Job 18:1-21
18 Then Bildad, datfala Shuhite, hem sei:
2 “Wat taem nao bae iu stop for talem kaen toktok olsem?
Sapos iu tingting gud firstaem bifor iu toktok, bae mifala story witim iu.
3 Why nao iu ting lo mifala olsem olketa animalAnd lo eye blo iu, iu ting lo mifala olsem mifala stupid?*
4 Nomata iu mekem iuseleva* garekil bikos iu kros,Hao, earth bae emti bikos lo iu,Or ston bae muv from ples blo hem?
5 Yes, laet blo wicked man bae hem dae,And flame lo fire blo hem bae no shaen.
6 Laet insaed tent blo hem bae dark,And lamp wea hange insaed tent blo hem bae dae.
7 Hem lusim strong blo hem for wakabaot,And olketa plan blo hem bae mekem hem for kasem trabol.
8 Bikos tufala foot blo hem bae leadim hem go insaed wanfala net,And bae hem wakabaot antap lo net hia.
9 Bihaen lo foot blo hem bae pas lo wanfala trap.Wanfala trap bae kasholem hem.
10 Olketa haedem wanfala rope for hem lo graon,And wanfala trap stap lo road blo hem.
11 Hem fraetem evri samting wea stap raonem hemAnd olketa samting hia klosap stepim bihaen foot blo hem taem olketa ronem hem.
12 Hem no garem eni strong,And trabol bae mekem hem no wakabaot stret.
13 Wanfala sik hem kaikaim skin blo hem.Wanfala barava nogud sik* hem kaikaim hand and leg blo hem.
14 Olketa aotem hem from tent blo hem wea hem stap sef insaedAnd leadim hem go lo king blo barava nogud samting.*
15 Olketa stranger* bae stap insaed tent blo hem.Pipol bae torowem sulfur lo haos blo hem.
16 Olsem wanfala tree, olketa rut blo hem bae kamap drae,And olketa branch blo hem bae dae.
17 Pipol bae forgetim hem lo earth,And lo street, no eniwan bae savve lo nem blo hem.*
18 Pipol bae raosem hem from laet go insaed lo darkAnd ronem hem from datfala gud land.
19 Hem bae no garem eni pikinini and no eni laen midol lo pipol blo hem,And no eniwan bae laef lo ples wea hem stap.*
20 Taem day blo hem for finis hem kam, pipol lo West bae seke fogudAnd pipol lo East bae fraet fogud.
21 Olketa samting hia nao bae happen lo tent blo man wea duim samting wea no stretAnd ples blo man wea nating savve lo God.”
Olketa footnote
^ Or maet, “no klin.”
^ Or, “soul blo iu.”
^ Heb., “Firstborn blo dae.”
^ Or, “nogud dae.”
^ Heb., “Samting wea no blo hem.”
^ Heb., “hem bae no garem eni nem.”
^ Or, “ples wea hem stap olsem foreigner.”
