Job 28:1-28
28 “Wanfala ples hem stap for mining for silverAnd wanfala ples for gold wea olketa refinem.
2 Iron olketa tekem from graon,And copper olketa meltim* from olketa rock.
3 Man tekem laet go lo ples wea dark.Hem go lo ples wea barava dark,For faendem olketa metal.*
4 Hem iusim tul for drill lo ples wea farawe from ples wea pipol stay,Lo olketa ples wea pipol forgetim, farawe from ples wea pipol wakabaot followim.Samfala man swing lo rope for go daon lo there.
5 Kaikai hem grow antap lo graon.Bat andanit, evriting hem olobaot olsem wanfala ples wea fire bonem.*
6 Lo there sapphire hem stap insaed olketa ston,And gold stap insaed lo dust.
7 No eni bird wea savve kaikaim nara animal hem savve lo road wea go lo there.Eye blo blak kite bird hem nating lukim lo there.
8 No eni wild animal hem stepim lo there.Young lion hem nating go hunting lo there.
9 Man hem brekem strongfala rock witim hand blo hem.Hem tanem daon olketa maunten lo faondeson blo olketa.
10 Hem katem rock for wata ran followim.Eye blo hem lukim evri spesol ston.
11 Hem wakem dam lo olketa river sourceAnd aotem kam olketa treasure wea haed.
12 Bat wisdom—wea nao man savve faendem,And wea nao source blo wei for minim samting?
13 No eni man realize hao important nao datwan,And no eniwan savve faendem datwan lo land blo olketa wea laef.
14 Wata wea deep hem sei, ‘Hem no stap insaed lo mi!’
And sea hem sei, ‘Hem no stap witim mi!’
15 Man no savve peim datwan witim pure gold.Nomata haomas silver man garem hard for hem exchangem witim datwan.
16 Nomata gold from Ophir hard for man peim lo datwanOr witim barava spesol onyx and sapphire ston.
17 Hard for comparem datwan witim gold and glass.Or exchangem datwan witim wanfala bowl wea olketa wakem from pure gold.
18 Hard for comparem datwan witim coral and crystal ston,Bikos basket wea fulap lo wisdom hem winim basket wea fulap lo pearl.
19 Hard for comparem datwan witim topaz ston from Cush.Hard for peim datwan tu witim pure gold.
20 Bat wea nao wisdom kam from,And wea nao source blo wei for minim samting?
21 Wisdom hem haed from eye blo evri samting wea laefAnd hem haed from olketa bird lo skae.
22 Ples for distroe and dae sei olsem,‘Story nomoa mifala herem abaotem wisdom.’
23 God hem savve hao for faendem wisdom.Hem nomoa savve wea wisdom hem stap,
24 Bikos hem lukim nomata olketa samting wea stap lo end blo earth,And hem lukim evri samting wea stap anda lo skae.
25 Taem hem givim paoa* lo windAnd measurem amount blo olketa wata,
26 Taem hem mekem law for rainAnd road for olketa cloud blo thunderstorm,
27 Then hem lukim wisdom and explainim datwan.Hem redyim wisdom and testim datwan.
28 And hem sei lo man:
‘Lukim! Wei for fraet lo Jehovah—hem nao wisdom,And wei for tane difren from nogud samting, hem nao wei for minim samting.’”
Olketa footnote
^ Heb., “pourim.”
^ Heb., “ston.”
^ Luk olsem diswan hem minim waka for duim mining.
^ Heb., “weight.”
