Job 37:1-24
37 “Heart blo mi hem pampam distaemAnd hem jamp from ples blo hem.
2 Lisin gud lo paoaful voice blo GodAnd thunder wea kamaot from mouth blo hem.
3 Hem let go lo datwan evriwea lo skaeAnd hem sendem laetning blo hem go lo end blo earth.
4 Bihaen datwan wanfala big noes.Voice blo God hem here olsem saond blo thunder,And laetning gohed flash taem hem story.
5 Taem God story, voice blo hem here spesol tumas.Hem duim olketa paoaful samting wea winim nao wat iumi savve minim.
6 Hem sei lo snow, ‘Foldaon go lo earth,’
And hem sei lo rain, ‘Foldaon big.’
7 God mekem evri waka blo man for stop*Mekem evri man wea savve dae bae savve lo evri waka blo Hem.
8 Olketa wild animal go insaed lo olketa cave blo olketaAnd olketa gohed stap insaed olketa hol blo olketa.
9 Strong wind hem blow kam from rum blo hem,And cold hem kam from wind from north.
10 Brith blo God hem mekem ice,And evri wata hem kamap blok ice.
11 Yes, hem mekem olketa cloud for hevi lo olketa drop wata.Hem spredim laetning blo hem insaed lo olketa cloud.
12 Olketa raraon lo ples wea hem talem olketa for go lo hem.Olketa duim eni samting wea hem komandim olketa for duim antap lo graon.*
13 Hem iusim olketa cloud for panisim pipol,* for mekem hem rain lo graonAnd for showim loyal love* blo hem.
14 Lisin lo diswan Job.Stop and ting raonem gud olketa nambawan samting wea God duim.
15 Hao, iu savve wat nao God duim for kontrolem* olketa cloudAnd hao nao hem mekem laetning for flash from cloud blo hem?
16 Hao, iu savve hao nao olketa cloud float?
Olketa samting hia hem olketa nambawan samting wea Wan wea garem perfect knowledge hem duim.
17 Why nao kaleko blo iu hem hotTaem wind wea kam from south hem mekem no eniting lo earth for seksek?
18 Hao, iu savve spredim* skae olsem hemAnd mekem hem strong olsem wanfala metal mirror?
19 Iu talem mifala wanem mifala shud talem lo hem.Mifala no savve talem eniting lo hem bikos mifala no minim staka samting.
20 Hao, eniwan shud talem lo hem dat mi laek for story witim hem?
Or hao, eniwan talem samting wea barava important wea hem need for herem?
21 Olketa no even savve lukim laet,*Nomata hem shaen braet lo skae,Go kasem taem wind hem go pas and blowim olketa cloud.
22 Glory wea shaen olsem gold hem shaen kam from north.Paoa blo God hem spesol tumas.
23 Hard tumas for iumi minim evri samting abaotem Olmaeti.Hem garem bigfala paoa,And hem evritaem followim justice blo hem and duim samting wea raeteous.
24 Dastawe, pipol shud fraet lo hem.
Bikos hem no hapi lo eniwan wea tingse hem wise.”*
Olketa footnote
^ Heb., “putim seal lo hand blo evri man.”
^ Or, “gud land lo earth.”
^ Heb., “olsem wanfala stik.”
^ Lukim “Loyal Love” lo Dictionary.
^ Or, “komandim.”
^ Or, “hamarem.”
^ Diswan hem sun.
^ Heb., “wea wise lo heart.”
