Micah 3:1-12
3 Mi sei olsem: “Plis, herem kam, iufala olketa leader* blo JacobAnd iufala olketa komanda lo laen* blo Israel.
Iufala nao shud duim samting followim justice.
2 Bat iufala heitim gud samting and lovem nogud samting.Iufala tearem aot skin blo pipol blo mi and meat* from olketa bon blo olketa.
3 And iufala kaikaim tu meat lo body blo pipol blo miAnd aotem skin blo olketa,And smasem bon blo olketa gogo olketa pisis,Olsem samting wea kuki insaed wanfala pot,* olsem meat wea kuki insaed wanfala pot.
4 Lo datfala taem bae olketa singaot go lo Jehovah for help,Bat hem bae no ansarem olketa.
Hem bae haedem feis blo hem from olketa lo datfala taem,Bikos lo olketa nogud samting wea olketa duim.
5 Diswan nao wanem Jehovah talem againstim olketa profet wea leadim pipol blo mi go difren,Wea talemaot ‘Peace!’ and lo semtaem baet* witim teeth blo olketa,Bat olketa talemaot bae olketa faet againstim man wea no putim eniting lo mouth blo olketa, and sei:
6 ‘Bae hem naet lo iufala, iufala bae no lukim vision.Darkness nomoa iufala bae garem, no eni divination.*
Sun bae go daon lo olketa profet,And daylaet bae change for hem dark for olketa.
7 Olketa bae mek shame lo olketa man for lukim vision,And olketa man wea duim spiritism for savve lo future bae feel nogud.
Bae evriwan lo olketa mas kavarem mustache blo olketa,*Bikos God no ansarem olketa.’”
8 Bat for mi, paoa wea kam from spirit blo Jehovah hem fulap lo mi,And witim justice and wei for no fraet,For talem lo Jacob bighed fasin blo hem and lo Israel sin wea hem duim.
9 Plis herem diswan, iufala olketa leader lo laen* blo JacobAnd iufala olketa komanda lo laen blo Israel,Wea heitim justice and wea mekem evri samting wea stret for kamap crooked,
10 Wea buildim Zion witim blood blo pipol wea iufala killim dae, and Jerusalem witim samting wea no stret.
11 Olketa leader* blo hem acceptim bribe mekem olketa judgem pipol,Olketa priest blo hem teach for kasem pei nomoa,And olketa profet blo hem duim divination for kasem selen.*
And then olketa depend lo Jehovah,* and sei:
“Jehovah nao stap witim iumi.
No eni nogud samting bae kasem iumi.”
12 So bikos lo iufala,Bae olketa houm Zion olsem olketa houm wanfala garden,Jerusalem bae kamap olketa hip rabis,And maunten blo datfala Haos* bae kamap olsem olketa maunten wea forest lo hem.*
Olketa footnote
^ Heb., “olketa hed.”
^ Heb., “haos.”
^ Heb., “flesh.”
^ Or, “pot wea mouth blo hem waed.”
^ Or maet, “taem olketa garem samting for chewim.”
^ Diswan minim for duim spiritism for trae faendaot abaotem future.
^ Or, “kavarem mouth blo olketa.”
^ Heb., “haos.”
^ Heb., “Olketa hed.”
^ Or, “silver.”
^ Or, “olketa claimim olketa depend lo Jehovah.”
^ Or, “temple lo hill.”
^ Or, “ridge wea garem staka tree.”
