Job 12:1-25
12 Then Job hem sei:
2 “Tru nao, iufala nomoa pipol wea garem savve,And taem iufala dae no eniwan wea wise bae stap nao!
3 Bat mi tu garem wei for minim samting.*
Mi semsem olsem iufala nomoa.
Hu nao no savve lo olketa samting hia?
4 Mi kamap samting wea olketa fren blo mi laf lo hem,Man wea kol lo God for kasem ansa.
Man wea raeteous and no garem blame hem kamap samting wea pipol laf lo hem.
5 Man wea no warim eniting hem ting daonem olketa wea kasem hard taem,Lo tingting blo hem olketa hard taem kasem nomoa man wea tufala foot blo hem no stedy.*
6 Olketa tent blo olketa man for steal stap lo peace,And olketa wea tok spoelem God olketa stap sef,Olketa wea karem god blo olketa lo hand blo olketa.
7 Bat, plis, askem olketa animal, and olketa bae teachim iu.And olketa bird lo skae tu, and olketa bae talem iu.
8 And lukluk* lo earth, and hem bae teachim iu.And olketa fish lo sea bae talem datwan lo iu.
9 Hu lo evri creation hia nao no savveDat hand blo Jehovah hem duim diswan?
10 Laef blo evri samting wea laef* hem stap lo hand blo hemAnd brith* blo evri man.*
11 Hao, ino ear nao heresavve lo olketa wordOlsem tongue* savve teistim kaikai?
12 Hao, man wea olo no garem wisdom,And man wea laef for staka day no garem wei for minim samting?
13 Wisdom and bigfala paoa stap witim hem.Hem garem plan* and wei for minim samting.
14 Taem hem distroem samting, no eniwan savve buildim bak.Samting wea hem satem, no eniwan savve openem.
15 Taem hem holem bak olketa wata, evriting drae nao.Taem hem sendem olketa aot, olketa kavarem earth.
16 Hem garem paoa and wisdom.*Man wea duim sin and man wea leadim narawan for duim sin, tufala evriwan stap lo hand blo hem.
17 Hem mekem olketa advaesa for wakabaot barefoot,*And hem mekem olketa judge for karangge.
18 Hem aotem olketa chain wea olketa king chainim lo pipol,And hem putim belt raonem hips blo olketa.
19 Hem mekem olketa priest for wakabaot barefoot,And hem daonem olketa wea garem bigfala paoa.
20 Hem satem mouth blo olketa advaesa wea pipol trustimAnd hem aotem gudfala tingting blo olketa olo man.*
21 Hem mek shame lo olketa leader,And hem mekem pipol wea paoaful for wik.*
22 Hem showim olketa deep samting wea stap lo dark,And hem mekem bigfala darkness kam lo laet.
23 Hem mekem olketa nation for kamap strong mekem hem distroem olketa.Hem mekem olketa nation for big go moa mekem hem leadim olketa for go prisoner lo nara ples.
24 Hem aotem savve* blo olketa leader blo pipolAnd hem mekem olketa raraon lo desert wea no garem eni road.
25 Lo ples wea no eni laet lo hem, olketa hol raon for faendem samting lo dark.Hem mekem olketa raraon olobaot olsem man wea drunk.
Olketa footnote
^ Heb., “garem wanfala heart.”
^ Or, “klosap foldaon.”
^ Or maet, “story.”
^ Or, “Soul blo evriwan wea laef.”
^ Or, “spirit.”
^ Heb., “evri flesh blo man.”
^ Heb., “palate.”
^ Or, “kaonsel.”
^ Or, “wei for duim wise samting.”
^ Or, “Hem aotem evriting wea olketa advaesa onam.”
^ Or, “elder.”
^ Heb., “slakem belt blo paoaful pipol.”
^ Heb., “heart.”
