem bornem wanfala man.*
13 Hem bae gud sapos iu redyim heart blo iuAnd liftimap hand blo iu go lo hem.
14 Sapos hand blo iu duim rong samting, putim farawe,And no letem eni samting wea no raeteous for stap insaed olketa tent blo iu.
15 Then bae iu savve liftimap feis blo iu and no garem eni blame.Iu bae savve stand strong, and no fraetem eni samting.
16 Then iu bae forgetim nogud samting wea kasem iu.Iu bae rememberim datwan olsem olketa wata wea ran pas lo iu.
17 Laef blo iu bae braet winim midolday.Nomata darkness blo hem bae olsem morning.
18 Iu bae nating fraet bikos hope hem stap,And iu bae lukluk raon and leidaon lo peace.
19 Iu bae leidaon, and no eniwan bae mekem iu fraet,And staka pipol bae askem iu for helpem olketa.
20 Bat eye blo olketa wea wicked bae no lukluk.And olketa bae no faendem eni ples for ranawe lo hem,And hope blo olketa nomoa hem for dae.”*
Olketa footnote
^ Or, “tokplas hem nao talem stret samting?”
^ Or, “Teaching.”
^ Or, “wei for duim wise samting.”
^ Or, “faendaot abaotem baondri blo.”
^ Or, “Sheol.” Diswan hem grev blo olketa man. Lukim “Grev” lo Dictionary.
^ Or, “wild donkey hem born olsem man.”
^ Or, “soul blo olketa hem dae.”
