Job 23:1-17
23 Then Job hem sei:
2 “Nomata kasem tuday mi bae gohed for komplen.*Strong blo mi hem finis nao bikos mi wari tumas.
3 Mi wish nomoa mi savve wea for faendem God!
Then mi bae go lo ples blo hem for stap.
4 Mi bae presentim case blo mi front lo hemAnd storyim evri pruv for defendim miseleva.
5 Mi bae lisin lo ansa wea hem talem lo miAnd ting raonem wanem hem talem lo mi.
6 Hao, hem bae iusim bigfala paoa blo hem for raoa witim mi?
Nomoa, hem bae herem case blo mi.
7 Man wea raeteous savve stretem evri samting between hem and God,And Judge blo mi bae mekem mi kamap free for olowe.
8 Bat sapos mi go lo east, hem no stap lo there.And mi kam bak and mi no savve faendem hem.
9 Taem hem waka lo left, mi no savve lukim hem.Then hem tane lo raet, bat mi still no savve lukim hem.
10 Bat hem savve lo road wea mi wakabaot followim.
Bihaen hem testim mi, mi bae olsem pure gold.
11 Tufala foot blo mi followim gud olketa footstep blo hem.Mi gohed followim road blo hem and mi no tane difren.
12 Mi no go difren from olketa komandment wea hem talem.
Mi tinghae lo olketa toktok blo hem and mi duim samting winim wanem hem askem mi for duim.
13 Taem hem disaedem samting, hu nao savve stopem hem?
Taem hem* laek for duim samting, hem duim nao.
14 Bikos hem bae duim evri samting wea hem disaedem finis for mi,And hem tingim finis staka nara samting olsem.
15 Dastawe mi fraetem hem.Taem mi ting abaotem hem, mi fraet go moa.
16 God hem mekem heart blo mi for seksek,And Olmaeti hem mekem mi for fraet.
17 Bat thik darkness hem no mekem mi stap kwaetNomata datwan kavarem feis blo mi finis.
