Job 4:1-21
4 Then Eliphaz, datfala Temanite, hem sei:
2 “Sapos samwan trae for story lo iu, hao, bae iu les for herem hem?
Bikos hu nao bae stap kwaet?
3 Hem tru, lo bifor iu stretem staka pipol,And iu strongim olketa hand wea wik.
4 Olketa toktok blo iu savve strongim eniwan wea stambol,And iu savve strongim olketa wea knee blo olketa brek.
5 Bat distaem trabol kasem iu, and iu barava feel daon.*Hem kasem iu, and iu barava discourage.
6 From iu man wea fraet lo God, hao, iu no trustim hem?
From iu man wea faithful, hao, iu no garem hope?
7 Plis tingim: Hao, eni innocent man savve dae?
Hao, olketa wea raeteous savve distroe?
8 Wat mi lukim hem olsem, olketa wea houm* nogud samtingAnd olketa wea plantim trabol bae harvestim sem samting.
9 Taem God brith go lo olketa, olketa finis,And taem strongfala kros blo hem blow lo olketa, olketa dae nao.
10 Lion hem singaot big, and wanfala young lion hem singaot,Bat teeth blo olketa strong lion savve brek tu.
11 Lion savve dae bikos no eni animal stap for hem kaikaim,And olketa baby blo wanfala lion go stap evriwea.
12 Samwan kam haed and storyim wanfala message lo mi,And mi herem story abaotem datwan.
13 Lo naet, taem evriwan deepim sleep,Mi lukim olketa vision wea mekem mi wari tumas,
14 Mi fraet and seksek fogud,And evri bon blo mi fraet fogud.
15 Wanfala spirit go pas lo feis blo mi.Evri hair lo body* blo mi standap.
16 Then hem no muv,Bat mi no luksavve lo appearance blo hem.
Wanfala samting standap front lo eye blo mi.Evriwea hem kwaet, and then mi herem wanfala voice wea sei:
17 ‘Hao, man wea savve dae savve raeteous winim God?
Hao, eni man savve klin winim Creator blo hem?’
18 Lukim! Hem nating trustim olketa servant blo hem,And hem lukluk for eni rong samting wea olketa angel* blo hem duim.
19 Haomas moa lo olketa wea stap lo olketa clay haos,Wea faondeson blo olketa hem dust nomoa,Wea isi for smash olsem wanfala moth!
20 Olketa laef lo morning bat kasem evening olketa smash finis.Olketa finis for olowe, and no eniwan savve nomoa.
21 Hao, olketa no olsem tent wea olketa pullimaot rope blo olketa?
Olketa nating garem wisdom taem olketa dae.
