Job 42:1-17
42 Then Job sei lo Jehovah:
2 “Distaem mi savve nao dat iu fit for duim eni samtingAnd no eniting wea iu ting for duim hem hard lo iu.
3 Iu sei, ‘Hu nao disfala man wea kwestinim hao mi duim samting bat hem no savve lo full story?’
Dastawe mi story bat mi nating minim eni samtingAbaotem olketa nambawan samting wea mi nating savve lo olketa.
4 Iu sei, ‘Plis lisin, and mi bae toktok.
Mi bae kwestinim iu, and iu ansarem mi kam.’
5 Bifor, ear blo mi herem story abaotem iu,Bat distaem, mi lukim iu witim eye blo mi.
6 Mi regretim wat mi talem,*Dastawe mi sidaon lo dust and asis for showim dat mi repent.”
7 Bihaen Jehovah talem olketa toktok hia lo Job, Jehovah sei lo Eliphaz, datfala Temanite:
“Mi barava kros lo iu and tufala fren blo iu, bikos iufala nating talem tru samting abaotem mi olsem servant blo mi Job.
8 Distaem tekem sevenfala bull and sevenfala man sheepsheep and go lo servant blo mi Job, and sakrifaesim burnt offering* for iufala. And servant blo mi Job bae prea for iufala. Mi bae acceptim request* blo hem for no panisim iufala fitim karangge samting wea iufala duim, bikos iufala nating talem tru samting abaotem mi olsem servant blo mi Job.”
9 So Eliphaz, datfala Temanite, Bildad, datfala Shuhite, and Zophar, datfala Naamathite, go and duim samting wea Jehovah talem olketa for duim. And Jehovah acceptim prea blo Job.
10 Bihaen Job prea for olketa fren blo hem, Jehovah aotem hard taem wea kasem Job and hem givim bak riches blo hem.* Jehovah givim hem dabol lo evri samting wea hem garem bifor.
11 Evri brata and sista blo hem and evri fren blo hem bifor, kam lo hem and kaikai witim hem lo haos blo hem. Olketa sorre witim hem and comfortim hem lo evri hard taem wea Jehovah letem for kasem hem. Each wan lo olketa givim lo hem selen olsem present and wanfala gold ring.
12 So Jehovah blessim last part lo laef blo Job winim first part lo laef blo hem, and Job hem garem 14,000 sheepsheep, 6,000 camel, 2,000 buluka,* and 1,000 mere donkey.
13 Then hem garem tu sevenfala son and thrifala dota moa.
14 Hem nemim first dota lo Jemimah, mek-tu lo Keziah, and mek-thri lo Keren-happuch.
15 No eni nara gele lo full land hem naesbola olsem olketa dota blo Job, and dadi blo olketa givim tu inheritance lo olketa olsem olketa brata blo olketa.
16 Job hem laef for 140 years moa, and hem lukim olketa pikinini and olketa granpikinini blo hem. Evriwan lo olketa hem fofala genereson.
17 Job hem laef for longtaem and hem garem gudfala laef.* Gogo, hem dae.
Olketa footnote
^ Or, “tekem bak toktok blo mi.”
^ Lukim “Burnt Offering” lo Dictionary.
^ Heb., “bae apim feis.”
^ Heb., “Jehovah aotem Job from prison.”
^ Heb., “1,000 man buluka and 1,000 mere buluka.”
^ Heb., “old and satisfae lo laef.”
