Job 38:1-41
38 Then Jehovah tok kam lo Job from wanfala big wind. Hem sei:
2 “Hu nao disfala man wea kwestinim hao mi duim samtingAnd hem toktok nomoa bat hem no savve lo full story?
3 Iu redi, plis, act olsem wanfala man.Mi bae kwestinim iu, and iu ansarem mi kam.
4 Wea nao iu taem mi wakem earth?
Storyim kam sapos iu tingse iu savve.
5 Hu nao markem olketa measurement blo hem, nogud iu savve,Or hu nao iusim rope for measurem waed blo hem?
6 Wat nao olketa post blo earth sidaon antap,Or hu nao leim kona ston blo hem,
7 Taem olketa morning star hapi and singaot tugeta,And evri son blo God* start for singaot big bikos olketa hapi?
8 And hu nao putim olketa door for blokem seaTaem hem bosta kamaot from bele blo mami blo hem,
9 Taem mi mekem hem werem olketa cloudAnd pasolem hem lo thik dark cloud,
10 Taem mi putim olketa spialaen for hemAnd mi putim olketa bar and olketa door blo hem lo ples blo olketa,
11 And mi sei, ‘Iu savve kam kasem lo hia, and no go ovam moa.Lo hia nao olketa big wave blo iu bae stop’?
12 Hao, enitaem iu givim komand lo morningOr mekem early morning for savve lo ples wea hem shud kamap,
13 For holem olketa end blo earthAnd for sekem mekem olketa wicked pipol aot from hem?
14 Laet hem changem earth olsem wanfala seal hem changem clay,And design blo hem showaot klia olsem design blo wanfala kaleko.
15 Bat olketa wea wicked no kasem eni laet,And hand blo olketa wea olketa apim hem brek.
16 Hao, enitaem iu go daon lo olketa source blo seaOr go daon lukluk lo olketa deep wata?
17 Hao, enitaem iu lukim olketa gate blo dae,Or hao, enitaem iu lukim olketa gate blo bigfala darkness?*
18 Hao, iu minim hao big nao disfala earth?
Talem mi, sapos iu savve lo evri samting hia.
19 Wea nao ples wea laet hem stap?
And wea nao haos blo darkness?
20 Hao, iu savve tekem hem go lo ples blo hemAnd hao, iu savve lo road wea go for haos blo hem?
21 Hao, iu savve lo diswan bikos iu born finisAnd namba blo olketa year* blo iu hem staka?
22 Hao, enitaem iu go insaed olketa stoahaos blo snow,Or hao, enitaem iu lukim olketa stoahaos blo hail,
23 Wea mi keepim for taem blo trabol,For day blo faet and war?
24 Which direction nao laet* hem shaen go lo hem,And wea lo earth nao east wind blow go lo hem?
25 Hu nao openem road for staka wata lo skaeAnd mekem wanfala road for olketa cloud blo thunderstorm,
26 For mekem hem rain lo ples wea no eni man stap,Lo wilderness wea no eni man laef lo hem,
27 For mekem land wea drae and emti for satisfaeAnd mekem grass for grow?
28 Hao, rain garem dadi,Or hu nao dadi blo dew?
29 Hu nao mami blo ice,And hu nao bornem ice from skae?
30 Hu nao mekem antap blo wata for kamap olsem ston,And hu nao mekem antap blo deep wata for kamap blok ice?
31 Hao, iu savve taengem olketa rope blo Kimah constellation*Or aotem olketa rope blo Kesil constellation?*
32 Hao, iu savve leadim kam eni constellation* lo stret taem blo hemOr leadim Ash constellation* witim olketa son blo hem?
33 Hao, iu savve lo olketa law wea kontrolem skae,Or iu savve mekem olketa* for rul ovarem earth?
34 Hao, iu savve komandim olketa cloudFor mekem flood wata for kavarem iu?
35 Hao, iu savve sendem aot olketa laetning?
Hao, bae olketa kam and sei lo iu, ‘Mifala lo hia!’
36 Hu nao putim wisdom insaed lo olketa cloud*Or hu nao givim wei for minim samting lo olketa samting lo skae?*
37 Hu nao kleva* tumas mekem hem savve kaontem olketa cloud,Or hu nao savve kapsaetem olketa wata jar blo skae
38 Taem dust hem ran olsem mudAnd olketa pis graon pas tugeta?
39 Hao, iu savve hunting for kaikai blo wanfala lionOr iu savve feedim olketa young lion gogo olketa satisfae
40 Taem olketa redi for attak insaed hol blo olketaOr haed for attak insaed haos blo olketa?
41 Hu nao redyim kaikai for raven birdTaem baby blo hem krae lo God for helpAnd wakabaot raon bikos no eniting stap for hem kaikaim?
Olketa footnote
^ Diswan kam from wanfala Hebrew toktok wea minim olketa angel blo God.
^ Or, “shadow blo dae.”
^ Heb., “day.”
^ Or maet, “laetning.”
^ Maet diswan hem olketa Pleiades star wea insaed lo Taurus constellation.
^ Maet diswan hem Orion constellation.
^ Maet diswan hem Great Bear constellation (Ursa Major).
^ Or maet, “Hem.”
^ Or maet, “insaed lo man.”
^ Or maet, “lo mind.”
^ Or, “wise.”
